中年好聲音3｜黃博奪99分天花板分數第三度成MVP 占士丁丁Beat Box＋英文Rapping環節搶Fo

娛圈事

中年好聲音3｜黃博奪99分天花板分數第三度成MVP 占士丁丁Beat Box＋英文Rapping環節搶Fo

2025年04月14日 14:00 最後更新：16:57

《香港何濟公止痛退熱散呈獻：中年好聲音3》昨晚（4月13日）的「林子祥金曲之夜」，最高分由「女大魔王」黃博的Blues Rock風《這一個夜》以99分近乎完美的天花板分數奪得，並獲阿Lam選為MVP，黃博已第三次獲得此獎項。

點擊看圖輯

肥媽搞笑拎起膠水樽扮想「爆樽」，海兒加入戰團遞多支，認真搞笑！

黃博唱《這一個夜》奪99分天花板分數。

阿Lam公開邀請黃博將來一齊合唱《這一個夜》。

五位評審中四位畀滿分，唯獨周國豐畀19分。

肥媽搞笑拎起膠水樽扮想「爆樽」，海兒加入戰團遞多支，認真搞笑！

黃博第三次奪MVP，犀利！

占士丁丁唱《真的漢子》。

期間大晒beat box兼英文rapping環節。

阿Lam舉拇指讚好！

海兒話廣東話係世上最難嘅語言。

獲得第二高分95分。

第11名：劉曉昆

第12名：羅逸軒

觀看相關影片按連結：https://youtu.be/wpJqwZg8JNE

阿Lam對於黃博演出給予極高評價，更公開邀請她將來一起同台合唱：「下次我唱呢隻歌，我要搵你同我唱，你啲喉嚨聲要借嚟畀我哋用吓。」張佳添以「人歌合一」激讚黃博的演出：「You got the blues in your blood！今日咁多人唱阿Lam嘅歌，黃博係第一個我可以用呢四個字形容：『人歌合一』，滿分！」

五位評審中四位給20分滿分，只有周國豐給19分，自認時常反高潮的他點評：「我唯一扣咗好少好少分，呢首其實係傾向比較sad嘅歌，如果慘情少少……」評論未講完，肥媽已拿起膠水樽裝作「爆樽」動作，最有趣是向來斯文正經的海兒加入戰團：「畀多支你。」周國豐笑稱似在女子監獄現場，十分爆笑！

另一個耀眼演出，絕對是本身不懂廣東話的占士丁丁（Dan James），獻唱《真的漢子》獲得第二高分95分亮麗成績，期間大晒beat box技能之餘，更自設英文rapping環節，成功揮低多位魔王級參賽者，連阿Lam也高舉拇指讚好，並以英文點評：「我喜歡你的風格，你唱歌的力道恰到好處，真棒。」海兒直言廣東話是世上最難的語言：「咁快嘅歌詞，都背得咁熟，仲要唱到自己style，喺個台度做咁多嘢畀觀眾睇，真係truly amazing！」肥媽對占士丁丁加設beat box和rap部分激讚：「當自己表演嘅，我覺得非常之好。」

觀看相關影片按連結：https://youtu.be/QXZ3Wlh6S8I

本輪為12強晉身10強淘汰賽事，評審們決定淘汰獻唱《敢愛敢做》獲80分的羅逸軒和《分分鐘需要你》獲83分的劉曉昆，分別以第12名和第11名離開《中年好聲音3》舞台。一早預備感言「貓紙」的劉曉昆，分享感言時不禁淚灑舞台，她特別感謝坐在觀眾席的媽媽無條件支持自己：「前陣子時間，可能網上有一些評論，媽媽會跟我一起經歷，非常對不起媽媽。但是我覺得每個人都有自己長大的過程，所以我非常開心我在這裡，學會了就是一定要堅持做自己，做一個自己喜歡的人的樣子很重要。」續指這個年紀追夢並不容易，形容今趟旅程是送給自己的一份好禮物。

而羅逸軒分享感言時指，現實習慣擔當照顧別人的角色，參賽追夢讓他恍如到了另一個世界般：「現實生活我係老闆、兒子、另一半，可能擔當咗好多照顧人嘅角色，參加比賽後識咗好多哥哥姐姐，好似行咗另一個世界咁，好得意個感覺，好似行咗個夢幻嘅旅程，做到好多我冇諗過會做嘅嘢。」

