啤梨《卡拉O!Babe》相隔20多年首度重啟戶外直播 張馳豪曬麒麟臂演唱

Aska吸過百熱情粉絲！

新城廣播網絡電視（MBO TV）台長及創作總監葉文輝（啤梨）主持的《卡拉O!Babe》，相隔20多年重啟戶外直播，他上周五（6月28日）邀請了張馳豪（Aska）、馬天佑及T.MAX（海淦清）到黃埔進行戶外直播，吸引了不少粉絲和途人圍觀，場面熱鬧。

啤梨主持的《卡拉O!Babe》相隔20多年首度重啟戶外直播。

他邀請了張馳豪（Aska）、馬天佑及T.MAX（海淦清）到黃埔進行戶外直播。

啤梨直言這次回歸做節目充滿回憶，既開心又有滿足感，「我鍾意出去做節目，鍾意見到現場觀眾開心，有熱鬧嘅氣氛。」身為前輩的啤梨，亦寄語三位年輕人要珍惜光陰，鼓勵他們要盡情揮霍青春，「雖然我老，但心態仲係好年輕，亦要比啲機會同分享經驗畀年青人，將來都係年青人嘅世界。」

左起：張馳豪、馬天佑、海淦清

張馳豪（Aska）曬麒麟臂演唱！

而Aska自彈自唱原創歌曲《Cardigan》和郭頂的《保留》，上背心大曬粗壯麒麟臂的他，引來現場過百粉絲心心眼不停尖叫；Aska對於能夠參與這次戶外直播感到十分榮幸，「希望啤梨之後去唔同地方做直播都可以叫埋我，等我可以同聽眾近距離接觸，又可以叫埋我公司啲歌手一齊去玩，有唔同crossover對粉絲嚟講都有唔同新鮮感。」至於自資推出新歌《斷崖》的馬天佑，透露新歌投資了五位數，「由上年開始，我每首歌都控制喺五位數內，仲要計埋MV，如果唔係，以獨立歌立歌手嚟講真係做唔到。」

Aska吸過百粉絲！

Aska希望2025年能繼續突破框框，帶更多突破性的作品給大家。

Aska張馳豪剛推出了全新單曲《宇宙逃生口》，獲得媒體一致推薦，不單止打進了各大排行榜，包括商台叱咤榜，香港電台中文歌曲龍虎榜，於今個星期更成為了新城電台勁爆本地榜冠軍。當 Aska知道《宇宙逃生口》有此佳績時表示非常感謝大家的支持，他同時表示：「今次《宇宙逃生口》可以攞到好成績我係十分之開心，呢一首歌又係玩咗一啲平時廣東歌好少聽到嘅曲風，可以將我平時聽開嘅音樂類型變成自己嘅創作，再分享俾我嘅樂迷係我作為一個唱作人好享受嘅事。」

Aska張馳豪推出全新單曲《宇宙逃生口》。

觀看相關影片按連結：https://youtu.be/uJD76VrqjPE

除媒體推薦外，Aska同時也得到粉絲們的應援支持，之前他們便曾在旺角的大型billboard 、巴士站燈箱和巴士車身賣廣告外，他們近期更租用了金鐘地鐵站內靠近前往南港島線，左右兩傍的連續多塊廣告牌為Aska助威，Aska說：「每次見到粉絲對我的支持真的既開心又感動，所以昨天我特別嚟到金鐘站呢度打卡，其實我係有啲感觸嘅，因為我嘅粉絲真係對我好好。諗返起三年前係皇室堡仲係懵懵懂懂嘅我都有粉絲嚟支持，係好意想不到嘅事。呢班fans有好多都好似我嘅屋企人咁，不離不棄，見證住我一步一步嘅成長。好多謝佢哋冇放棄過我，同埋喺我最低落嘅時候俾咗力量我。」

Aska粉絲應援。

Aska粉絲應援。

Aska粉絲應援。

Aska與粉絲應援合照。

Aska又表示：「我希望係嚟緊2025年可以繼續突破我嘅框框，帶嚟更加多有突破性嘅作品比大家聽到。同時應該都有機會拍劇。大家可以期待一下。」

Aska粉絲應援金鐘地鐵站廣告牌。

Aska粉絲應援金鐘地鐵站廣告牌。

Aska粉絲應援金鐘地鐵站廣告牌。

Aska粉絲應援金鐘地鐵站廣告牌。

Aska粉絲應援金鐘地鐵站廣告牌。

Aska粉絲應援金鐘地鐵站廣告牌。