Skip to Content Facebook Feature Image

85歲婆婆覆診尿急 遭醫院清潔阿姐阻入廁所兼責怪 女兒痛心誓投訴

HotTV

85歲婆婆覆診尿急 遭醫院清潔阿姐阻入廁所兼責怪 女兒痛心誓投訴
HotTV

HotTV

85歲婆婆覆診尿急 遭醫院清潔阿姐阻入廁所兼責怪 女兒痛心誓投訴

2023年10月02日 11:30 最後更新:10月03日 13:30

8旬女患者到醫院覆診尿急要去廁所,卻被清潔阿姐拒絕進入兼怪責「阻住做嘢」,事主女兒目睹感心痛,誓要投訴到底。

有女網民指八旬母親到醫院覆診去洗手間,遭清潔阿姐拒絕進入「難道去其他廁所就會瀨咩?!」。(Getty圖片)

有女網民指八旬母親到醫院覆診去洗手間,遭清潔阿姐拒絕進入「難道去其他廁所就會瀨咩?!」。(Getty圖片)

有女網民於Facebook群組「將軍澳主場」發文,表示日前帶母親到將軍澳醫院眼科覆診,其間母親尿急要去洗手間「去廁所時媽咪已經好急,用手揸住褲襠」,豈料被清潔阿姐拒之門外「廁所嗰姐姐話要清潔,大把廁所,吾俾去」,阿姐更囂張反問「難道去其他廁所就會瀨咩?!」

阿姐雖然最後亦讓老家如廁,但就不斷怪責他們「佢話阻住佢做野」。(Getty圖片)

阿姐雖然最後亦讓老家如廁,但就不斷怪責他們「佢話阻住佢做野」。(Getty圖片)

由於樓主母親尿急難忍,來不及再去找其他洗手間,樓主唯有苦苦請求「我就同佢講:我媽咪好急,就瀨,吾好意思!我話你屋企都有老人家,體諒吓」。阿姐雖然最後亦讓老家如廁,但就不斷怪責他們「佢話阻住佢做野」。但其實當對方仍未開始清潔「只係架車仔喺門口,廁所內亦有幾個人」。

樓主不甘受辱,於是雙方發生口角,阿姐更揚言下班後才還以顏色「佢無講粗口,佢話收工先同我慢慢講粗口,但我無講一個字粗口喎」。老人家自覺阻礙別人,如廁過程中不斷道歉「我媽咪着緊褲仲不停講對唔住、唔好意思」。樓主非常心痛老人家上廁所都要這麼委屈「其實我明政府醫院工作量大,但都要明白老人嘅問題,我一路鬧一路喊,點解去個廁所,好急就瀨都要俾人阻」。

老人家自覺阻礙別人,如廁過程中不斷道歉「我媽咪着緊褲仲不停講對唔住、唔好意思」。(Getty圖片)

老人家自覺阻礙別人,如廁過程中不斷道歉「我媽咪着緊褲仲不停講對唔住、唔好意思」。(Getty圖片)

雖然母親不斷勸樓主了事,但她難忍阿姐惡劣態度,於是向護士投訴「最嬲係佢對住我地就寸到爆,我同姑娘講完,佢就陰聲細氣扮弱小!究竟廁所門口有無鏡頭,我想討回公道啫?我媽咪就話算算算……」。

樓主強調投訴目的不在於賠償,而是希望長者得到關心、幫助及體諒,不想類似事件再發生「我已mark低晒今日嘅時間,同姑娘叫佢嘅名,我只係唔想再有一個將軍澳嘅老人係受害者,我不需要任何嘅賠償賠禮」。

樓主不忍母親受委屈,於是向護士投訴,更強調並非要求賠償,只是不希望類似事件再發生。 (資料圖片)

樓主不忍母親受委屈,於是向護士投訴,更強調並非要求賠償,只是不希望類似事件再發生。 (資料圖片)

此帖一出即引起網民熱議,網民紛紛表示支持樓主提出投訴,批評清潔阿姐的做法「比人去一去廁所,其實都唔會阻佢好多時間。需要用粗口鬧人?即刻投訴」、「支持投訴!比人去個廁所要阻佢幾耐?」、「希望樓主可以同醫院反映依件事,幫吓其他有需要嘅人,唔使再受依啲不必要既氣」、「支持你去投訴!自己都會有老的一日!有時真的要將心比己!」、「一於投訴,呢個風氣唔可以助長,佢哋全部都有收人工㗎,唔係政府醫院就可以大晒」、「一定要投訴佢唔好比呢種人得寸進尺!」

帖文來源:Facebook群組「將軍澳主場」

往下看更多文章

深水埗阿婆街頭大演苦情戲 氹1港男獻大疊利是外加$500

2025年02月04日 12:30 最後更新:13:00

有港男在網上大呻年初四「中招」被阿婆苦情戲呃錢,更發現呢位深水埗阿婆是慣犯,並提醒其他人中招!

樓主初四見阿婆街頭上演苦情戲

好心港男在Threads上發片,大呻年初四在深水埗街頭遇騙徒!從影片可見,路邊有名手持拐杖的阿婆,而她正用紙巾拭淚。有網民爆料,這阿婆疑常用同1招騙財,即大聲講電話哭訴自己「俾人呃咗錢,同電話裏面嗰個講佢好無情又唔知點樣樣,佢又瞓咗幾日街,跟住問電話裏面嗰個人好似借幾百蚊俾佢交電話費」。由於阿婆演戲十分入肉,令旁人聽到都忍不住想上前送錢,相信樓主是被同1招「呃咗」。

影片截圖

影片截圖

影片截圖

影片截圖

港男大疊利是外加$500送阿婆

果真樓主聽完阿婆講電話,實在於心不忍,就掏出自己新年逗來的大疊利是,外加一張$500,同阿婆說「俾封利是你呀」,阿婆連聲多謝,樓主表示「新年快樂!唔多謝,袋好佢,食餐飯」。阿婆再不斷鞠躬道謝,表示「我可以返去喇」、「好多謝你!你真係對我好,我電話無電喇」,樓主回應「我聽到你個情況,唔好傷心」,樓主最後更暖心叮囑阿婆快快回家。

影片截圖

影片截圖

影片截圖

影片截圖

網友認出「好出名」騙財慣犯:上過新聞

帖文一出,不少網民都指阿婆是「好出名」的騙財慣犯,更因以同一招數騙取市民$500而上過新聞,「係佢好戲啫,每次用呢招,每次有收穫,佢唔會收手㗎啦,雖然佢上過新聞,但仍然keep住有人中招」。

影片截圖

影片截圖

網民紛紛安慰樓主

不少人安慰樓主「難得佢咁好演技……又喊晒口又鞠晒躬咁。咪當入場睇齣戲囉!」,有人勉勵樓主「勿因此事而忘了善心,他日有需要幫人的時候,無忘初心。有能力幫人是福氣」、「但我都真心欣賞你,響呢個亂世仍然選擇善良」。

阿婆多區出沒要注意

有網民不忿樓主的同情心被利用,大爆阿婆出沒行蹤,「我呢排撞過呢個呀婆一次,邊行邊大聲講電話,話邊個爭我錢唔還,冇錢過年點點點」、「半個月喺中環坐地鐵返屋企嘅時候撞過佢,佢由中環站開始講電話勁X大聲坐到起碼到旺角,好似先至落車佢一路坐車一路喊」。

你 或 有 興 趣 的 文 章
熱 · 門 · 榜