前無線花旦33歲陳法拉2013年狠飛丈夫Neway大少薛世恒，同年離開大台毅言出走美國進修戲劇，漸漸淡出香港娛樂圈。前夫薛世恒卻於情戰上積極求愛，力追教友兼歌手梁雨恩（Cathy），豈料有知情者爆料指Cathy堅守聖潔，大少追極唔到。《頭條日報》記者日前又發現，原來大少已經轉了口味改嗒圈外中女，上周六凌晨夜會蒲吧，再十指緊扣轉場消夜。
薛世恒與新女以黑衫牛仔褲情侶裝蒲吧，再十指緊扣離開
知情人士指大少年中看中30歲歌手梁雨恩，頻頻返教會，仲爭住入詩歌班親近伊人。可惜男方求愛大半年未見成功。原來係虔誠教徒堅守聖潔，Cathy未敢拍拖，仲日日戴住隻「誠潔戒指」提醒自己，搞到男士們苦等多時無晒癮。
二人警覺性高，不時四圍望
以為大少唔會咁易放開Cathy，但《頭條日報》記者卻於上周六凌晨於上環街頭見到大少。當時他身穿黑皮褸牛仔褲插袋chok住行，與圈外女友人離開酒吧。
新女披上男友皮褸，大少有風度為女開車門
女友人外形與大少相襯，望落都有四十歲，不過論樣貌，中女就及唔上法拉和Cathy的甜樣吸引。他們蒲完吧後，女方看似醉醉地，二人先揸車落灣仔食個宵。食飽飽後，女方披着男友皮褸外出，大少就有風度為女友開車門，細心睇實女伴上車後，就做柴可夫司機載女返家。
大少感情生活再次受到注意。有記者訪問Cathy，Cathy指與對方很久沒聯絡，不太清楚對方有新歡。而法拉則透過經理人指對事件並無回應。