娛圈事
所以夏雨很想臨場爆肚？
眾人最近在宣傳舞台劇《秘密》。（資料圖片）
夏雨指到時爆肚也無人可以阻止！
夏雨、李司棋、米雪及阮兆祥為舞台劇《秘密》宣傳， 司棋姐指夏雨及阮兆祥很乖沒有爆肚，若各自各發展會很亂，大家要有默契才接得上。夏雨稱爆肚要到時才知道，出到台沒有人可以阻止，笑指米雪及關菊英比較麻煩，一個字也不可以錯漏，十分嚴格，反而司棋姐會接上爆肚對白。他稱舞台劇暫時計劃演5場，現接洽出埠演出，如珠海等地，女兒亦專程從加拿大返港捧場。
《秘密》暫時設5場。
問他們有沒有「萬歲」請食飯？司棋姐稱排練時一枱食物，不過米雪沒太大興趣，不會吃沒有營養的食物，看對方的身形便知道。最近他們每天排練10小時很攰，司棋姐建議請按摩師為大家鬆筋骨；米雪則送上湯水及健康食品，又覺得劇本很搞笑，有場戲她被夏雨罵，竟笑到說不出對白。
原來關菊英同米雪最嚴格！（資料圖片）
由阮兆祥、梅小惠、江欣燕合作拍攝的《友乜唔講得》，昨晚（27日）一集嘉賓是「青春嘅秘密」米雪！出名人靚戲好的米雪，雖然演齡超過60年，但多年來依然認真對待每個工作，昨晚她在節目中的分享便盡顯了專業精神及態度，令人佩服。
出名人靚戲好的米雪，雖然演齡超過60年，但多年來依然認真對待每個工作
昨晚她在節目中的分享便盡顯了專業精神及態度，令人佩服。
劇集作品多不勝數的米雪，被問到如何應付出名難記的古裝對白時，她坦言：「最簡單兩個字，死背！」之後即大方分享獨門「背劇本大法」，不但每場戲的對白背足至少七十次、更會分成幾個不同層次的背誦，米雪說：「我真係背好多次架，例如七點幾食完晚飯背，我背到12點鐘通常背到兩場戲架啫。咁點背架哩？我每一場戲起碼背七十次。首先你要先入腦，單係背熟一段對白大概十次度；跟住就自己喺房度排戲，連埋眼神一齊背十次，跟住再連語氣又背十次，跟住拼埋一齊（眼神加語氣加對白）背十次，睇吓得唔得。跟住呢度改吓嗰度改吓，然後再重背至少十次，之後再同其他人一齊排。好似我演慈禧咁，未必需要惡嘅，所以就要花時間去調整個惡度，究竟邊度要惡啲、邊度要溫柔啲、點樣會最好，執吓執吓自自然然會夠七十次。」
劇集作品多不勝數的米雪
除了劇集演出，米雪在舞台劇界的演出亦創下兩樣紀錄，分別是與羅文及汪明荃（阿姐）演出了香港第一個舞台劇《白蛇傳》，以及在一年內演出了100場舞台劇，而其中70場是《我和春天有個約會》。談到當年演出《白蛇傳》，米雪笑言從羅文及阿姐身上學會了「貪靚」及「認真」：「要多謝羅文同阿姐好錫我，你知羅文乜都要靚，衫又要靚、布景又要靚，作曲填詞都要靚，佢自己又係好勤力練嘅；阿姐你知又係認真到不得了，我跟住佢兩個我冇理由唔認真架，同埋都學晒佢哋啲貪靚同認真。」米雪續指當年為了練習搖旗動作，每天至少苦練數十次，並因而練出了老鼠仔：「嗰時我仲負責揈大旗，支旗高過我嘅，但揈嗰陣唔可以掂到個地。其實支旗唔重，但佢有幅好大嘅布，好輕架啫，但個阻力好大，要用好大嘅力去推佢先揈到，加上又要同時擘嗰個馬。我就由每日三十下、加到五十下係咁唔停咁揈，我老鼠仔就係咁揈番嚟，練到依家都記得。」
舞台劇《白蛇傳》。
米雪經典劇集作品無數。
米雪經典劇集作品無數。
米雪經典劇集作品無數。
