林家謙在節目中透露跟林宥嘉和JW的合作關係。
J2《我們的音樂時代》新一集主持許文軒（Edmond）邀請林家謙及JW（王灝兒）任嘉賓，JW與林家謙關係密切，由家謙作曲，JW主唱的《矛盾一生》更成為二人最廣泛播放的歌曲。
JW和林家謙接受主持許文軒訪問。
家謙笑說：「當時諗如果呢首歌可以賣畀天王天后梗係好啦！」JW即時起哄說：「唉！死啦！要賣畀JW，佢Dup咗！你使唔使Google下我係邊個？」家謙再說：「知道JW要咗，冇特別大嘅Expectation，因為佢嗰時靜咗排，加上又收得太埋，我真係要Google下JW個樣㗎！最後首歌跑出，但呢個三部曲頭兩首都係一早作咗之後賣畀佢，但最後一首嘅《自由飛翔》係度身訂做，專登陰JW。」JW即說：「首歌真係好難唱，半度半度轉Key，真係錄咗好耐。」
林家謙自爆向偶像林宥嘉自薦作品而促成合作。
節目中，林家謙亦分享他與台灣歌手林宥嘉的關係，「寫歌畀林宥嘉係因為佢係我偶像，我喺社交平台Send咗Demo畀佢，好似見工Send CV咁，你唔會諗住間間都覆你，但佢真係覆咗，好記得當時我喺灣仔食緊一碗麻辣米線，收到佢Message果下想噴出嚟。」而林宥嘉亦現身節目，「我本身唔識佢，收到Demo之後，覺得佢好畀心機寫歌，把聲好溫柔，旋律有一種拿住拿住嘅感覺，所以我回覆佢想同佢合作。」
林宥嘉表示收到Demo後覺得林家謙好畀心機寫歌而回覆對方。
林家謙一次過跟陳奕迅和林宥嘉合作覺得好夢幻。
家謙亦有提到林宥嘉第一首廣東作品《壞與更壞》亦出自他手筆，「首歌出前幾日我先知道係廣東歌，寫嘅時候諗住兩個對象，一個係林宥嘉，另外一個係陳奕迅，因為佢哋兩個把聲有個共通點，就係有一種好自然，直接由心唱出嚟嘅感覺，我就用咗呢個聲線嘅方向去寫。最後首歌林宥嘉唱，而其中一位監製係陳奕迅，實在好驚喜，好夢幻，因為兩個對象都喺同一首歌入面出現。」
劉浩龍：「希望大家當我係新人，我會努力重新做好一個歌手！」
由金紅順傳媒、生意兄龍及棋人香港主辦的《劉浩龍「思覺失調20」巡迴演唱會 – 佛山站》早前假佛山嶺南明珠訓練館圓滿結束。演唱會以師兄經典歌曲「思覺失調」為整個流程故事主軸，並分為三部分：沉溺、釋放、療癒，將內心深處的掙扎與渴望，巧妙地融入每一個音符之中，用音樂向大家訴說靈魂故事。首部分以師兄多年來經典情歌作貫穿，如：《記得》、《緋聞男友》、《神呀！求求讓我睡》等，更聯同JW（王灝兒）合唱觀眾耳熟能詳的歌曲《滄海遺珠》，18年後再度和女嘉賓以合唱型式呈現給樂迷，令在場觀眾大呼驚喜。師兄還化身為唱跳歌手，接連唱出《師兄》、《重口味》、《餓狼傳說》等，以一連串快歌熱舞炒熱全場氣氛，尾段更大晒肌肉，展示努力健身之成果，令全場樂迷大叫興奮。
《劉浩龍「思覺失調20」巡迴演唱會─佛山站》早前圓滿結束。
演唱會以師兄經典歌曲「思覺失調」為整個流程故事主軸。
JW擔任表演嘉賓。
是次演唱會「思覺失調20」由概念到編排製作到演出細節，師兄首次以主辦身份全程參與其中，從那些耳熟能詳的經典旋律，到別出心裁的全新演繹，久未在舞台上跳唱的師兄表示，說：「為了令觀眾覺得值回票價，今次以製作人身份角色和導演編排歌單，更花時間找老師學唱歌和跳舞，以及每日努力健身做運動，全力以赴目標就是以最佳狀態見歌迷。」當晚最感動的其中一幕，是全場觀眾大合唱《二等天使》，而故事最後以師兄出道至今心路歷程作分享，鳴謝一眾台下「戰友」一路相伴，分享期間更感動落淚，感動不少親臨現場好友及觀眾。
二人合唱觀眾耳熟能詳的歌曲《滄海遺珠》。
全場觀眾大合唱《二等天使》！
演唱會尾聲觀眾反應非常熱烈，師兄再度登台演出精心安排金曲串燒，包括《追魂記》、《十惡不赦》、《爛命鴛鴦》等，再度掀起全場高潮，全場high爆，眼見全場觀眾都站起來合唱，師兄說：「好唔捨得呀！見到人開心我就開心，希望大家當我係新人，我會努力重新做好一個歌手。」除了嘉賓JW之外，當晚更有一眾朋友遠道而來支持師兄，包括合伙人Bob林盛斌、蘇永康、梁漢文、鄭希怡等，一起見證這位「樂壇新人」的重新出發。完場前，師兄感慨說：「《思覺失調》除了是20周年，同時也可以是一個新的開始，期待在「思覺失調20」巡迴演唱會的下一站，能與更多歌迷重逢，共同延續音樂的美好。」
師兄還化身跳唱歌手。
大騷肌肉！
