鄧小巧推全新治癒作品詮釋「痛」 預告開show打側手翻

將於今個星期六、日（4月5-6日）在旺角麥花臣場館舉行兩場個人專場音樂會 《I'm here Live 2025》的鄧小巧，繼《神愛世人》後，日前推出又一治癒作品《其實痛是你的想像》。

鄧小巧推出全新一治癒作品《其實痛是你的想像》。

一如以往，歌詞由小巧親自主理，以「人」的角度詮釋「痛」，「我碌IG嘅時候，見到一個心靈post，話人生入面其實百份之九十九嘅痛都係來自你嘅價值觀，然後你身體嘅痛先至係真正無可避免嘅痛。我個verse嘅來源就係南宋一個僧人慧開禪師，佢寫嘅一首『春有百花秋有月 夏有涼風冬有雪 若無閒事掛心頭 便是人間好時節』嘅詩，我覺得人活得越耐，越過得平平安安、冇咩特別嘢發生、人生冇乜起伏，就係一個好值得感恩嘅事情。」

MV圖片

MV圖片

MV圖片

樂曲方面，編曲請來黃兆銘，作曲、監製則由曾經合作過《不藥而癒》的Bert負責，以旋律安撫受傷的靈魂。

觀看相關影片按連結：https://youtu.be/XYIJuXN5hoE

即將開show，小巧表示已密鑼緊鼓籌備，但心情平靜，「而家應該係去到on show嗰刻先識得緊張，努力準備中。」又笑言：「努力打關斗，努力瞓覺，努力去令自己嘅狀態最好。」至於體能，小巧指未有跟身為健身教練的老公白先生做gym，「但係我就成日同白先生去行山，做啲Cardio。有時佢喺屋企會train我，同埋督促我每日做10分鐘嘅plank。」六年冇開show，問到小巧有否預備驚喜給歌迷，她立即「自爆」：「我都唔知大家覺得嘅驚喜係乜嘢，側手翻？講咗仲算唔算係驚喜？哈哈。」

鄧小巧將於今個星期六、日（4月5-6日）在旺角麥花臣場館舉行兩場個人專場音樂會 《I'm here Live 2025》。

透露跟老公白先生去行山、Cardio、每日做10分鐘plank操體能。

另類放閃。

鄧小巧昨日（2月12日）出席AIA宣傳活動分享用藝術滋養心靈，仲同Fans齊齊Art Jam，大會為答謝鄧小巧送出ColdPlay門票，令現場Fans羨慕不已。小巧亦都好識做，仲攞出自家製「藝術品」予樂迷抽獎：「依家屋企『杯滿為患』嘅狀態，因為我唔捨得掉野，但自己未『財富自由』到有間房擺啲手工藝品，好多初期嘅作品越擺越多，所以有時會送比Fans。老公就未必會同我一齊做呢啲手工藝品，佢最大功能就係有時打爛隻杯、洗爛啲碗，咁舊嘅唔去新嘅唔嚟，咁就有空間喇！」

鄧小巧昨日（2月12日）出席AIA宣傳活動。

分享用藝術滋養心靈。

仲攞出自家製「藝術品」予樂迷抽獎。

活動舉行期間正席元宵及情人節前夕，不過小巧就表明唔慶祝：「我怕熱鬧啊，最多都係屋企囉，我好『宅』㗎！（佢會比驚喜你？）你睇佢似唔似會？佢係老粗底子！老公冒着大雨幫我去寄速遞，咁都好Sweet嘅，好過送花啦！」

小巧話情人節唔會特別慶祝。

仲笑老公係「老粗底」。