娛圈事
娛樂圈可能好快多一位星二代。
90年代玉女歌手黎瑞恩2014年與與金利來太子爺曾智明傳出婚變，並於同年承認離婚。單親媽媽的小恩子獨力照顧一對仔女曾凱栭（Sheree）和曾浩儒（Tyrone），而小恩子日前特地飛往澳洲與大女Sheree慶祝21歲生日。
當年女兒到澳洲升學，廿買孝媽媽小恩子在重要時刻都伴隨左右
現年51歲的黎瑞恩日前在Facebook曬出與大女Sheree頭貼頭的慶生照，並寫﹕「Happy Birthday Sheree Sweet 21st」多位圈中好友包括湯寶如、馬浚偉、黎芷珊都有留言祝賀。
15歲的Sheree那時仍有baby fat
大女話咁快21歲，甚有星味
小恩子與一對仔女感情非常好
見暴風式長大的女兒已長得亭亭玉立，淡妝的她滲出星味，小恩子曾於訪問中表示囡囡喜歡唱歌，亦不反對她將來入娛樂圈，看到娛樂圈又多一位星二代準備出道。
小恩子為善最樂。
藝人黎瑞恩（小恩子）上周五（5日）到新城廣播接受《QK玉瑛室》主持譚玉瑛（阿譚）、何基佑和黃筠兒訪問，新城廣播首席營運總監馬浚偉先生專程到直播室探班，他甫見小恩子即稱呼她「朱小姐」，小恩子開心稱呼馬浚偉「CEO」，皆因二人曾合作《男人40 CEO》舞台劇，馬浚偉飾演CEO，小恩子則飾演朱秘書，兩人開心聚舊。
黎瑞恩接受《QK玉瑛室》訪問。
與馬浚偉開心聚舊。
小恩子和譚玉瑛是藝人高爾夫球協會的成員，兩人經常相約打高爾夫球，小恩子表示：「估唔到阿譚你會打波，仲好勤力，係乖學生。」譚玉瑛即笑言：「我係初哥，同小恩子喺藝人高爾夫球協會一齊打波，有好多藝人參加，好有親切感，最開心係打完波一齊食飯。」
小恩子與譚玉瑛同為藝人高爾夫球協會的成員。
藝人高爾夫球協會是一個非牟利慈善機構，經常會舉行籌款幫助低收入家庭、獎勵讀書成績優異的小朋友及派糉等慈善活動，小恩子坦言：「做藝人要有社會責任，要為社會作出貢獻，所以有能力就去做，唔一定出錢，出力都得，其實我細個係讀基督教學校，本來信主，但最近都聽多咗佛偈，乜都聽吓，最緊要心正。」
小恩子直言做藝人要有社會責任。
譚玉瑛透露多年前與男友在某餐廳巧遇小恩子，對方竟然送她一支紅酒，「侍應攞住支紅酒過嚟，話『係黎小姐請你飲』，我就舉起隻杯多謝你，我心諗，你咁得意嘅，同你唔熟，但你又咁好，畀多支酒我飲。」小恩子笑言：「一睇就知你係酒仙啦！」小恩子又指這些情況經常都會發生，皆因她希望看到身邊人開心，只是有時都會撞板，「對人好人哋未必鍾意，人哋會心諗做咩啫？你想點？我都唔會理，會照做，可能我熱情得滯，應該學習吓唔好咁熱情，但都好難。」
小恩子希望看到身邊人開心。
小恩子性格十分開朗，經常都笑臉迎人，她直言很多病痛都是鬱出來，「成日多鬱結、唔開心嘅人，身體就會有好多病走出嚟，身體麻麻嘅人，應該去曬吓太陽，開心就係良藥。」小恩子又分享自己多年前胰臟生了兩個瘤的經歷，當時她選擇「唔理佢、話之佢」，最後兩個瘤竟然神奇消失了，「每個人都會行去最終目的地，所以我乜都冇做，醫生又冇睇，就咁過咗8年，有日肚痛，心諗應該都差唔多拜拜，點知醫生話係腸胃炎，我話仲有兩個瘤不如照埋，但醫生話見唔到有瘤，只係有兩撻疤，當時我可以合格去買份保險，就知自己已經完全冇事，呢份係我50歲時最大份嘅生日禮物，可以繼續我嘅開心人生。」問小恩子是否已沒有事情令她煩惱？她直言：「冇，我連死都唔驚咯！」
詳細節目內容，請重溫7月5日，下午3-4時，新城知訊台《原來生活好快樂》「自主人生」環節，網址：https://www.metroradio.com.hk/MetroInfo/
