有網民指早前坐巴士時，聽到車長兩度「開咪」，問按鐘2次但沒下車的乘客「其實你想去邊？你唔識可以問我」，相關女乘客亦主動說出目的地，兩人一來一往的有趣互動惹來不少笑聲！
車長開咪問：其實你想去邊？
樓主在Threads上分享，早前坐巴士時，人生首次聽到車長「開咪」廣播！原來是有乘客按了兩次鐘都沒有落車，於是迫到車長問：「我想問呢撳2次鐘又唔落車嗰位乘客，其實你想去邊？你唔識可以問我，就唔好撳2次都唔落車，影響到其他人，其實你想去邊？」後來的確有1名女子回覆及疑似說出目的地，惟樓主未能聽清楚。
Threads截圖
車長再度兩度開咪
樓主續指，大約20分鐘後，聽到車長再次廣播，「我想問呢都係頭先嗰位撳2次鐘嘅乘客，妳到底想去邊？唔好再撳掣」。
示意圖
車長友善提醒
當時車上其他乘客見狀不禁發笑，而相關女乘客亦回答車長她的目的地，車長聽後便提醒說「其實下個站就係，之後妳再轉車就可以」，乘客聞言道謝。
《阿索的故事》劇照。
網民議論紛紛
樓主稱讚車長很友善，又指搭巴士趣事多多；惟部份網民則質疑車長如何可以確定是同一乘客按鐘，「其實好難睇到係唔係同一個人撳鐘」，亦有網民無奈稱至少涉事女乘客願意承認是自己不停按鐘，「至少佢肯認」。
示意圖
大埔有網民在社交平台Facebook群組留言，指日前在便利店增值八達通時，突然有位老伯「飛身走埋嚟拍咭」似乎想搶在事主未嘟張咭時，嘟走500元增值額，好彩當時店員仍未按掣，他希望藉以提醒大家要小心！
八達通卡（資料圖片）
老伯搶住嘟咭疑想搶走500元增值
樓主寫到「剛剛係OK俾$500個店員充值八達通；個店員按緊制，即刻有個揸杖的老嘢飛身走埋黎拍吐咭！」他形容好彩個店員手脚慢當時還沒按掣，「幸保不失」樓主稱之後「有個男人走出嚟勸交」但因當時他趕着要返工，所以沒有和對方糾纏下去，不過他其後想起覺得「呢個可能係同黨...」
有大埔女街坊遇到同一境況
事件引來網民的關注，一位大埔女街坊留言更指自己遇到同樣的情況，她表示在富善的便利店遇到一位老伯搶住嘟咭，她當時擋着對方隻手，更大聲喝問他，對方竟答到「想check 餘額喎，跟住走咗」她提醒大家要小心！
網上圖片
原來不少人遇到阿伯搶拍咭
亦有網民留言「係大廣樓下間OK試過，佢個八達通機係門邊，又係增值嗰陣，有個阿伯伸張八達通埋嚟，好彩職員反應夠快冇㩒制」、「試過去富善邨間ok增值200蚊，有個阿叔沖埋嚟拍卡，我一個背脊撞埋去成個瞓低仲同佢講我特登㗎唔好意思，嗰個阿叔急急腳走。我最記得個收銀笑到收唔到聲。」、「我試過一次又係比完錢，有人隊張卡埋黎，之後每次比錢都會同步放埋張卡去部機度。」
網上圖片
網民：增值一定隊咗張卡係機先好畀錢
有網民表示在旺角見過有人趁人增值時「搶拍卡」，被發現時「扮死狗」賴皮，籲大家小心「唔係一兩次，慣犯嚟」、「增值一定隊咗張卡係機先好畀錢」、「穩陣起見畀完錢職員就即刻擺定卡去讀卡機安全啲」、「最好用apps自己增值」。
網上圖片
網民一致認為最好報警處理
大家都認為如真的被人搶嘟咗，最好就是馬上報警：「俾佢嘟左，咁應該要佢俾返現金或者無錢俾就報警」、「如果拍到唔畀番錢，直接報警咁同搶有咩分別」、「如果比佢成功係咪要報警」、「拍唔拍到都算係搶劫吧？試下衝入銀行搶人地㩒緊嘅錢，唔通搶唔到就唔算犯法？」。
