一線搜查｜火炭明渠惡臭加劇街坊路過頂唔順環保署突擊巡查揭地盤非法排污

社會事

一線搜查｜火炭明渠惡臭加劇街坊路過頂唔順環保署突擊巡查揭地盤非法排污

2025年03月26日 13:30 最後更新：16:07

政府在2019年提出「河畔城市」概念，大規模活化全港的明渠，當中包括火炭明渠。不過有居民向《一線搜查》反映，指火炭明渠不時傳出臭味，多年來不斷投訴但不果。

以臭聞名街坊嚇怕

點擊看圖輯

影片截圖

火炭明渠以臭聞名，不少街坊都嚇怕。居民張先生坦言火炭明渠多年前已經傳出臭味，「好似啲鹹水或者腥味，同埋啲污糟味，早幾年前真係好犀利，行過都頂唔順。」甚至有小朋友稱臭味達7級臭，「廁所味，行上去搭巴士有時聞到、有時聞唔到，有啲見到（啲水）五顏六色。」

董惠明在火炭村居住數十年，是火炭村的村長，「成條河都染晒顏色，即係紅色、黑色、藍色、綠色都有，我哋一打開個門、打開個窗，就見到啲水，啲水係污糟嘅，心情係有幾差。」

他指出非法排放污水問題一直存在，村民在多年前已經向環保署投訴，「我哋投訴得太多，佢（環保署）就話大家可以雙向合作，我哋嚟睇同監管，你哋見到污水影底啲相、時間，最好載啲水俾我哋拎返化驗。」

沒法追查源頭村民投訴不果

然而，就算化驗後仍沒法追查源頭，董惠明無奈指「冇結果，好多次佢哋話上去嗰幾間懷疑（排污）工廠，上去放顏色水落去，但又話唔係佢哋。」他說，雖然近年不少工業已經北移，但山尾街對出、明渠中遊位置污染一樣嚴重，又坦言擔心水質有毒，「始終係啲化學嘢」。

不單是居民受苦，附近的商戶亦受影響。食肆老闆周先生指，部分客戶亦會反映有臭味，「如果啲水乾咗，空氣吹埋嚟就好大味㗎啦，我啲客好多都聞到。天時熱、曬嘅時候更加勁呀啲味。」

沙田區議員陳壇丹表示，接獲至少10宗投訴，反映火炭明渠有各種不同污染物、五顏六色，曾去信環保署要求跟進，獲回覆指懷疑有工業或建築廢料排污行為。

他擔心如果有人傾倒建築廢料造成渠道淤塞，會影響火炭明渠的排洪能力，雨季來臨時或有機會泛濫，又指自去年上任區議員後，曾先後10次致函予有關決策機構，希望當局正視問題。

環保署代表：大部分屬一次性不妥當排污行為

至上月底，沙田區議會食物環境衛生委員會舉行會議，討論相關問題。環保署代表當時指，過去5年署方總共接獲57宗相關投訴個案，去年佔最多，有20宗，當中15宗已發出警告。

該名代表又稱，大部分投訴事件屬一次性或偶發性的不妥當排污行為，「我哋比較難去捕捉呢啲事件，盡量加強巡查及執法。某一啲投訴其實同一日發生，某一個時段我哋收到6、7宗投訴，我哋調查當中發現附近工業大廈或者我哋發現有問題嘅地方，我哋都會出口頭或書面警告。」

巡查揭地盤非法排放污水　環保署代表：正調查、搜證

環保署代表亦提到，當局在最近5年已加強在火炭明渠的巡查，又指在今年1月的夜間突擊行動發現有地盤排放污水到雨水渠，影響火炭明渠下遊，署方正調查搜證，並考慮向承建商提出檢控。

火炭明渠全長約1.7公里，下遊連接城門河，附近除了有好多工廈，亦有不少住宅，包括駿洋邨、旭禾苑、火炭村等。早在2019年政府提出「河畔城市」概念，大規模活化全港的明渠，當時已選定火炭明渠作為目標活化項目之一，希望提升火炭明渠生態價值及改善社區環境。

陳壇丹表示，據他所知，當局正研究有關活化計劃，亦有視察地底設施，「因為整條路下面鋪滿很多水管、電線、煤氣管等，如果動工要做前期研究」。渠務署就回應指正進行詳細設計工作，會按設計工作及籌備工作的進度，適時向立法會提交撥款申請，如果獲批會盡快開展相關工程。

更多詳情請到網站收看：HOY TV《一線搜查》

往下看更多文章

一線搜查｜灣仔唐樓遭自稱契仔「男子」逆權侵佔「已故業主」簽名抵押借貸500萬

《一線搜查》近日接到灣仔一幢舊樓街坊集體爆料，指大廈內一個空置超過十年的單位，近日被一名陌生男子闖入並霸佔居住。

據街坊表示，該單位原屬一位已故、無後人的伍姓婆婆所有。更離奇的是，根據土地註冊處文件顯示，該單位在2021年被人以伍女士名義申請抵押，貸款高達500萬元，而簽名竟是出自早已去世十多年的伍女士。而經過《一線搜查》深入調查，發現霸佔單位的男子為活躍於網絡討論平台、自稱網媒記者「軍火佬」。

