王敏奕周奕瑋遊日一個月,發掘隱世食店+搜尋人氣餐廳
全新飲食旅遊節目《中信銀行(國際)Motion信用卡呈獻:感動味蕾美食餐廳100強-關西篇》由周奕瑋(Jarvis)、王敏奕主持,共十二集,由今晚(1日)起逢周一至三晚十點半翡翠台播映。由日本新一代食神威先生帶路,引領「日本通」Jarvis和「旅遊節目新丁」王敏奕走訪關西大阪、京都、神戶及奈良等地區,搜尋最高熱度餐廳、發掘隱世食店。每集威先生會帶來食物資訊,分享品嚐美食的私心貼士,還圍繞夢想、傳承、夫妻檔等不同主題,在懷舊歌曲《憑著愛》、《造夢者》配樂下,道出食店的暖心故事,特別有一份感動情懷。
點擊看圖輯
擁有韓日血統嘅朴先生,希望將韓國老家嘅燒肉文化融入日本。
威先生分享正確燒肉方法,敏奕吃完對方燒嘅牛舌大讚:「你唔係食神,係大廚!」
敏奕與Jarvis體驗「竹籤與醬汁的body language」。
第四代主理人上原小姐,堅持以「白燒」零調味做法保留傳統味道。
Jarvis好知敏奕心水,一睇就知佢想帶套鍋返屋企!
呢間壽司店要預約至少半年,敏奕話好味到半年都照等呀!
王敏奕和遊關西搜尋最高熱度餐廳、發掘隱世食店。
Jarvis與王敏奕花足一個月,走訪日本多地發掘富地道、人情味的餐廳,本輯先探索關西地區。今晚播出的第一集,首間介紹的餐廳融合日本與韓國文化,擁有韓日血統的店主兼料理人朴先生,獲父母傳承燒肉店,血緣的牽絆令朴先生背負使命,希望將韓國老家的燒肉文化融入日本。為讓客人享用最好的燒肉,朴先生定期到街市肉工場親自揀選鹿兒島黑毛和牛,選用部位亦十分講究。威先生指大阪餐廳必須持有衛生署發放的證書,方可向客人提供生肉,因此大阪能吃生肉的地方不多。節目中,威先生還分享正確燒肉方法,及昇華燒肉味道的小貼士,敏奕吃過其親手燒的牛舌後激動大讚:「你唔係食神,係大廚!」Jarvis吃過後亦狂點頭:「我覺得呢啖飯係日本人嘅soul food!」之後再到具80年歷史的炸串老店享用「放題式Omakase」,Jarvis與首次吃炸串的敏奕更學識「竹籤與醬汁的body language」。
「日本新一代食神」威先生
擁有韓日血統嘅朴先生,希望將韓國老家嘅燒肉文化融入日本。
大阪餐廳要持有衛生署發出嘅證書先可以賣到生肉。
威先生分享正確燒肉方法,敏奕吃完對方燒嘅牛舌大讚:「你唔係食神,係大廚!」
精選圖片
王敏奕被古老湯鍋吸引:Presentation好華麗!
明晚(2日)播出的第二集,Jarivs、敏奕轉戰京都走進舊城木屋,到訪舊式料理烹煮的鰻魚店,恍如穿越400年返回昭和時期。第四代主理人上原小姐為保留傳統味道,堅守以「白燒」零調味做法,僅灑少量鹽去除鰻魚腥味,直接用火炭烤燒,這種煮法絕對考驗鰻魚品質和料理人火喉控制,就連向來不愛吃鰻魚的Jarvis大讚外脆內嫩:「本身好怕鰻魚入面有種味道,唔鍾意食嘅人好敏感,但呢個完全冇,仲食到有種蛋白質嘅味道。」愛吃炊飯的敏奕品嚐鰻魚雜炊,除了被味道震撼味蕾,更被古老湯鍋深深吸引著:「佢個presentation好華麗,呢套鍋好靚!」之後他們到了大阪一間有名壽司店,品嚐以傳統工藝手握的江戶前壽司。由於餐廳訂座率非常高,預約至少半年或以上,第二代主理人谷村先生向來不接受媒體訪問,但因為威先生的關係破例受訪,是十分難得的拜訪機會。敏奕品嚐有別於一般的鮟鱇魚肝和甜蝦蝦膏壽司後,即著威先生為她訂座:「大半年我都等,幫我book!」威先生還分享日本文化小知識,當地餐廳的木筷子很多時用紙條封著,原來當中隱藏「緣」機:「店家會把這個當作跟客人的一個緣份,正所謂一期一會,如果這個撕破了就代表跟客人這個緣份都撕破了。」
精選圖片
炸串店具80年歷史。
敏奕與Jarvis體驗「竹籤與醬汁的body language」。
京都呢間舊式料理烹煮嘅鰻魚店,開設於昭和時期。
第四代主理人上原小姐,堅持以「白燒」零調味做法保留傳統味道。
Jarvis好知敏奕心水,一睇就知佢想帶套鍋返屋企!
