麥秋成希望另一半是廚藝高手，可以大享口福！
秋成於廣告中示範最拿手的舞蹈
秋成近日成為ViuTV真人騷節目《全民造星》的星級導師
麥秋成近日成為ViuTV真人騷節目《全民造星》的星級導師，並獲德國刀具品牌邀請拍攝廣告。
點擊看圖輯
秋成近日成為ViuTV真人騷節目《全民造星》的星級導師
秋成獲德國刀具品牌邀請拍攝廣告
秋成笑言平日因為編舞的工作繁多，經常早出晚歸。
廣告中，秋成除了示範他最拿手的舞蹈外，也應導演要求跳舞到廚房內下廚獻技，展現其暖男的一面。
秋成應導演要求跳舞到廚房內下廚獻技
秋成展現暖男一面
除了「煮番兩味」外，秋成也即場測試刀具，以麵包刀將硬身的法國麵包切成薄薄一片。秋成笑言，平日因為編舞的工作繁多，經常早出晚歸，很少留在家中下廚。現時單身的他很期待將來的另一半是廚藝高手，可以大享口福。
秋成以麵包刀將硬身的法國麵包切成薄薄一片
秋成很少留在家中下廚
提到近日要為ViuTV真人騷《全民造星》擔任星級評判，秋成指已經見過所有參賽者，水準比他預期的高。秋成回想起4年前以唯一一位香港代表參加《中國好舞蹈》比賽，重遇昔日令他對舞蹈產生濃厚興趣的恩師郭富城，「讀書嘅時候因為城城開始學跳舞，之後仲成為佢嘅舞蹈團隊，估唔到參加《中國好舞蹈》，咁啱又係城城做評判。要企上舞台表演，唔係一件容易嘅事，見到班《全民造星》參賽者，難免會諗番起自己，希望佢哋可以盡最大嘅努力，做好每一場演出。」
范浩賢全力勇闖唱作人之路！
曾參加《全民造星》並躋身二十強的范浩賢（Neal），在2025年推出他的第一首唱作作品〈光之丘〉，獲得恩師周耀輝及一眾圈中好友力撐，令他更有勇氣與力氣向唱作人之路邁進。
唱作人范浩賢（Neal）推出新歌《光之丘》。
《光之丘》
2018年，Neal參加過《全民造星》後，一度退居幕後，擔任填詞的工作，並曾為胡鴻鈞〈偉業街〉及6號@RubberBand〈太空糖〉等填詞，不過今年他終於再度活躍幕前，以唱作人身份推出新歌〈光之丘〉，他介紹歌曲道：「〈光之丘〉作曲人阿堯最初俾我嘅demo，感覺好似動漫插曲，因為佢錄音嘅時候剛好中咗covid，把聲沙沙地，氣若柔絲，令我聯想到《數碼暴龍》或者王道動漫嘅故事發展，永遠喺主角唔夠打嘅時候，跟住會響起一首插曲，同大家一齊衝，最後打大佬贏咗。」因為這個demo的演繹，令Neal聯想到《數碼暴龍》裡主角太一與亞古獸每次面對打不贏的對手，有危機時才能夠進化的場面，所以他便以動漫當中，故事最初發生的地點東京光之丘為歌曲命名，引伸到「光之丘」是代表著支撐精神與信念的地方，憑藉永不言敗的意志，聚集力量，創造燦爛的去向。
范浩賢曾參加《全民造星》。
Neal很愛打籃球，已故NBA傳奇球星高比拜仁不僅是其偶像，更是他的「光之丘」，Neal道：「 Kobe就算離開咗，佢嘅意志、心態都引領我去做更好嘅自己。」除了Kobe，今次製作〈光之丘〉亦有一班音樂人，伴著Neal闖過迷惘失措，他特別製作了MV，去感謝這一班戰友，Neal說：「我錄音嘅時候拍咗一堆花絮，當初只係諗住用嚟感謝參與過呢件事嘅音樂人，不過睇返啲畫面嘅時候，感覺佢哋正正就好似demo歌名〈集氣歌〉一樣，大家一齊集氣，成就咗〈光之丘〉，所以我就將片段剪輯成為MV，感激佢哋成就咗〈光之丘〉嘅誕生。」
Neal視已故NBA傳奇球星高比拜仁為偶像。
范浩賢穿上Kobe波衫於美國留影。
范浩賢熱愛籃球，為籃球隊Mediators其中一員。
過去曾參加〈全民造星〉的Neal，曾躋身二十強，不過他當時未有直接出道，反而等了6年才正式推出歌曲，他解釋現在才以唱作人身份再次跟大家見面的原因，道：「當年參加〈全民造星〉唔係諗輸贏問題，而係想喺過程中，搵到自己有乜嘢可以做得更加好，要再去學習、改善。呢幾年真係花咗好多時間再改進，我覺得而家係最適合嘅時間，去將歌曲同埋歌詞擺埋一齊，去話俾人知我而家係一個唱作人，我想用一首代表自己而家心聲嘅作品，向大家再一次介紹自己，我係一個點樣嘅唱作人。」
其實Neal成為唱作人也絕非偶然，在大學時期，他在課堂上已經跟隨殿堂級填詞人周耀輝學習填詞，二人至今亦師亦友，所以在推出〈光之丘〉之前，他特別讓周耀輝先聽為快，Neal道：「我有俾個mix耀輝聽，佢淨係話：『好聽』，冇再講其他特別嘅說話。我覺得係好事，因為我認識嘅耀輝，如果佢覺得麻麻地，會話：『得唔得㗎？』佢冇咁講，我諗過到關啦，聽到份詞應該唔會覺得哽耳，所以開心㗎，仲令我有信心繼續去行呢件事，係一個好大嘅support。」除了得到周耀輝的鼓勵外，另一位填詞人喬靖夫、單車運動員李慧詩，網紅娜姐等亦有拍片力撐，簡單的一句，已給予Neal最大的力量，拼盡全力勇闖唱作人之路。
范浩賢得恩師周耀輝讚賞。
范浩賢曾為李慧詩於浸大歌詞班的導師。