業主離世17年　養子失聯　單位空置冇人住

據街坊憶述，伍女士於2008年4月去世，享年82歲，生前曾有兩段婚姻，並育有一名姓鄭的養子。養子15歲時赴加拿大多倫多讀書，其後在加拿大定居、結婚生子。九十年代，他曾多次回港探望伍女士，惟後來失去聯絡。大廈業主鄧先生：「我印象記得係指呢間屋牽涉一宗案件，如果有人要入呢間屋、或者攞呢間屋嘅鎖匙，就要去灣仔警署。看更呀伯話（單位）個女人死咗，工人返到屋企發現個女人冇晒反應就報警，警察嚟到話冇後人，跟住就封咗間屋。」

涉事單幢式住宅有逾50年樓齡，僅有40個單位，不少街坊在此居住數十年，彼此熟識。大廈業主李女士表示，她的父母與伍女士關係密切，伍女士曾要求他們幫忙處理遺囑，但父母拒絕。伍女士亦曾透露希望遺產能由養子繼承，否則會捐贈予東華三院，「為此，我曾經都打電話去東華三院問過，東華三院話佢哋嘅規矩係要先登記，但伍女士冇登記，佢哋查唔到。另外，佢（伍女士）放啲嘢去銀行保險箱時，佢係帶埋我爸爸去，所以我爸爸知道佢入面放咗啲咩，佢嘅遺產、銀行存款嘅證明，應該全部都係銀行保險箱嗰到。」

欠36萬管理費、維修費　冇交差餉被「釘契」

據了解，伍女士名下財產有不少，單單該大廈的住宅單位及地舖已經總值約3000萬元。此外，她在九龍旺角砵蘭街還有商業地舖等物業，銀行戶口內存款相當可觀，銀行保險箱費用每月由戶口自動轉賬繳交。李女士透露，伍女士曾帶過養子和媳婦去視察物業，而在伍女士離世後，九龍物業的租客曾多次上門，想聯絡養子處理大維修費用，「但都冇辦法，冇人知道佢個仔點解唔返嚟。」

伍女士離世後，單位一直空置。翻查大廈法團收支紀錄，伍女士去世17年來，其單位及地舖累計欠下36萬的管理費及維修費，早年更因欠交差餉及管理費被「釘契」。一眾街坊曾試圖聯絡伍女士的養子，甚至求助加拿大警方，但最終因私隱問題被拒。

自稱「契仔」霸佔單位　現身業主大會稱：我唔需要同你哋解釋

本來空置物業與欠費問題尚未引起太大關注，直到2019年，一名姓胡的男子突然闖入伍女士的單位。大廈業主鄧先生：「（法團）主席問我知唔知呢件事，話有人霸咗間屋嚟住，我話我真係唔清楚。其實有人霸咗嚟住，報警就最好，咁問佢有冇報警，佢又話佢冇報警。」鄧先生後來就事件報案，但就被警方告知太遲，陌生男子已經入住單位。他引述警方指：「當日佢裝修嘅時候你去報警，我哋有權查佢身份、都有權查佢點入嚟呢到，裝修又好、住又好、咩都好。但到而家已經米已成炊，已經成為事實，我哋係做唔到嘢嘅。」

鄧先生坦言當時未有留意單位有人裝修，後來向主席追問，竟發現對方早已知情。鄧先生：「我問主席，點解你會畀佢哋入去裝修？佢話又唔係攞你間屋、又唔係攞我間屋，佢入去裝修咪收佢訂金，裝修後佢咪交返晒所有費用囉。」

眼見單位被陌生人入住，鄧先生認為事態嚴重，於是要求召開業主大會。惟會議中途，被指是陌生人、私自入住伍女士單位的胡先生突然現身，並自稱在2008年已經入住該單位，而且持有單位鎖匙。根據街坊提供的錄音，胡先生當時在會議中表示：「各位可以上網去查下逆權侵佔係咩嚟啦，係08年期間其實我哋已經到咗單位啦。其實我無需向大家解釋或者交代我同伍女士嘅關係、或者王女士嘅關係，我係唔需要同你哋任何人解釋嘅。咁你哋保安證明，我唔係破門入屋，大家都唔好有咁嘅疑慮，你哋嘅保安係睇住我用鎖匙入屋，明唔明？我嚟到預備裝修時，亦跟你哋條例交按金。」

用死者「簽名」抵押借貸$500萬　陌生男身份曝光

而更離奇的是，土地註冊處文件顯示，2021年有人以伍女士名義將單位抵押借款500萬，文件上的簽名竟是伍女士的筆跡，而文件由一名譯音為「林欣芬」的律師處理。不過翻查資料，警方當年曾破獲一個犯罪集團，涉訛稱為空置單位的戶主，以進行非法抵押及轉售，其中一名被捕者正是律師林欣芳。

此外，法庭紀錄顯示，胡先生於2022年委託律師申請逆權侵佔該單位，他在文件中自稱是伍女士的「Godson」（契仔），早在2007年已獲她交託鎖匙，不時出入照顧她，並在伍女士2008年去世後持續居住超過12年。然而，街坊一致反駁，指胡先生是2019年才出現，伍女士生前從未提及此人。李女士：「冇，我哋從來冇見過呢個人，呢個人我真係從來未見過，唔知道佢有個咁嘅『契仔』，佢從來冇契過任何人！」舖職員亦稱，伍女士去世前，胡先生從未現身。