Kelly有意將來送結婚頭飾予陳凱琳。
Kelly投資六位數（十萬元計）開設自家頭飾品牌「Faa」
傅嘉莉（Kelly）投資六位數（十萬元計）開設自家頭飾品牌「Faa」，並舉行開幕派對。好友關楚耀驚喜現身支持、有份幫襯設計頭飾的陳凱琳更送上花花蛋糕祝賀，Kelly亦有意將來送上結婚頭飾給她！
點擊看圖輯
Kelly投資六位數（十萬元計）開設自家頭飾品牌「Faa」
關楚耀驚喜現身支持
Kelly透露一向鍾情自製小手作
Kelly透露一向鍾情自製小手作，尤其是頭飾，不少藝人看過後都大讚她手藝出色，故決定投資六位數（十萬元計）成立自家品牌，其中，好友胡杏兒和陳凱琳早已有份幫襯設計頭飾。
網上圖片
Kelly感謝因拍無線新劇《特技人》而成好友的關楚耀專程支持，並透露兩人拍攝時都有火花，不過只在於演戲上。陳凱琳亦為她設計一個花花蛋糕祝賀，問Kelly會否為陳凱琳精心設計新娘頭飾？她笑言：「哈哈，當預祝！」
網上圖片
網上圖片
關楚耀恭喜Kelly做老闆，笑言要請教對方生意之道。談到有網民指《特》劇延期播出，是因為有份演出的譚俊彥正有劇集播映，不想兩套重疊而改期，關楚耀笑言證明譚俊彥人氣旺盛，因對方正拍攝另一套新劇，更笑說：「他話演這個角色脾氣暴躁，得閒約他食飯輕鬆一下，否則真的會變殺人犯。」
Grace透露嘉穎育兒方面比她嚴肅。
藝人陳凱琳（Grace）與媽咪劉惠嫺（Connie）結伴到新城接受李有毅和兒子李國煒主持的《Ben同Benson Chur到行》訪問，Grace作為三個兒子的媽咪，同時又是藝人和KOL，而老公鄭嘉穎的演藝工作亦十分繁忙，對於如何分工照顧兒子？Grace透露嘉穎育兒方面比她嚴肅，自己則是慈母。
陳凱琳（Grace）與媽媽接受新城《Ben同Benson Chur到行》訪問。
Grace表示：「佢（老公）都唔想做衰人嘅，但做媽咪永遠都係慈母，所以佢就變咗呢個角色，不過我哋都有個共識，有啲嘢唔可以太鬆，例如過馬路一定要拖住，我哋就會較嚴肅去教小朋友，因為關乎危險，我哋就會統一啲。」Connie則大爆三個孫仔精力旺盛，但性格大相逕庭，「大孫仔好活潑，佢見到乜就會聯想到第二樣嘢，個人好有公義；二孫仔好鍾意砌puzzle，佢上嚟我屋企會坐埋一邊自己砌；最細嘅孫仔成日周圍走，又要搵我隻貓，又鍾意淋花，好活躍。」
訪問期間，Grace反客為主訪問媽咪：「你覺得你做咗婆婆之後，會唔會比照顧我時縱容咗呢？我見到有少少，但可能係我偏見！」Connie直言自己不敢縱容，她說：「因為我好想同你同嘉穎嘅步伐差唔多一致，盡力去適應你哋家庭嘅家規同教訓，小朋友咳唔畀食甜嘢，我真係唔畀，我好合作。」Connie補充：「我唔想去混亂你哋嘅思維，同埋你哋點會去害自己小朋友，一定係畀最好，一定有原因先咁做，咁我唔使明白，我去配合就好。」
陳媽媽盼與女兒女婿步伐一致！
Grace指自己非常樂意成為一位母親，但最重要調整好時間，盡量每件事都做好，嘉穎亦經常提醒她，「佢話做人唔可以咁貪心乜都做晒，反而一樣一樣做先可以做滿分。我老公價值觀方面非常好，從小就畀啲仔知道錢唔係必然，係要賺返嚟，喺屋企我哋會比啲家務佢哋做，例如執碗或揼吓骨，畀一兩蚊佢哋，唔係攤大手板就會有錢。」
Grace自認是慈母。
Grace亦希望家中3位公子將來可以互相幫助，兄弟情永不變，「佢哋打交係必然，但打還打，希望佢哋會愛惜對方，將來哥哥或細佬需要幫忙，都要盡量去幫，因為佢係你嘅家人，呢個愛係無可取替。」
節目到尾聲，Grace送上一首《Dancing Queen》給媽咪，而Connie則送《Amazing Grace》給愛女，她稱：「佢出世時又奀又瘦，只得4磅幾，住暖氣箱住咗三個月，我記得護士抱佢出嚟時，佢塊臉發光，我覺得好graceful，即刻加咗英文名叫Grace，所以佢嘅出生係好amazing。」
Grace希望家中3位公子兄弟情永不變。
詳細節目內容，請留意3月1日，晚上11時 – 凌晨1時，知訊台《Ben同Benson Chur到行》，網址：https://www.metroradio.com.hk/MetroInfo/
