生日快樂！
2月18日正日生日的黎瑞恩（小恩子），日前到新城廣播接受李有毅（Ben）和兒子李國煒（Benson）主持的《Ben同Benson Chur到行》錄音訪問，新城知訊台台長程凱欣專程送上生日蛋糕為壽星女慶生，令小恩子十分驚喜又感動。
點擊看圖輯
黎瑞恩上《Ben同Benson Chur到行》受訪
黎瑞恩剛剛生日
黎瑞恩剛剛生日
新城知訊台台長程凱欣專程送上生日蛋糕為壽星女慶生
黎瑞恩上《Ben同Benson Chur到行》受訪
小恩子許願及切蛋糕後，提到生日願望：「希望大家和和平平、大家開開心心，最重要身體健康。一對仔女都有同我慶祝，但我叫佢哋唔使買禮物畀我，因為都係用我錢買，等佢哋賺到錢先買。」談到新一年大計，她透露下半年會四出登台，又會開演唱會和舞台劇，笑言是驛馬星動。節目中，小恩子暢談她的演藝事業、慈善工作以及夢想。
憶起2022年因疫情取消的演唱會，去年才在短短兩個月內成功舉辦了《黎瑞恩V Union恩賞.演唱會2024》，她坦言雖然時間緊迫，心理壓力巨大，但觀眾的熱烈反應讓她感到無比滿足，尤其是女兒擔任個唱的嘉賓，母女同台的溫馨畫面讓全場觀眾驚嘉不已，小恩子表示：「其實係有一日我喺屋企練歌，佢見到就話『媽咪，呢首我識』，我就忽發奇想，不如搵佢做嘉賓，就係咁。」
小恩子分享生日願望
眾所周知小恩子熱衷行善，她這顆善心，是從小受到父母和老師的教導，認為幫助他人是理所當然的事情：「做善事唔係話一百個人，或者二百個人一齊去做先叫善事，日常生活中，拖老人家過馬路或者幫人影張相都係善事。」她指自己的理想世界是希望大家和睦相處，大家都開開心心、平平淡淡，因為平凡是福。」
她亦有一個宏大的願望，就是建立一個「老人樂園」，讓長者們安享晚年，她盼望道：「我希望啲老人家可以喺呢到同朋友一齊生活，得閒跑吓步、游吓水，又有職員睇住。」小恩子解釋：「呢個構思係唔知邊到睇到個老人村，啲老人家喺晒入面住。我哋老咗又唔想打擾啲仔女，咁成班朋友都一齊老，我哋話不如去泰國起間屋，每個人有獨立房，食飯就一齊。」
經常周遊列國的小恩子，除了擁有私家車及電單車牌，最令人意外的，她現正在考旅遊巴牌，V她笑言：「因為我有架好大嘅旅行車，其實用私家車牌都揸得，但我想再揸架大部啲，所以要考旅遊巴牌，但我未考到。」
再有97分超高分選手出現！
《香港歐化飛鷹活絡油呈獻：中年好聲音3》由車婉婉擔任主持，逢周日晚8點翡翠台播映。昨晚一集是24強晉身20強淘汰戰，評審團除了固定班底肥媽、張佳添、周國豐，還有嘉賓評審黎瑞恩及音樂人伍樂城。
本周李金凱隊VS占士丁丁隊六輪單對單PK戰對戰結果。
劉洋演出完畢後獲得全場如雷掌聲。
