Skip to Content Facebook Feature Image

汪明荃澳門開騷 與羅家英台上打情罵俏

娛圈事

Video Player is loading.
Current Time 0:00
Duration -:-
Loaded: 0%
Stream Type LIVE
Remaining Time 0:00
Â
1x
    • Chapters
    • descriptions off, selected
    • captions off, selected
      娛圈事

      娛圈事

      汪明荃澳門開騷 與羅家英台上打情罵俏

      2025年04月16日 17:00 最後更新:22:48

      天星娛樂、棋人娛樂、寶輝娛樂及萬星國際娛樂文化主辦,《阿姐Diva汪明荃演唱會2025》澳門站日前於「澳門百老匯™」- 百老匯舞台圓滿完成,全場爆滿,場面熱鬧。

      汪明荃的《阿姐Diva汪明荃演唱會2025》日前於「澳門百老匯™」-百老匯舞台圓滿完成。

      汪明荃的《阿姐Diva汪明荃演唱會2025》日前於「澳門百老匯™」-百老匯舞台圓滿完成。

      Liza 姐一出場先唱出《閃爍登場》和《迷人PINK LADY》,之後她說:「多謝多謝,大家好嗎?澳門嘅朋友你哋好,嚟自香港嘅朋友你哋好,嚟自內地、北京、上海、東莞、順德嘅好多好多朋友都歡迎你哋。真係好耐冇嚟澳門啦,上一次已經係隔離嘅時候,係2022年,我記得果陣時係要隔離14日先可以出嚟唱歌。」此時剛巧有一位男觀眾遲了進場在找座位,Liza姐看到後說:「小心呀果位先生,睇唔睇到個位?你個位好好呀,歡迎你,遲咗小小唔怕,重有好多歌聽,我今晚好開心嚟到百老滙舞台,大家有冇留意我今次海報果個 logo 呀,睇睇啲字,由左至右讀就係英文嘅DIVA,但係你當睇中文又得喎,係寫住《阿姐》,睇唔睇到呀?所以我覺得呢個logo設計得好特別,係兩用嘅,其實咩稱呼都係一句啫,無論係DIVA又好,阿姐又好,汪明荃仍然係汪明荃係Liza,我都係將最好嘅一面送比觀眾,所以好希望大家今晚放開心情,好輕鬆咁聽我唱歌,同埋欣賞我哋為大家安排嘅節目,係度送比大家嘅係《天虹》。」阿姐唱畢《天虹》後說:「我嘅歌曲裡面電視劇主題曲係佔咗一個好重要嘅位置,今晚當然會有好多首本名曲同埋電視劇主題曲送比大家聽,你哋睇下我今日呢件衫似唔似一隻金絲雀?送比大家呢一首《金絲雀》。」在唱過電視劇《秋海棠》及《京華春夢》的歌曲後,Liza姐說:「啱啱睇返好多舊劇照都充滿回憶,現場有好多觀眾可能太細個未睇過呢啲劇集,果陣時拍劇通告日接夜,夜接日,都幾辛苦,但亦都好感恩透過呢啲作品拍咗好多好嘅劇,令到大家認識我,係呢幾十年大家都好支持我汪明荃,而家就送比大家另一首電視劇主題曲《用愛將心偷》。」

