無綫電視全城矚目的大型綜藝歌唱真人騷《中年好聲音3》由去年9月開始，分別來自香港、大灣區及新馬賽區的參賽者，經過近8個月的多個回合激戰，即將來到終極階段，決賽《香港何濟公止痛退熱散呈獻：中年好聲音3 登峯之戰》將於5月11日（星期日）移師啟德體藝館隆重舉行，屆時逾七千名現場觀眾將親身見證《中年好聲音3》的王者誕生。
周日晚播映《香港歐化飛鷹活絡油呈獻︰中年好聲音3》
為答謝廣大觀眾對《中年好聲音》一直以來的鼎力支持，無綫電視將會透過旗下各個平台，免費送出《中年好聲音3 登峯之戰》入場券，讓一眾粉絲有機會親臨決賽現場，支持及欣賞心水選手的精彩演出，歡迎全港以至內地及海外觀眾踴躍參與索取。觀眾可透過TVB.COM、SeeSaw先、myTV SUPER、TVB Anywhere、鄰住買及《東張西望》6大平台參與遊戲，幸運兒有機會獲得《中年好聲音3登峯之戰》入場券，詳情如下：
詳情
此外，《中年好聲音》一向深受廣告客戶愛戴，《中年好聲音3 登峯之戰》同時獲得友好廣告客戶的全力支持，包括：香港李衆勝堂保濟丸、香港歐化飛鷹活絡油、香港何濟公止痛退熱散、依飛 eefit、Sea Horse、尚品花膠專門店、永安旅遊、Dr. Glam、正官庄及上海商業銀行，觀眾亦可透過以上商戶的推廣活動取得入場券，親身體驗決賽的盛況，詳情請向相關商戶查詢。
無綫送贈門券回饋粉絲支持
《香港何濟公止痛退熱散呈獻：中年好聲音3》本周日（4月27日）晚8點翡翠台播出時長長達2.5小時的9強之戰！今集除了繼續有車婉婉擔任主持，固定評審班底肥媽、張佳添及周國豐，還有音樂女神海兒以及著名填詞人潘偉源，齊齊見證8強誕生。另官方繼羅志祥後，今日再公布5月11日晚假啟德體藝館舉行的《香港何濟公止痛退熱散呈獻：中年好聲音3登峯之戰》第二名嘉賓評審為張智霖，張智霖還為此特意拍攝宣傳片，相關宣傳片將於今晚無綫翡翠台黃金時段播出。
一睇王鄭浚仁個樣，就知高分啦。
一睇王鄭浚仁個樣，就知高分啦。
王鄭話自己最鍾意玩狼人殺，同埋搵舊CD聽。
本回合主題是「改編歌之夜」，9位參賽者演唱歌單如下：陳芷盈《深愛著你》、善玥澄 《依然》、劉洋《後來》、王鄭浚仁《愛火花》、李金凱《歸來吧》、占士丁丁《Take me to your heart》（《吻別》英文版）、趙浚承《霧之戀》、黃博《蜚蜚》及張與辰《拒絕再玩》。為令觀眾對《中3》9強有更深入的了解及認識，今集製作組還為各人安排了單人外景拍攝，相當有心。
海兒同肥媽聽趙浚承唱歌聽到好陶醉。
海兒同肥媽聽趙浚承唱歌聽到好陶醉。
一睇啲截圖，就知趙浚承有幾咁熱愛運動啦。
本集對決相當精彩，9位參賽者中有８位參賽者獲得超過90分，當中不但有人勇奪99分，獲得95分以上的也有四位之多，成績相當亮麗，難怪潘偉源會笑言似睇演唱會多過睇比賽。本集給出最驚喜表演的，要數王鄭浚仁獻唱的《愛火花》！王鄭浚仁這次拋下對完美唱功的追求，選擇盡情享受舞台，除與現場伴奏的Live Band玩埋一堆、又唱又跳搞到滿頭大汗，在歌曲結尾部分更以近乎完美皫飆高音round up，技驚四座，主持婉婉一走上台即忍不住讚歎：「佢將屠龍刀倚天劍冚唪唥拎晒出嚟呀，好似年初二放煙花咁。」
張智霖係第二位大會公布嘅《中年好聲音3登峯之戰》嘉賓評審。
而一眾評審亦同樣讚不絕口，其中周國豐以「黐線雜技團」形容王鄭的表演：「今次你係飾演咗成個雜技團，但呢個咁黐線嘅表演，你係做足到，你呢個表演值滿分」肥媽：「後面嘅準確度同嗌、同埋最尾嘅Falsetto（假聲）用真聲去到，呢個真係好難度高，真係要畀啲掌聲隊Band，因為你畀我哋睇到你哋嘅合作性。」海兒：「你進化了！我哋一直都知道你係得嘅，但你永遠就係爭嗰少少，你今日全部做到晒，咁高難度嘅雜技畀你完美咁Execute，賞心悅目，絕！冇嘢好講。」張佳添：「你開演唱會呀依家，咩事呀？帶到啲觀眾High晒，我覺得呢個係王鄭浚仁先夠薑去度啲咁嘅嘢出嚟玩，呢條友真係好識唱歌。」潘偉源：「你嘅眼神（同首歌）好夾，非常之好。」
陳芷盈個人介紹片
善玥澄個人介紹片
劉洋個人介紹片
至於趙浚承的《霧之戀》不但同樣為評審帶來驚喜，海兒聽到勁陶醉兼豎晒手指公，並直指今次表演可為趙浚承洗脫「淨係得個樣」的污名。海兒：「呢個係咪你第一個20分？你值得嘅，個個都話你係顏值擔當，我覺得好唔公平嘅，你今日係用個心去帶住你把聲同帶住你個樣，先可以唱得出咁高質嘅歌。」肥媽則寄語浚承要對自己有信心：「你那眼中都有我，你真係有呀，你有嗰種火呀，我哋知你做到嘅，但你永遠都收埋收埋。」張佳添：「呢個絕對係你喺《中3》嘅shining moment，升key半度再半度再一度，夠薑，唱到，仲要係好聽咗，個層次出晒嚟。《霧之戀》聽咗幾十年，原來《霧之戀》啲霧可以上到青山嘅。」潘偉源：「真係處理得好好，因為呢首歌真係聽咗好多年，我成日都諗點樣翻出新花樣，而又要合理，你今晚真係做得到。」周國豐：「請你記住你係有實力架，除咗靚仔。」
李金凱個人介紹片
占士丁丁個人介紹片