壽司店第二代主理人谷村先生
木筷子用紙條封著,原來當中隱藏「緣」機!
呢間壽司店要預約至少半年,敏奕話好味到半年都照等呀!
敏奕無視卡路里啪爆脂肥肉入口!
飲食旅遊節目《中信銀行(國際)Motion信用卡呈獻:感動味蕾美食餐廳100強-關西篇》由周奕瑋(Jarvis)、王敏奕和日本新一代食神威先生擔任主持,逢周一至三晚10點35分翡翠台播映。
三人首站去到米芝蓮一星餐廳品嚐「浪速料理」。
主理人不斷追求創新。
餐牌都係主理人親自手寫。
吞拿魚 、蝶魚、劍尖魷魚刺身拼盤
汁煮喜知次
今晚(3日)播出第三集,Jarvis、敏奕和威先生繼續大開食戒,首站去到米芝蓮一星餐廳品嚐「浪速料理」,浪速是大阪前名,浪速料理的特色是海納百川,即在日本料理的基礎上再集世界各地百家之大成,算是日本最早出現的Fusion料理。三人分別品嚐了吞拿魚 、蝶魚、劍尖魷魚刺身拼盤、汁煮喜知次、宮崎牛牛腿肉 和烏魚子綠茶蕎麥麵,敏奕事後指對烏魚子綠茶蕎麥麵最印象深刻:「呢個有啲似蝦子撈麵,有一種愈食愈想食嘅感覺!」
宮崎牛牛腿肉
烏魚子綠茶蕎麥麵,望落都真係有啲蝦子麵Feel。
睇佢哋個樣就知好食啦!
睇佢哋個樣就知好食啦!
王敏奕話烏魚子綠茶蕎麥麵似蝦子撈麵。
之後三人轉戰米芝蓮必比登推介餐廳,以5,000日圓(約241港元)品嚐性價比超高的炸豬扒飯。餐廳以金華豬做主打,主理人古谷先生以獨家手法炮製厚切炸豬扒,敏奕品嚐炸豬扒時嚷着要點醬汁,Jarvis即大搞爛Gag:「日本有好多匠人,而你就係『醬人』。」敏奕聞言即時Dead Air,場面搞笑。Jarvis大讚炸豬扒肥肉是焦點:「有少少肥嘅位,一口咬落去,肥嘅油滲番去瘦啲嘅肉度,喺口入面自己混和咗。」美食當前,王敏奕亦無視卡路里,將整舊肥肉啪落口:「我平時食炸豬扒唔過三件,但我今日係不停咁食!」
呢間米芝蓮必比登推介嘅炸豬扒飯5,000日圓就食到,絕對係性價比之選。
Jarvis搞爛Gag話敏奕係「醬人」。
arvis話舊肥肉係畫龍點睛。
敏奕無視卡路里,成舊肥肉啪落口,個樣好滿足!
呢間米芝蓮2星嘅餐廳,Booking排到去下年。
最後三人去到兵庫縣一間曾獲米芝蓮2星的餐廳品嚐壽司,主理人松本先生從未有過在壽司店學師的經驗,因此他炮製的壽司與眾不同。該餐廳人氣超強,預約時間已排到一年之後,其中一道以竹葉包裹的鯛魚壽司最為特別,Jarvis驚嘆:「好似拆禮物咁,呢個喺我食壽司嘅Data Base未出現過嘅味道!」王敏奕亦大讚絕對值得一試:「完全明白點解咁難Book!」
呢個以竹葉包裹嘅鯛魚壽司最令人驚艷。
Jarvis話從未試過呢個味道。
敏奕好滿意呢間餐廳,仲話明白點解咁多Booking。