      更多相片
      汪明荃的《阿姐Diva汪明荃演唱會2025》日前於「澳門百老匯™」-百老匯舞台圓滿完成。

      汪明荃的《阿姐Diva汪明荃演唱會2025》日前於「澳門百老匯™」-百老匯舞台圓滿完成。

      Liza姐一出場先唱出《閃爍登場》和《迷人PINKLADY》。

      Liza姐一出場先唱出《閃爍登場》和《迷人PINKLADY》。

      同羅家英合唱。

      同羅家英合唱。

      家英哥以歌懷念張國榮。

      家英哥以歌懷念張國榮。

      Liza姐感恩粉絲相伴58載。

      Liza姐感恩粉絲相伴58載。

      安歌環節,Liza姐獻唱《熱咖啡》後說:「係呢度要多謝你哋嘅支持,陪我一齊行呢條娛樂之路,同大家分享《美麗娛樂世界》。」

      安歌環節,Liza姐獻唱《熱咖啡》後說:「係呢度要多謝你哋嘅支持,陪我一齊行呢條娛樂之路,同大家分享《美麗娛樂世界》。」

      Liza姐一出場先唱出《閃爍登場》和《迷人PINKLADY》。

      Liza姐一出場先唱出《閃爍登場》和《迷人PINKLADY》。

      多謝台前幕後每個崗位 大家配合成就一個Good Show

      在換過另一套全紅色的服飾後,阿姐再度出場,為大家一口氣唱了《銀河》、《華麗轉身》及《傾城之戀》,接著她說:「頭先跳果隻舞好唔好睇?要多謝 Sunny Wong 老師為我編舞,同埋佢都成日同我練舞,總之多謝台前幕後每一個崗位,有佢哋嘅配合先至可以成就一個Good Show,跟住我就想唱幾首鄧麗君嘅國語歌曲比大家聽,好唔好?你哋可唔可以開手機燈一齊參予,幫我打拍子,手機燈唔會用大家好多電。」阿姐接著便唱了《甜蜜蜜》、《夜來香》、《月亮代表我的心》和《路邊野花不要採》四首經典國語歌,之後傳來了家英哥的聲音:「好嘢,冇得頂呀,不過阿姐唱歌嘅內容令我好心驚。」阿姐問:「好心驚?」家英哥:「你叫我路邊野花不要採吖嘛。」阿姐:「你自己對號入座啫。」家英哥:「我聽你話所以我路邊野花不要採,我就採我嘅家花。」此時家英哥拿出一枝玫瑰花送給阿姐,家英哥問:「大家認為我係咪一個合格嘅老公?」此時台下掌聲不斷,阿姐:「嘩,好多人撐你呀,大家比多啲掌聲家英哥。」家英哥:「妳咁樣講法証明你有眼光搵到個好老公。」阿姐:「你講嘢都幾動聽,咁就將以下時間交比你。」在一番台上打情罵俏後,阿姐便回後台換衣服,家英哥:「多謝晒,其實太后搵我唱歌嘅原因係乜嘢呢?大家知唔知呀?因為我靚仔?想介紹老公比大家識?梗係唔係啦,因為太后帶咗好多靚衫嚟,咁啲靚衫係攞嚟換嘅,咁換衫就需要時間,咁呢個時間搵邊個去《襯》呢?咁梗係搵老公去做啦,所以我想同大家傾下計,講下嘢,唱下歌,講啲笑話等大家開心下,咁太后就可以去換衫,換完靚衫出嚟就繼續為大家唱歌,大家係咪繼續咁開心呀?所以我係咪好有用呢?呢個時間我想唱一首歌,呢首歌就係因為每逢4月1號我都好掛住一個朋友,掛住張國榮,我同佢一齊做過好多套戲,包括《金玉滿堂》同《色情男女》等等,同時佢對粵劇都好有興趣,得閒果陣佢成日問我啲做手係點,轉個身睇下,揈個水袖睇下,哥哥經常同我傾呢啲計,所以我哋好多嘢講,係呢個時間我送呢首歌比大家《儂本多情》。」

      同羅家英合唱。

      同羅家英合唱。

      追求藝術無分國界
      換過一身翡翠綠服飾的 Liza 姐在舞蹈員伴舞下獻唱了由《辛棄疾 - 青玉案 • 元夕》、《蘇軾 - 蝶戀花 • 春景) 和《李清照 - 聲聲慢)組成的宋詞組曲,之後她說:「我對藝術嘅追求絕對係無分國界,無論古今中外,只要係出色嘅我都有興趣學,啱啱唱呢3隻歌係出自宋代出名嘅詞,除咗詩詞之外,大家都知我鍾意做粵劇,咁我曾經係電視演過穆桂英呢個角色,不過我最近升咗《呢》,因為我想突破自己,所以我係粵劇做埋佘太君個角色,係度我就送呢首《楊門女將》比大家。」然後阿姐說:「我即將唱一啲輕鬆嘅小調,大家又要準備手機燈,大家一齊唱,一齊打拍子,好唔好?第一首係《撲蝶》,等大家輕鬆下。」及後阿姐唱了《像白雲像清風》便結束了這部份的演出。

      家英哥以歌懷念張國榮。

      家英哥以歌懷念張國榮。

      汪阿姐多謝大家對她58年的支持
      家英哥再度出場便問觀眾:「我係咪好靚仔呀?件衫靚唔靚呀?褲同鞋都係同一個牌子,頂帽都係,老婆送嘅,多謝老婆,其實件衫本來佢係買比自己著,不過件衫太大,我問佢點著,咁佢就比我試,睇下我啱唔啱著,點知我一試就變成而家咁樣,跟住試埋條褲,又fit到極,其實佢買衫唔係買比自己,佢個心諗住我,所以買咗件衫比我,多謝,著到我又青春又靚仔。」家英哥之後便唱出他中英文歌詞交替的《Only You》,及後Liza姐再度出場唱出《家變》,「呢首歌係電視劇《家變》嘅主題曲,當時我飾演女主角洛琳,佢係劇入面嘅髮型同時裝都有好多女仔鍾意,而女強人呢三個字亦都係因為呢套劇先開始有,其實拍劇有機會唱好歌同拍到一部好嘅劇之外,亦都有好多機會同靚仔合作,好似四哥謝賢、周潤發、秋官、任達華、林子祥同劉松仁,馬上帶比大家呢首永恒嘅歌《京華春夢》。」Liza姐再說:「今晚有啲歌係用咗新編曲,有耳目一新嘅感覺,要多謝我嘅音樂總監趙增熹,佢成日同我練歌,係呢度我亦要多謝樂隊、和音、中樂老師,多謝晒,最重要係多謝大家對我嘅支持,因為我唔知仲可以唱幾多次?所以非常感激每一次演唱會入場嘅觀眾,多謝你哋支持咗我58年,聽返呢啲歌我自己都非常感動,因為呢啲歌可以唱咗幾十年,同埋而家嘅觀眾都係咁擁護我,多謝大家支持。時間過得好快,又去到法定時間嘅最後一首歌,只要大家開心同埋有掌聲,一陣我會返出嚟再唱歌比大家聽,送比大家《勇敢的中國人》。」

