鍾柔美主唱《青春本我》插曲首曝光 唱出被欺淩者心酸

真係入心入肺！

由《聲夢傳奇》學員及《盛．舞者》參賽者主演的青春劇《青春本我》，將於下周日（12月5日）首播。青少年成長過程有起有落，而鍾柔美（Yumi）在劇中飾演的「葉敏兒」，則因渴望做領袖以致面對校園欺凌。

相關影片可以按以下畫面觀看：

影片連結：https://youtu.be/uVSYNr-x_e4

鍾柔美（Yumi）在劇中的角色慘被欺凌。

睇見都慘慘豬！

要匿入廁所避見同學。

Yumi指《傻人》唱出角色的無奈同無助。

今日（30日）TVB於官方YouTube頻道中，發布了Yumi在劇中主唱的插曲《傻人》片段，獲不少網民留言大讚好聽，又指Yumi成功將角色感情注入旋律裡，營造可憐、氣憤同抑鬱的氣氛！而Yumi受訪時表示：「第二集《傻人》對我嚟講係重頭戲，擔心自己一Take過會唔會控制到自己，又要投入情緒，好負面，所以呢首歌對我嚟講係一個好大嘅挑戰。」

歌曲由《聲夢》學員冼靖峰（Archie）擔任填詞人，「蓮姐」林君蓮則負責編曲。

歌詞好入肉！

Yumi唱得很投入。

Yumi 新歌以眼鏡look示人。

Yumi鍾柔美推出全新單曲《Masterpiece》，歌曲以達文西經典畫作《蒙娜麗莎》作主題，展現出自信的態度，毋須刻意討好別人，知音者自然而來。為呼應歌曲主題，MV於畫廊取景，Yumi換上三個造型，其中首次以「眼鏡娘」造型示人，非常搶眼。

今次Yumi有份參與服裝造型

Yumi快將18歲大個女，今次MV亦有自己主見，參與討論合作班底及服裝造型，務求將自己的想法原汁原味地呈現在MV之中，她表示非常滿意今次的造型。除此之外，今次MV有一大挑戰，就是要即場學舞步，更要以鏡像形式再跳一次，拍攝期間她表示：「好緊張呀！要即場學隻新舞。因為MV入面我要喺現實世界跳一次，然後再演一次畫入面嘅角色再跳多次，所以要左右調轉，真係腦筋急轉彎！」

她表示非常滿意今次的造型

仲要即場學隻新舞

雖然要通宵拍攝，不過經歷過拍攝劇集《特勤女團》（暫名）訓練，Yumi表示能夠應付：「之前拍劇嗰陣，開鏡時間唔同，都試過長時間拍攝，所以今次通宵拍攝都冇問題，最緊要作品出嚟靚就可以！」

MV 通宵拍攝，Yumi一樣以最佳姿態拍攝