黃嘉雯新年報喜？！放肆大吃大喝變「大肚婆」

娛圈事

黃嘉雯新年報喜？！放肆大吃大喝變「大肚婆」

2025年02月06日 21:00 最後更新：21:49

係美食寶寶～

31歲的TVB小花黃嘉雯（Carmaney）是2019年港姐冠軍，憑着傲人身材成功彈出，而她亦非常識做，積極在社交平台分享生活兼派福利，但近日她竟無預警貼出一段「大肚」的影片！

點擊看圖輯

黃嘉雯擁有傲人身材。

不時在社交平台派福利。

不過，過年期間她竟然「大肚」？！

黃嘉雯分享「肚凸凸」的影片。

一臉慈祥地輕撫「凸肚」。

動作宛如孕婦。

但其實只是食得太飽。

鄧伊婷留言

譚嘉儀留言

黃嘉雯在IG分享影片，可見穿著貼身Tube Dress的她「肚凸凸」，她還一臉慈祥地輕撫「凸肚」，宛如孕婦般充滿母愛！不過，其實她只是吃得太飽，搞到肚仔脹卜卜，她笑言新年每一餐都食到好飽，而吃得太飽就會變得好像懷孕一樣。不過，向來身材Fit爆的她叫大家不用擔心，因為她有信心很快就會重拾六嚿腹肌！

View this post on Instagram

A post shared by 🚗 CarmaneyWong 黃嘉雯 (@carmaneysantiago)

不少網民都被黃嘉雯的影片逗笑，又紛紛讚她「大肚」都依然好靚，老友鄧伊婷留言：「屎BB」，黃嘉雯搞笑回覆：「今晚去廁所生返出黎（嚟）」，另一老友譚嘉儀亦表示：「未夠我嗰個肚大呀，下次一齊有BB啦」，黃嘉雯就表示：「話說我食飽個肚真係變幻球三個月咁大，一齊有bb」、「尤其是着呢啲緊身裙。」

往下看更多文章

唱作歌手林奕匡食物敏感拚死食蝦？同行仔飲食習相近成「知音友」

「星級飯腳」請來唱作歌手林奕匡擔任嘉賓

由一班靚仔靚女倪嘉雯（Carmen）、黃嘉雯（Carmaney）、王嘉慧（Cathy）、廖慧儀（Jessica）、伍倩彤（Gillian），蔡景行（行仔）、范莎莎（Zaza）等主持的飲食節目《鄰住買好嘢至抵食特約︰美食新聞報道》。將逢周一、二及周四、五晚上8點於TVB Plus（82台）播映。今晚（17日）推出全新環節「廚師發辦」，首集請來名廚陳國強擔任嘉賓。他曾任米芝蓮一星餐廳行政總廚，贏過中餐世界錦標賽團體賽總冠軍。平常人都有一個疑問「廚師是否特別識食」，陳國強為我們提供答案︰「對我嚟講廚師應該係好識得享受食物，同埋選料、選食材應該好嚴謹。」

今集陳國強發辦帶黃嘉雯（Carmaney）到尖沙咀搵食，首站茶餐廳看似平平無奇，事實是老闆榕哥自創的陳皮燒鵝，賣到街知巷聞。陳國強點了原隻燒鵝髀拼叉燒飯，他解釋︰「靚嘅燒鵝要做到皮脆、肉嫩多汁，免切可以鎖住肉汁，陳皮可以解膩提香，老闆用嘅係十年新會陳皮。」面對美食Carmaney不顧儀態，大口咬鵝髀，雖然吃到滿口油，卻顯得大滿足。陳國強對叉燒除要求肥瘦勻稱外，還要「多汁、飽滿及不會過分鮮紅」。接下二人來到一間潮州菜館，陳國強說︰「正宗潮州菜館，一定要有冷檔有齊滷水檔、凍魚、凍蟹檔，畀你一眼睇晒邊樣好食。」今次推介的潮州魚飯，用料有別於大眼雞或烏頭，起用名貴的金目鯛，貪其肉質嫩滑，蠔餅則加入九肚魚成為一道精緻手工菜。

明晚（18日）「星級飯腳」請來唱作歌手林奕匡擔任嘉賓，行仔對他的作品《高山低谷》、《一雙手》、《安徒生的錯》如數家珍，明顯是一名忠實粉絲。二人來到太平山頂，重遊林奕匡跟太太拍拖時常到的餐廳，他說︰「嗰時仲同太太拍拖，佢帶我嚟過呢間餐廳食飯。以後凡有周年紀念好似大家嘅生日都會嚟。」林奕匡自爆由細到大都鍾情食蝦，殊不知近年竟然出現敏感，他說︰「食蝦敏感係近幾年嘅事，仲係時有時無，但最近嚴重咗。」雖然如此林奕匡依然點了兩款有蝦的菜式︰甜辣乒乓蝦、炭燒魚柳及鮮蝦配茉莉香飯及檸檬牛油汁，可算是「拚死食蝦」。節目中發現彼此的飲食習慣相近，行仔笑言躍升成為林奕匡飲食及音樂上知音友。