黎耀祥屋邨出身一路攀升成視帝 拍《回家》分享成長故事被街坊圍睹

TVB台慶特別節目《回家》，講述12位藝人、傑青及知名人士在屋邨成長的故事，其中視帝黎耀祥是其中一位嘉賓，他曾經在順利邨居住10多年，當年他沒諗過自己在娛樂圈闖出成績，透過分享來鼓勵大家。 

黎耀祥返成長地順利邨拍攝TVB台慶特別節目《回家》。

好多街坊睇住祥仔做節目。

香港有不少藝人及知名人士在屋邨長大，更是香港人的集體回憶，TVB特別節目《回家》邀請12位嘉賓分享屋邨成長的經歷，包括黎耀祥、謝君豪、森美、黎諾懿、導演韋家輝及其弟韋家雄、前高官黃錦星、運動員黃金寶等等，而第3集嘉賓正是黎耀祥，節目將於1月5日在翡翠台播出。

現場派米、口罩及止痛膏等。

感覺好親切

早前黎耀祥為節目回到順利邨拍攝，探街坊之餘還尋找舊日的足跡，更邀請幫襯了三代的丁醫生，即場為街坊量血壓，以及安排訓練班同學仔幫手派米、送口罩及止痛膏等，街坊反應熱烈，有些街坊還說認識他的媽媽，他在現場被街坊包圍，感覺好親切。

他說：「14、5歲搬入順利邨住，由讀書到出來社會工作，經歷好多重要階段、有很多回憶。我哋三代都係睇丁醫生，他還未退休，現時有問題都會問他意見，阿仔有病都係搵丁醫生，過時過節亦會發短訊問候。」此外，祥仔也探訪了當年住在隔離的鄰居，他說這家人沒有搬，見到面十分親切。他又到過當年經常幫襯的雜貨舖及電器舖，他指兩舖經營40多年沒有轉手，而電器舖的女孩還記得他買過燈泡。

好多街坊睇住祥仔做節目。

祥仔三代都係睇身後的丁醫生。

機會永遠在前面

祥仔覺得這個節目很有意義，娛樂圈好多天王、天后出身於屋邨，透過節目可以勉勵低下階層不要放棄，機會永遠在前面，只要努力一定有機會令生活愈來愈好。祥仔正是一個好例子，他沒有人脈背景，在娛樂圈有今日的成績全靠自己的努力，他笑言沒諗過屋邨仔成為視帝，證明堅持理想、夢想，總有一日會成功！

即場為街坊量血壓。

黎耀祥拍《回家》發放正能量。

祥仔祥仔笑言會以平常心面對獎項，並指每個獎項都是對台前幕後努力過的人一種肯定和鼓勵。

《萬千星輝頒獎典禮2024》將於下月19日進行頒獎，黎耀祥（祥仔）憑叫好叫座的《巾幗梟雄之懸崖》再度成為最佳男主角的大熱人選。祥仔昨日（12月14日）以嶺南藥廠（香港）代言人身份快閃現身工展會，為品牌擔任一日限定店長，期間引來不少顧客幫襯，更有大批市民圍觀合照，又表示支持並投票撐他「柴十七」四封視帝，向來親民的祥仔，被邀自拍合照、簽名都來者不拒，任影唔嬲，成功為店鋪招財。

祥仔以代言人身份快閃現身工展會。

為品牌擔任一日限定店長。

引來大批市民圍觀合照。

祥仔被邀自拍合照、簽名都來者不拒！

祥仔表示：「我都好鍾意做呢類型活動，可能《巾幗》播完唔係好耐 ，大家見到會特別親切，我介紹下產品，推廣下，佢哋又幫襯下、講下睇劇⋯⋯我都有把握機會代表《巾幗梟雄之懸崖》拉下票！」

祥仔表示好鍾意做呢類型活動。

有市民力撐祥仔破紀錄，成為首個四奪視帝的藝人，祥仔笑言會以平常心面對：「講真一直對獎項都好佛系，觀眾對三個角色柴九、劉醒、大太監李連英都好鍾意，仲要有獎項去認可，已經破晒自己嘅紀錄，非常滿足。不過今日見到市民、街坊同你打氣時，都有個諗法，覺得有份落場參加比賽，要有體育精神嘅，所以我都好努力吖，叫大家鍾意就去投票支持下，始終每個獎項都係對台前幕後努力過嘅人一種肯定同鼓勵。」

祥仔笑言會以平常心面對獎項。

並指每個獎項都是對台前幕後努力過的人一種肯定同鼓勵。