Skip to Content Facebook Feature Image

換一萬元新鈔出錯銀行致電要求「回收」 事主不滿:佢做錯事要我負責?

社會事

換一萬元新鈔出錯銀行致電要求「回收」 事主不滿:佢做錯事要我負責?
社會事

社會事

換一萬元新鈔出錯銀行致電要求「回收」 事主不滿:佢做錯事要我負責?

2025年01月29日 12:30 最後更新:12:35

過年前大家少不免會去銀行排隊換新鈔,為新年派利是作準備,不過日前就有網民在銀行換了一萬元新鈔後,竟收到銀行來電指職員出錯,要求事主確認「畀多咗」的新鈔,並之後會在其戶口扣返多付的金額。

Getty圖片

Getty圖片

事主稱相信銀行沒有再點算就離開

網民表示日前中午時間去到某銀行櫃位換新鈔,想換$20、$50、$100及於500的面值,當他行去櫃位時,便好隨意講了每個面值要幾多錢,還用櫃位記事紙記下,而總數就是一萬元。當時職員即時在事主面前用數錢機數過,因為事主相信銀行,所以沒有再確認就離開了。「銀行職員用機,幫我每個面值都數咗一次,我見到佢話部機就出幾多張,自己就冇去計,究竟總共係唔係一萬蚊。」

示意圖

示意圖

銀行指換多一千元要求核對並會回收

不過就在當日的傍晚時分,事主收到銀行來電表示,當日負責為他換新鈔的職員數多了一千元給他,應是面值$20的銀紙。

而銀行要求事主可以的話「即時數返啲錢再同佢哋確認返,會喺我個銀行戶口扣返$1000」。但當時事主表示該疊新鈔不在身邊,所以數不了,於是銀行請他第二天再回覆並確認。

事主感無奈要他人手再重新數多次

事主對此事感到十分無奈,他表示銀行出錯,卻要他人手數一次,他反問「其實我係咪冇義務幫返呢個銀行職員?佢做錯事要我負責,浪費我嘅時間。唔明點解可以咁都數錯。」

網民對帖文都議論紛紛,並分享了自身相同的經歷「返到公司數錢,發現(銀行)畀少左1萬蚊的$20紙」,「銀行hea應,過左差不多一星期,銀行先承認自己出錯。」該網民表示「果陣大家都認為銀行唔會錯,事實係,佢地都發緊夢!......大家拎錢真係要對清楚。」

港幣

港幣

銀行前職員望體諒:人誰無錯,幫得到就幫

當中有銀行前櫃位職員留言,希望事主可以體諒銀行前線職員在新年期間的工作量,他表示「......忙中有錯,特別新年間,真係唔係大家諗咁容易......人誰無錯,幫得到就幫。」

資料圖片 (不是涉事銀行)

資料圖片 (不是涉事銀行)

事主強調要數過唔難 但不是應份

其後事主留言強調要他數過一大疊新鈔「唔難,但唔係應份」但他最後也有應銀行要求核算新鈔的數量,「剛剛數完,聽日同返銀行講。」「會覆,費事佢blacklist我。」

Tags:

新年

往下看更多文章

小學生圍坐港鐵車廂地下「鋤大Dee」 樓主批阻礙他人兼有損學校聲譽

2025年02月17日 12:30 最後更新:12:33

繼早前有網民拍到有小學生在籃球場邊打波邊吸煙後,又有網民在社交平台貼相,指見到有一班小學生在港鐵車廂內圍圈坐玩啤牌,怒批他們沒顧及周圍環境,還有損學校形象等。

網上圖片

網上圖片

5位小學生坐港鐵車廂地下圍圈玩啤牌

這位網民日前在社交平台上載一張相片,寫到「今日睇到新聞話要資助啲學校,而家連小學生都搞成咁,唉,仲好意思收資助」相片中只見有5位穿着校服的小學生,正坐在港鐵車廂地上圍圈玩啤牌,個個都玩得很投入,完全沒有理會周圍的人群。

樓主斥阻住通道及影響學校形象

照片引起網民熱議,樓主在留言處批評相中的小學生正在「鋤Dee」怒斥他們「一,阻住通道;二,着住校服;三,着住校服影響形象。」,並表示這是團體活動影響車廂秩序,又指「佢而家五個小朋友,阻住通道,影響他人出入,已經唔合格。」、「年紀太細攞副啤牌出嚟唔係咁好,真係有啲核突」。

網友指小題大做:關你咩事?

不過網民就覺得情有可原,並指樓主小題大做「關你咩事?」、「除咗地方唔適合,阻到人,其實無乜嘢」、「當年你細個咪又係咁喺條街度玩牌!」「玩電話又話玩電話,上山玩又話危險,通街跑又話撞到你,唔出聲又話自閉、出聲又話冇大有細、你地個陣就天之驕子、宜家出世就係地底泥。」

樓主即反擊:「影響他人,影響自己學校聲譽形象破壞,呢啲就關我事。」、「我唔想俾人開年,跟住我話佢,佢哋成班就會鬧我,跟住就俾人拍片,做錯嘢係佢,唔係我,我梗係唔出聲 ,佢哋成班靚仔不知幾陶醉,睇相都知道好明顯有問題,最大問題佢哋係四五年班仲要着校服,唔講都知有問題」。

網民認為玩卡牌好過玩手機!

亦有網民估班小學生可能是打橋牌「橋牌學會聚會」,或「冚棉胎」、「潛烏龜」,「如果冇賭錢嘅話又有咩問題呢?」,部分網民更覺得玩卡牌好過玩手機好多,認為無傷大雅:「好過玩電話啦」、「點都好過打機,道德X」、「我覺得比起對住個mon好一百倍」、「人地練心算咋」、「起碼訓練到個腦」、「上緊數學堂」、「有前途,不浪費光陰,不斷進修學習」、「細細個已識中國新年文化」。

示意圖。設計圖片

示意圖。設計圖片

部份人認為不應在公眾場所阻礙他人

但都有網民撐樓主,附和寫到「敗壞風氣」、「着住校服呢啲根本就唔應該公眾地方做」、「校長見到張相實激到火屎要記過喇,原因就係影響校風」。有人就覺得玩卡牌不是問題,但不應在公眾場所阻礙他人:「係正門口玩阻人出入,乜嘢玩法呢?」、「公眾地方,就唔太好,影響到別人」、「玩橋牌係好,但唔好係港鐵車箱玩咁啫」、「 重點係交通工具上影響其他乘客,佢地喺M記玩冇人會理」。

你 或 有 興 趣 的 文 章
熱 · 門 · 榜