現年44歲的陳少邦畢業於無綫第13期藝員訓練班，雖然星途不及兩位同班同學林峯和楊茜堯，但他多年來默默耕耘，在TVB多年拍過不少膾炙人口的作品，但主要都是演出奸角，早前在《反黑英雄》中飾演「大鬼」愈做愈奸，更獲封「新一代奸人專業戶」。不過現實中他是好丈夫、好爸爸，育有一名3歲女兒陳妍菲，經常會貼出一家三口的日常生活相。近日他與囡囡一起拍片，囡囡的搞笑回應令網民笑到合不攏嘴！
陳少邦係一個好爸爸
經常同老婆女兒周圍玩
分享自己一家三口的生活日常
獲封新一代御用奸人
陳少邦問囡囡世界上最靚仔的是誰，而囡囡的回答出乎意料，她天真回答是：「哆啦A夢」，之後再補充爸爸是「最醜怪」，陳少邦馬上做搞怪表情大叫：「我要做哆啦A夢！」。
陳少邦問囡囡世界上最靚仔的是誰
囡囡表示哆啦A夢最靚仔
爸爸最醜怪
竟然輸俾一隻貓
陳星妤做得幾稱職！
由優酷和TVB聯合製作的《卡士蘭NMN逆齡纖體配方呈獻：法證先鋒VI：倖存者的救贖》（下簡稱《法證先鋒6》），逢周一至周五晚八點半翡翠台播映。《法證先鋒VI：倖存者的救贖》由鍾澍佳（佳導）擔任總監製、黃國輝擔任監製，主要演員有黃宗澤、袁偉豪、蔡潔、蔣祖曼、傅嘉莉、戴祖儀、關楚耀、林正峰、王敏奕和吳業坤等。
陳星妤獲救時好虛弱。
就算素顏，一樣咁靚。
近年備受力捧的無綫小花陳星妤（Yvette），在第17及18集的《法證先鋒6》中飾演遊戲公司董事局主席兼大股東林嘉琪，繼捲入同公司高層交通意外身亡事故後，再遭同公司同僚綁架並威脅交出股份；雖然被綁架期間受盡淋冰、禁錮等酷刑，但嘉琪依然未肯讓步，最終井Sir（袁偉豪飾）等人趕到將嘉琪救出，可惜本身有「恐光症」的嘉琪已患上創傷後壓力症，遇到閃光及強光會反應極大…當大家鎖定連串事件幕後黑手可能是與嘉琪有利益衝突的王有為（董敬文飾）時，他卻於代任主席出席重要活動時暈倒，令案件更添懸疑。
昨晚Yvette主演的單元個案雖還未正式入戲肉，但已有吸睛度十足的場面上演。事緣嘉琪被綁架後，除遭困在又濕又凍又髒的環境外，更遭綁匪連環瘋狂淋冰。鏡頭所見，Yvette被淋冰一幕拍得很逼真，除了是多角度拍攝，Yvette更遭大大盤冰一再兜頭淋，我見猶憐。演技愈趨成熟的Yvette，被綁一幕演繹出色，除遇到綁匪的驚恐樣夠晒入戲，被冰淋完後的痛苦及蒼狼樣亦很有感染力，有網民更大讚Yvette已不再是花瓶：「咁樣真冰淋落去好爆」、「做得幾好，不再是花瓶」。
呢幕驚青樣做得好神似。
獲救後嘅陳星妤表面睇雖然復完得好快，但其實有好勁嘅後遺症。
呢幕喊戲做得幾稱職。
真係好清秀。
談到被淋冰場口，Yvette透露拍攝時除凍到入心，還因為一樣「食物」搞到成身黐立立：「睇劇本時我冇諗過原來拍嘅時候係咁真實，所有畀冰潑同埋喊嘅場口都係我自己做番。當時大概11/12月左右，因為要營造雪庫效果，所以劇組喺面層灑咗啲白砂糖，所以拍嗰時係又冰又水又白糖，又立又凍。我好珍惜今次呢個機會，希望演出嚟觀眾會鍾意，同埋希望大家睇到陳星妤嘅變化。」Yvette又感激劇組為免其長時間捱凍，以極速完成拍攝：「導演好好，佢先拍晒啲需要我個樣嘅shot，然後先至再搵替身拍被蒙頭嘅部分。成件事都算好快手，我拍時冇乜等待位，大概兩個鐘就拍晒，我覺得好有效率。」
除了被綁架戲份，Yvette昨晚（5日）在醫院的喊戲亦表現出色，因飽受創傷後壓力症痛苦不已、兼一直硬撐裝堅強的嘉琪，在醫院接受Dr. Fan（蔡潔飾）的治療及安慰時情緒終得以釋放爆喊；不過Yvette並沒有選擇一次過呼天搶地，而是先強忍淚水再慢慢步向崩潰；該幕喊戲Yvette更全程近乎素顏上陣，但依然無損顏值，加上演繹有層次，難怪獲讚演技進步。年僅29歲的Yvette飾演強勢女強人亦入型入格，不但穿搭高貴有型，更將意氣高揚及唔好浪費我時間等神態演繹得相當好，網民亦大讚Yvette相關造型有艷光：「陳星妤愈睇愈靚」、「佢呢套個妝好靚」。
前晚一集被綁時個樣都好入戲。
呢幕戲話題性十足。
陳星妤女強人Look獲讚。
網民：額頭鑿住衰人兩隻字
新單元中另一搶焦角色，是有「TVB御用奸角」之稱的陳少邦。在劇中飾演遊戲公司律師黎宗廷的少邦，是交通意外死者藍茵（陳善渝飾）的另一半。前晚一集，當黎律師就藍茵死訊接受井Sir調查時，雖然少邦將悲痛的情緒十足十地演繹出來，但搞笑的是全程擺到明「貓哭老鼠假慈悲」，不少網民都笑言覺得他肯定又做壞人：「呢個律師唔慌好人」、「又係額頭鑿住衰人兩隻字」，但亦有網民持相反意見：「或者今次做好人呢」。問到少邦為何會如此演繹相關場口時，他笑言是為了希望令觀眾看時更易投入：「因為睇呢啲劇，大家一定會跟住估兇手，我咁嘅樣，大家會好易覺得我係兇手，但另一方面又會懷疑劇情點會咁易估，希望咁樣嘅演繹可以令觀眾睇時更投入。」
陳少邦啲偽善樣真係好正。
