反黑英雄丨張頴康上演「救參96小時」式救女跑到嘔 傅嘉莉一Take過大晒層次式喊功

《反黑英雄》昨晚（7月1日）播出的第6集，飾演PTU沙展蘇國威的張頴康上演「救參96小時」救女行動，過程緊張刺激！

劇情講到國威女兒童童（林允晴飾）因意外與大鬼（陳少邦飾）兒子小豪（趙鎧政飾）一同被綁架，救女心切的國威決定親自前往交贖金，因而遭綁架事件幕後黑手阿祖（袁偉豪飾）遙控「玩到謝」，除了被指示在健身室更衣室剝光豬外，又遭強逼於限時內在商場極速狂奔撇甩同行警員，之後再緊接亡命飛車…最後因軒神（陳山聰飾）在關鍵一刻殺到，阿祖最終未能從國威手上搶得贖金，遂命令另一手下小松（蔡景行飾）將兩個小朋友撕票，兩名無辜的小孩生死未卜，煞是緊張。

袁偉豪隔空「玩謝」張頴康。

袁偉豪隔空「玩謝」張頴康。

商場真係好大！

張頴康成功撇甩同行警察。

張頴康成功撇甩同行警察。

袁偉豪先下手為強，打算搶走啲錢。

袁偉豪先下手為強，打算搶走啲錢。

袁偉豪先下手為強，打算搶走啲錢。

袁偉豪先下手為強，打算搶走啲錢。

陳山聰及時趕到。

昨晚整幕交贖款戲拍得相當精彩，一眾演員不但在商場來回奔跑，陳山聰等人更由商場直接跑出街，無論是袁偉豪槍殺車手手下小沈（章景恆飾）一幕，或是張頴康死命不肯讓阿祖搶走贖金一刻，均讓觀眾大為肉緊。

章景恆死狀恐怖！

張頴康精神崩潰。

談到6分鐘商場奪命狂奔場口，頴康透露相關場口足足拍了一整天，更跑到嘔，「坦白講呢場戲真係好辛苦，因為場地實在太大，當日拍咗幾次之後，有人掟支水畀我飲，我一飲即刻嘔番出嚟，雖然我本身都有玩開長跑，但個場地真係太大，要一段時間先可以適應到。」談到戲裏戲外均是三名小朋友的爸爸，張頴康坦言比較容易投入角色：「個女被綁架呢場戲，做咗爸爸之後感覺深咗好多，呢一Log戲我都好鍾意，因為好表現到父女嗰種感覺，一個警察點樣不顧一切去保護自己個家庭。」

張頴康上演「救參96小時」式救女。

喺商場奪命狂奔跑到真係嘔咗出嚟。

個商場大到咁，跑上跑落真係好甘！

飾演頴康太太珊珊的傅嘉莉（Kelly）同樣演出樣亮眼，其中一場醫院爆喊戲更大晒層次式喊功，同一時間演繹出無助、恐懼、內疚及崩潰的狀態。談到醫院爆喊戲，Kelly說：「呢場戲我係以冇咗個女、唔可以再冇埋個老公嘅心情去演，其實內心已經好崩潰，但又唔可以情緒失控到講唔到嘢。好多謝導演喺呢場戲畀咗好多空間我發揮，等我可以一Take過完成。」Kelly續指與頴康合作很有火花，大家很快便投入角色，她說：「因為阿康同角色比較相似，都係有三個小朋友，太太（麥雅緻）又係賢妻良母。有啲場口我都會請阿康幫手問佢太太意見，所以好多戲都係參考佢太太。」