      Liza姐感恩粉絲相伴58載。

      Liza姐感恩粉絲相伴58載。

      和家英哥合唱《萬水千山總是情》 為演唱會澳門站劃上圓美句號
      在Encore部份,Liza姐先唱出了《熱咖啡》,接著她說:「我今日係歌手,聽日可以係粵劇嘅演員,我亦都有去做一啲行政嘅工作,為業界做貢獻,每一個崗位我都盡心盡力去做,因為我知道大家對汪明荃係有好高嘅期望,有好多要求,所以我係要不斷改進同增值,係呢度要多謝你哋嘅支持,陪我一齊行呢條娛樂之路,同大家分享《美麗娛樂世界》。」在唱畢演唱會主題曲《Make my day》後,Liza再度邀請哥出現在台上,他倆合唱了《萬水千山總是情》,並為今次演唱會澳門站劃上圓美句號。《阿姐Diva汪明荃演唱會2025》即將分別於5月3日在上海亦即阿姐的家鄉和6月13日在廣州舉行,喜歡她的歌迷,萬勿錯過。

      安歌環節,Liza姐獻唱《熱咖啡》後說:「係呢度要多謝你哋嘅支持,陪我一齊行呢條娛樂之路,同大家分享《美麗娛樂世界》。」

      安歌環節,Liza姐獻唱《熱咖啡》後說:「係呢度要多謝你哋嘅支持,陪我一齊行呢條娛樂之路,同大家分享《美麗娛樂世界》。」

      77歲的汪明荃(阿姐Liza)與78歲的羅家英於1988年因合作粵劇《穆桂英大戰洪州》結緣,翌年開始交往,雖然期間家英哥多次向阿姐求婚,但因阿姐曾經歷婚姻失敗,加上事業心強而拒絕,而家英哥亦從未放棄!直到2004年,家英患上第三期肝癌,改變了阿姐對婚姻的看法,二人於2009年在美國拉斯維加斯註冊結婚,至今依然十分恩愛!阿姐昨日(5月2日)在社交平台分享二人慶祝結婚16周年的照片。

      阿姐與家英哥一直有影皆雙。

      阿姐與家英哥一直有影皆雙。

      不時去旅行。

      不時去旅行。

      汪明荃IG圖片

      汪明荃IG圖片

      汪明荃IG圖片

      汪明荃IG圖片

      阿姐在IG貼出家英哥送給她的牡丹花束照片,花束中附有一張卡片,上面寫着:「麗莎,慶祝16週年啊。吃好,睡好,唱好,美好,什麼都好。英英」,家英哥這番話雖然簡單,但非常甜蜜!阿姐又在帖文中感概:「唔經唔覺已經十六年了,多謝家英哥既愛錫,包容及陪伴。接著的日子希望仍然是歡歡喜喜每一天!」

       
       
       
       
       
      View this post on Instagram
       
       
       
       
       
       
       
       
       
       
       

      A post shared by Liza Wang (@wang_liza)

      不少圈中後輩及網民看過阿姐的帖文都紛紛留言讚「sweet」,又祝福二人,「恭喜恭喜!邁向下一個16年」、「恭喜!繼續甜甜蜜蜜」、「原來家英哥咁浪漫好有儀式感呀」、「祝Liza姐和家英哥結婚周年紀念日快樂」、「D(啲)花除咗香氣,好似仲有D(啲)甜味咇出來」、「甜呀!點解家英哥仲咁識得氹人㗎?真係要向阿姐你學習!」

      汪明荃IG圖片

      汪明荃IG圖片

      汪明荃IG圖片

      汪明荃IG圖片

      汪明荃IG圖片

      汪明荃IG圖片

      羅家英IG圖片

      羅家英IG圖片

      羅家英IG圖片

      羅家英IG圖片

      羅家英IG圖片

      羅家英IG圖片

      你 或 有 興 趣 的 文 章
      熱 · 門 · 榜