有港男在threads發帖，指自己乘港鐵時遇上心儀女子，並發文求助，「求Thread大神可唔可以幫幫手」。帖文引來網民熱議，但女子隔離的大叔卻因1原因，反成焦點！
港男遇心儀女乘客求助網民
該港男在社交平台發文並上傳相片，指乘搭港鐵時，遇到心儀女子。雖想認識對方但沒勇氣，故向網民們求助，「今朝地下鐵碰着他，對着一下眼，但係唔夠膽問佢攞contact，求Thread大神可唔可以幫幫手」。
threads圖片
女子外表清秀 旁有1大叔
從照片可見，女子身穿米白色長袖外套，並留有長頭髮，外表十分清秀。她背靠在車廂「多用途空間」附近，正低頭用手機；而女子旁邊站有大叔等多名乘客，樓主則站在女子斜右方，至少有數步距離。
港鐵車廂示意圖片。小紅書圖片
網民讚「有氣質」並出招教樓主
網民看過帖文都大讚女子「有仙氣」、「有氣質」、「好靚女」，又教樓主可如何搭訕打開話題，「大膽啲，行埋去同佢講；妳件外套好特別，好襯妳嘅氣質」、「真係靚女，試多幾次呢個時間搭車，再勇敢啲去拿contact啦！」。
threads圖片
1字之差大叔反成焦點
儘管女子是樓主「尋人」對象，但因樓主在帖文中用了「他」字，令網民都大笑女子旁邊的大叔才是樓主「意中人」，「由於個post係用『他』……其實佢係想搵右面個四眼叔叔……」、「想識阿叔就主動啲」。
threads截圖
「偷拍」行為不妥當
另有網民批評樓主「偷拍」行為不妥當，「感覺好似痴漢」、「點解要偷拍人？尊重呢？」。