昨晚（2月16日）一集最高分數，是獻唱《我是一隻小小鳥》的劉洋，獲得97分超高分，是《中年》系列史上第二最高分，與上輪獲得97分的陳芷盈平起平坐，劉洋同樣亦獲得了昨晚一集最高分。向來聲線雄厚的劉洋，以時而細語、時而感情澎湃的狀態來呈現情感的推進，成功感動現場觀眾及評審，獲得全場如雷掌聲及一致好評，張佳添直頭忍不住尖叫。張佳添：「我又有四個字送畀你，大將之風，你係own咗呢隻歌，呢個係你嘅版本。呢首係好需要技巧嘅歌，但你畀我覺得你唔係炫耀緊你個技巧，而係一路畀緊驚喜我。」肥媽：「佢嘅感情，係真係由一個地上嘅雀仔，飛到去變成一隻大嘅鷹。」黎瑞恩：「我頭先唔覺得係一個比賽，我直頭覺得係一個表演，佢做到說唱嘅感覺。」周國豐指歌曲與劉洋perfect match：「懂得收斂咗，有鋪排，你唔單止唱緊情歌，你仲唱埋你嘅人生。」
肥媽同張佳添都好鍾意佢嘅表演。
劉洋PK戰嘅對手，係獻唱《飄洋過海來看你》嘅曹越，曹越的分數同樣不俗，有90分，是昨晚一集第三最高分，這場PK戰，單看分數已知有多精彩。
占士丁丁今次表現好似爭咗啲。
阮慧珊堅定眼神獲讚。
被視為比賽熱門之一的占士丁丁，選唱了英文歌《Hello》，原本以為他以母語獻唱手到拿來，卻被指水平反而不及他之前獻唱《李香蘭》，肥媽與小恩子更搞笑地因為占占引發爭拗，肥媽：「佢可以收斂啲，其實女人好易氹，輕輕地摸吓得喇，一吓攬埋嚟好抗拒架。（意指占占唱得太用力）。」黎瑞恩：「但我中意佢好激動咁攬住我喎，咁點呀？！」另一位引發爭議的參賽者，是獻唱《活得比你好》的阮慧珊，肥媽與小恩子齊齊點讚，肥媽：「你感動到我，我鍾意佢嘅眼光，佢將佢嘅感情，用佢嘅歌曲、用佢嘅眼、用佢嘅表情去話畀你聽，但又唔係要殺死你咁。」黎瑞恩：「我見到佢眼神好堅定，你之前同今次（相比）好有進步，希望你繼續努力。」不過周國豐卻明顯不喜歡阮慧珊的演繹：「你個版本我係唔鍾意，我亦都覺得呢隻歌唔係好啱你唱。」
林立峰選唱《兒女》全因老婆無限翻煲《金枝慾孽》？
林立峰每講一句說話，都流露咗佢嘅愛妻之情，尤其老婆堅持唱和唱但其實唱咗第二首歌嗰個位，直頭係搞笑得嚟又感動。
林立峰每講一句說話，都流露咗佢嘅愛妻之情，尤其老婆堅持唱和唱但其實唱咗第二首歌嗰個位，直頭係搞笑得嚟又感動。
經過6輪單對單PK，李金凱隊與占士丁丁隊打和，需各自淘汰一名隊員，最終李金凱隊淘汰了獻唱《兒女》的林立峰，占士丁丁隊淘汰了獻唱《稱職》的宗倩如。值得留意的是，林立峰的演唱雖然有不少進步空間，但他的愛妻程度絕對超班！首先，他選唱《兒女》是因為太太愛無限翻煲《金枝慾孽》：「我老婆翻煲《金枝慾孽》翻咗五、六round之後呢，我就問佢做乜成日睇埋啲勾心鬥角嘅戲，點知當我企咗喺個電視前面五秒鐘，我就畀佢啜實咗，我唱呢首歌時代入咗（自己係）太監。」車婉婉聞言笑言：「你咁樣兜個圈嚟擦公司鞋（讚啲劇好睇），會高分啲架咩？」最後到發表淘汰感言時，林立峰再次盡展愛妻之情，並令坐在觀眾席的妻子感動至哭成淚人：「我要多謝我老婆，每一次練歌佢一定喺我隔離，佢會堅持喺我隔籬唱和聲，其實佢唔識唱和聲嘅，佢一直唱緊第二首歌，但我都多謝佢，多謝你！」
宗倩如
昨晚晉級及被淘汰歌手一覽。