傅嘉莉大晒層次式喊功，由無助到恐懼。

傅嘉莉大晒層次式喊功，由無助到恐懼。

傅嘉莉大晒層次式喊功，由無助到恐懼。

再到自責及崩潰，演出亮眼。

再到自責及崩潰，演出亮眼。

再到自責及崩潰，演出亮眼。

再到自責及崩潰，演出亮眼。

飾演大鬼的陳少邦同樣引發網友熱議，皆因他與頴康在劇中雖然同樣遭逢子女被綁架的不幸，但兩人態度卻大相逕庭，頴康出心出力救女兒，少邦卻一點都不着緊，更連環放送Cheap爆語錄！當頴康要求少邦合作救人時，少邦竟說：「阿Sir你得一個女咋，我有四個仔呀，呢個仲係二奶生嘅」、「錢呢我唔會畀架喇，我大鬼睇錢睇到天咁大，想屈我？我屈佢就有！」之後回到家後看到豪仔媽咪（阮兒飾）打算變賣家當籌贖金時，他再大拋不負責任涼薄渣爆語錄：「你唔好咁天真啦，啲綁匪會講道義咩？你唔畀錢佢哋一定撕票，你畀錢佢哋都係一樣撕票！」雖然劇中的陳少邦是人渣老竇加老公，但現實的他卻是出名的愛妻號兼好爸爸，對太太呵護備至之餘，對女兒亦是痛錫有加，還不時在社交網大晒溫馨家庭樂。

陳少邦Cheap爆語錄渣到極點。

陳少邦Cheap爆語錄渣到極點。

陳少邦Cheap爆語錄渣到極點。

陳少邦Cheap爆語錄渣到極點。

陳少邦Cheap爆語錄渣到極點。

陳少邦Cheap爆語錄渣到極點。

陳少邦Cheap爆語錄渣到極點。

陳少邦Cheap爆語錄渣到極點。

但現實中卻是百分百好老公兼好爸爸一名。

黃子恆遭行刑式三槍處決畫面震撼！

由騰訊視頻和TVB聯合製作，王娟、鍾澍佳擔任總監製、方浤酌擔任監製的警匪劇《大棧即食蟲草燕窩特約 : 反黑英雄》，逢週一至五晚8點半翡翠台播映，主要演員包括陳山聰、張振朗、袁偉豪、張頴康、朱晨麗、姚子羚、傅嘉莉、黃子恆、林景程、何沛珈等。

焦點圖片

焦點圖片

昨晚（3日）播出的第8集繼續節節高潮，短短一集已先後有三大事件爆發，分別為「西九王」無良（黃子恆飾）遭陳祖耀（袁偉豪Ben飾）行刑式處死；身份神秘的林雪兒（姚子羚飾）出場；及高高（黎澤恩飾）在醫院的大型逃獄戲，同場還加映《法證》系列主角Dr.范（蔡潔飾）出場為無良驗屍，由於《反黑》及《法證VI》均為佳導作品，兩者的Crossover顯得別具意義，更有網民驚嘆TVB劇集有自己的宇宙：「TVB有自己的IP天團」。

三大場口中，以無良臨死前的「迂迴曲折」舊式大廈兵捉賊追逐戲及其被處決一刻最為精彩。先說為時約三分鐘的追逐戲，原本於唐樓天台進行毒品交易的無良，因意外發現有人埋伏成功閃身避開祖耀從遠處射來的子彈，同一時間反黑組Madam彭穎琪（朱晨麗飾）帶隊殺到；無良避開祖耀追殺的同時，亦要逃避警方追捕，三方在舊式大廈狹窄的走廊及轉角處多次暴走及正面交鋒。同一時間被黑白兩道兼自己手下阿賢（張振朗飾）狙擊的無良，最終於停車場落在死敵祖耀手上。

呢場舊式大廈暗殺、槍戰及追逐戲拍得勁有「港味」之餘。

亦拍得子恆同阿Ben相當有型。

兩位今次飾演嘅奸角亦因而成功入屋。

張振朗呢場戲真係由頭跑到落尾，而佢喺走廊邊跑邊𥄫實子恆嘅鏡頭處理，亦相當緊湊同有張力。

袁偉豪黃子恆演奸角獲激讚有型：魅力值拉滿
以極型格槍手打扮現身的祖耀，先狠狠說出：「我畀五秒鐘你，五秒鐘你走到嘅，我唔殺你」，無良聞言垂死掙扎反駁了一句後，祖耀即開槍射向其前脛骨，並再咬牙切齒冷冷謂：「我講咗架啦，五秒鐘。」被射了一槍的無良，雖然露出極痛苦的樣子，但仍死不認輸硬撐站起身，結果遭祖耀再開槍射傷另一邊的前脛骨；為了面子，無良依然竭力試圖站起身，期間更用力至全身顫抖，演出相當真實自然。性格霸氣的無良，明知死到臨頭仍決定盡最後努力反咬祖耀一句：「係呀，係我搵泰國人搞你，屈你坐監，搞到你老婆打靶。你以為可以報到仇呀？未呀！你仲要殺多個人呀，所有嘢都係大鬼搞出嚟。」無良說時還不忘恥笑祖耀傻仔，笑容狂妄得來極度囂張，結果被氣至雙眼及嘴角抖動的祖耀，最終一槍射爆無良的頭，畫面震撼。