往下看更多文章

中年好聲音3｜王鄭浚仁狂飆高音獻唱激昂版《愛火花》贏盡正評趙浚承憑「青山版」《霧之戀》一洗「靠樣」污名

《香港何濟公止痛退熱散呈獻：中年好聲音3》本周日（4月27日）晚8點翡翠台播出時長長達2.5小時的9強之戰！今集除了繼續有車婉婉擔任主持，固定評審班底肥媽、張佳添及周國豐，還有音樂女神海兒以及著名填詞人潘偉源，齊齊見證8強誕生。另官方繼羅志祥後，今日再公布5月11日晚假啟德體藝館舉行的《香港何濟公止痛退熱散呈獻：中年好聲音3登峯之戰》第二名嘉賓評審為張智霖，張智霖還為此特意拍攝宣傳片，相關宣傳片將於今晚無綫翡翠台黃金時段播出。

本回合主題是「改編歌之夜」，9位參賽者演唱歌單如下：陳芷盈《深愛著你》、善玥澄《依然》、劉洋《後來》、王鄭浚仁《愛火花》、李金凱《歸來吧》、占士丁丁《Take me to your heart》（《吻別》英文版）、趙浚承《霧之戀》、黃博《蜚蜚》及張與辰《拒絕再玩》。為令觀眾對《中3》9強有更深入的了解及認識，今集製作組還為各人安排了單人外景拍攝，相當有心。

本集對決相當精彩，9位參賽者中有８位參賽者獲得超過90分，當中不但有人勇奪99分，獲得95分以上的也有四位之多，成績相當亮麗，難怪潘偉源會笑言似睇演唱會多過睇比賽。本集給出最驚喜表演的，要數王鄭浚仁獻唱的《愛火花》！王鄭浚仁這次拋下對完美唱功的追求，選擇盡情享受舞台，除與現場伴奏的Live Band玩埋一堆、又唱又跳搞到滿頭大汗，在歌曲結尾部分更以近乎完美皫飆高音round up，技驚四座，主持婉婉一走上台即忍不住讚歎：「佢將屠龍刀倚天劍冚唪唥拎晒出嚟呀，好似年初二放煙花咁。」

而一眾評審亦同樣讚不絕口，其中周國豐以「黐線雜技團」形容王鄭的表演：「今次你係飾演咗成個雜技團，但呢個咁黐線嘅表演，你係做足到，你呢個表演值滿分」肥媽：「後面嘅準確度同嗌、同埋最尾嘅Falsetto（假聲）用真聲去到，呢個真係好難度高，真係要畀啲掌聲隊Band，因為你畀我哋睇到你哋嘅合作性。」海兒：「你進化了！我哋一直都知道你係得嘅，但你永遠就係爭嗰少少，你今日全部做到晒，咁高難度嘅雜技畀你完美咁Execute，賞心悅目，絕！冇嘢好講。」張佳添：「你開演唱會呀依家，咩事呀？帶到啲觀眾High晒，我覺得呢個係王鄭浚仁先夠薑去度啲咁嘅嘢出嚟玩，呢條友真係好識唱歌。」潘偉源：「你嘅眼神（同首歌）好夾，非常之好。」

至於趙浚承的《霧之戀》不但同樣為評審帶來驚喜，海兒聽到勁陶醉兼豎晒手指公，並直指今次表演可為趙浚承洗脫「淨係得個樣」的污名。海兒：「呢個係咪你第一個20分？你值得嘅，個個都話你係顏值擔當，我覺得好唔公平嘅，你今日係用個心去帶住你把聲同帶住你個樣，先可以唱得出咁高質嘅歌。」肥媽則寄語浚承要對自己有信心：「你那眼中都有我，你真係有呀，你有嗰種火呀，我哋知你做到嘅，但你永遠都收埋收埋。」張佳添：「呢個絕對係你喺《中3》嘅shining moment，升key半度再半度再一度，夠薑，唱到，仲要係好聽咗，個層次出晒嚟。《霧之戀》聽咗幾十年，原來《霧之戀》啲霧可以上到青山嘅。」潘偉源：「真係處理得好好，因為呢首歌真係聽咗好多年，我成日都諗點樣翻出新花樣，而又要合理，你今晚真係做得到。」周國豐：「請你記住你係有實力架，除咗靚仔。」