HotTV
田蕊妮奪得最受歡迎電視女角色，視后則由同劇的胡定欣捧走，她非常滿意賽果，更「不謙虛」指與定欣《鬼同你OT》一人攞一個獎。
阿田說任何人得獎都會替對方開心，指定欣領獎後到時握著對方手、很不謙虛細聲跟她說很開心有今晚賽果，《鬼同你OT》一人攞一個獎，指對兩人而言很大鼓勵，亦對將開拍的《來自喵喵星的妳》好有正面影響的動力。阿田同定欣上台頒視帝時信封內寫上「轉頭講」，她指是事前夾好，認為頒獎禮搞吓笑都OK，但原意是希望令氣氛更緊張。
圖：TUNGSTAR
阿田又指老公杜汶澤比較忙，但認為獲獎已很值得慶祝，無理由「我攞獎，你點同我慶祝呀」，這樣太囂張，與親人分享喜悅就夠。
希望有大團圓結局喇！
黎耀祥和胡定欣日前（11月12日）到新城廣播接受薛家燕、范振鋒及思敏主持的《開心大派對》之「開心家訪」訪問，宣傳熱播劇《巾幗梟雄之懸崖》，該劇下周五（22日）將迎來大結局，劇情亦開始進入高潮，祥仔和定欣在訪問中無意中劇透，但對於「七爺」（胡定欣飾）和「柴十七」（黎耀祥飾）能否開花結果則守口如瓶，並大賣關子表示：「大家睇啦！」
黎耀祥和胡定欣接受新城《開心大派對》節目訪問。
祥仔和定欣透露《巾幗梟雄之懸崖》在橫店拍攝了兩個半月，今次亦是兩人第8次合作，所以充滿默契。提到角色名字柴十七的由來，祥仔直言自己也有問過編劇張華標，「因為好多人對呢個問題好有興趣，我就問標哥點解係十七？唔係十五或者十六？標哥話佢查過《易經》，十七係代表堅定不移、勇往直前。」祥仔又認為柴十七的角色既寫實又充滿人性，「好多人都會問柴十七點解成日話辭職，但又要返去，其實我哋每日返工都唔想撈，最後總會有啲原因令到你又會返工。」
宣傳熱播劇《巾幗梟雄之懸崖》。
蕭正楠在劇中有3個角色，祥仔和定欣忍不住爆料，「大家眼見嘅有三個，佢用三個身份出現，但質實只係兩個人，我哋開頭拍都有啲亂，會問佢究竟係邊個，哈哈。」定欣又十分開心每日開工都有靚衫著，「一日十幾場戲，好彩劇組已經幫我安排好，唔需要我自己記住要著邊一套，我就好似個模特兒咁，換完就出嚟，好似fashion show，有成三十套靚衫。」
七爺和柴十七由最初的互不信任，到後來出生入死互相扶持，兩人內心都有對方，定欣續說：「之後柴十七去咗香港，我有時會去探佢，大家好似好掛住對方，但我又有大病，子彈碎片會影響記憶，自己唔想拖累佢。」祥仔更形容：「都幾夭心夭肺。」范振鋒問兩人最後是否走在一起？定欣和祥仔異口同聲表示：「大家睇啦！」
胡定欣大爆七爺同柴十七分隔兩地。
祥仔：「都幾夭心夭肺！」
詳細節目內容，請留意 11 月 16 日，3-4時，新城知訊台《開心大派對》節目，網址：
https://www.metroradio.com.hk/MetroInfo/