對於子恆嘅角色咁快「領便當」，網民都大嗌不捨。

對於子恆嘅角色咁快「領便當」，網民都大嗌不捨。

蔡潔以《法證》系列角色身份客串，成最強彩蛋。

對於無良「下綫」，不少網民大呼不捨，並大讚子恆演奸角入型入格之餘，還相當有型！網民留言：「最快下綫的反派，還以為他是Big Boss」、「演奸角演到入型入格」、「衰得來好有型」、「裡裡外外氣場十足，是目前相當有型的反派」、「顏值同埋演技真係越嚟越讚」；網民又大讚兩大反派阿Ben和子恆均是「魅力值拉滿」。

呢幕兩強對壘戲，一個字，型！

子恆中槍後嘅痛極掙扎狀相當真實，好好戲。

死到臨頭都仲要盡最後一口氣大力恥笑祖耀，倔強得嚟又真係好衰格。

袁偉豪殺氣中見淚光，因為諗起枉死嘅太太，令角色更見立體。

講到今次飾演大奸角無良，子恆受訪時大嗌好玩：「今次監製想我做到同平時嘅社團大佬好唔同嘅感覺，要係一個有學識嘅斯文人，睇落完全唔似社團大佬咁，所以我演嘅時候係當一個生意人咁去演，最大難度係拿捏個力度，做得兇少少就變得好古惑仔，做得太輕佻又冇嗰種霸氣。」提到被Ben行刑式處死，子恆坦言刻骨銘心：「最尾嗰刻佢雖然知道自己已經玩完，但係佢氣勢上完全係冇輸，我覺得成場戲個氛圍好型！」至於講到殮房戲，子恆透露拍攝當日只得10度左右：「全身只係除淨一條打底褲，仲要瞓喺張不銹鋼床上面，其實都幾難頂，但劇組都好好，一Cut機就攞毛巾畀我褸住，拍呢場戲最大難度就係唔可以震，Roll機時亦唔多可以抖氣！」子恆續指對化屍體妝最難忘：「化咗足足3個鐘，因為成個身都要上色，再加埋一啲特技化妝，基本上除咗打底褲成個人都有化妝，成個過程有三個人幫我化，拍完之後有五個人幫我落妝，前期同後期其實都用咗好多人手去做好件事。」

子羚嘅登場相當有記憶點，幾個微表情，已將角色睿智、冷靜及有意隱瞞等一面展露無遺。

子羚同振朗嘅互動相當有愛。

呢幕追殺戲張力十足。

呢幕追殺戲張力十足。

更盡顯子羚角色嘅過人膽色及硬淨面。

昨晚另一焦點，是身份成謎的林雪兒（姚子羚飾）出場。子羚雖然於第8集才登場，但她的出場卻相當有型兼impressive，腳踏紅底高跟鞋的她，鏡頭先是close up她的一雙美腿，再配合其有型地踏上樓梯的步姿，以及微微飄動的秀髮，不但型格十足，更散發著強烈女人味。子羚甫出場即現身警察局為無良死亡事件落口供，該場戲亦算是子羚的Solo晒演技之作，短短幾句口供子羚已將角色睿智、冷靜及有意隱瞞等一面展露無遺，配以帶點藐視的神情，戲味甚濃。之後子羚重遇舊情人振朗一幕亦甚有記憶點，就在二人開心話當年一刻，殺手突然殺到，振朗英勇護花以一敵四，原本被吩咐開車逃走的子羚，眼見振朗身陷險境，遂決斷地開倒頭車嚇窒殺手、並霸氣地反吩咐振朗上車一起逃走，場面張力十足，該幕亦突顯了子羚果斷及有膽色一面，短短兩幕已立體呈現林雪兒的基本性格，足見劇組功力。由於子羚的出場太有戲，不少網民估計她是劇集最終Big Boss，為劇情留下了極大懸念。

子羚到底係咪真係final big boss呢？

呢幕醫院劫獄戲，又係拍到袁偉豪、關曜儁（左1）同黎澤恩（前排）勁有型。