8日行8城市每日使費僅一千台幣？ 施焯日蔡景行路慳錢慘遇「小偷」

以拍攝不同類型旅遊節目馳名的J2（82台），4月10日起逢周一至五晚十點半將再度衝擊觀眾思維，推出首個實境拍攝旅遊節目《見步行步 台灣篇》，並由兩名各有特色的J2er—「迷惘擔當」施焯日（Arthur）及「Hyper擔當」蔡景行（行仔）擔任主持。

施焯日Arthur

蔡景行

與其說是旅遊節目、《見步行步》更似實境真人騷，兩位主持需根據製作組訂立的一連串規則，在指定的8天時間內，由高雄前往台北指定地點，中間必須橫跨及涉足台灣八個不同城市；兩位主持每天更只能使用製作組分發的1,000台幣（約250港元），當中除包括了食宿費，就連交通費也包括在內，難怪兩位主持都「難為了家嫂」般為慳錢搲爆頭，相當燒腦。有限盤川換來的附帶限制是，雖說製作組沒有硬性規定前往城市的方法，但Arthur受訪時透露由於「資金」有限，故此二人步行居多，顧名思義「見步行步」。另外二人每日還必須額外挑戰一個大任務，失敗的話將不獲准前往下一個城市，整個節目絕對是「Mission Impossible」！

8日走勻8個台灣城市。

完成8大任務！

每日使費最多1千台幣（約$250港紙），仲要2個人分！

在體力、時間及Budget均相當有限的情況下，Arthur與行仔（下文簡稱「行發」）的八天行程依然豐富，玩勻海陸空之餘，更在製作組安排下賣港式雞蛋仔賺取盤川，行仔全程豁出去大聲叫賣，Arthur則貫徹「迷男郎」本色迷失到底。不過製作組亦並非完全泯滅人性，在八天拍攝行程中，「行發」共有五個「許願」求救機會，假若製作組大發慈悲，二人隨時可獲得適當支援谷底翻身。

街頭叫賣雞蛋仔

為了旅費豁出去！

點解佢哋會有車坐呢？呢架車點睇都唔平啵？唔通係跪求返嚟？

190台幣「宿一宵」仲要地方闊落？

在4月10日、11日播放的頭兩集，出發時喜氣洋洋的「行發」，甫落機即被製作組強行「開始拍攝」，完全不知就裏的二人，在沒有劇本及任何資訊的情況下開始了為期８天的「喪行」之旅。二人首個任務是挑戰「豪華海景野餐」，除了單是尋找合適景點及食物已行到腳跛，其間更遇上猴子小偷將二人辛苦得來的馳名鴨肉「毁掉」，令二人要「返回起點重新出發」。更慘的是，首日行程便行了勁多冤枉路的「行發」，去到尾聲只剩下190台幣（約50港元）盤川，正當二人為了容身之處絞盡腦汁，製作組竟介紹他們找到一處只需50港元的「宿一宵」住處，而且地方相當闊落。

出發嗰陣，兩位年青人都好興奮。

但好快，佢哋就陷入咗迷惘，因為係乜都未知嘅情況之下就要開始拍喇，連講對白都係即興架咋。

睇吓兩位主持幾崩潰，崩潰到連Grammar都錯埋。

聽到有5次許願機會，即時開心返。

相信呢個節目兩位主持睇得最多嘅，就係電話同Google Map。

雖然有啲路可以踩單車，但係兩位年青人都猛話好攰，又係嘅，一落機就開行turbo。

由於盤川有限，佢哋只係捨得拎100台幣出嚟買鴨肉，到底可以買到幾多呢？

雖然有啲路可以踩單車，但係兩位年青人都猛話好攰，又係嘅，一落機就開行turbo。

雖然有啲路可以踩單車，但係兩位年青人都猛話好攰，又係嘅，一落機就開行turbo。

Arthur受訪時坦言，沒有想過拍節目可以咁free：「唔好話對白，連劇本都冇，我都係第一次知道原來節目可以咁free，我哋想玩咩就玩咩，我哋想食咩就食咩。」Arthur更以三個W形容是次經驗：「完全就係Who am I, Where am I同埋What am I doing，去旅行又好似唔係，拍節目又好似唔係。」Arthur更強調變了行路節目完全是意料之外：「其實係一日用$1,000台幣，唔理你用咩方法要去到下一個目的地同埋完成任務、搞掂食宿問題，但因為冇乜錢，所以我哋基本上淨係可以行，情況許可我哋都有搭吓船同踩吓單車嘅。」談到難忘事，Arthur指是從來沒有想過「行路都可以咁攰」：「我記得去到第五日，我以為自己身體ok仲走去跑步，然後隻腳突然之間冇力，扭親之餘仲一嘢跌咗落地下，令到呢個節目永遠咁留咗喺個手踭度。其實除咗體力攰，精神都攰，因為每日成半夜兩點瞓，但第二朝五點起身又拍過。」

鴨肉被偷走了……

因為突如奇來的猴子小偷而要「返回起點重新出發」的二人，到底何解可以笑得咁開心？

點解190台幣可以搵到咁大間屋住？係咪好想知答案？睇《見步行步》啦。

佢哋連山都行埋，好敬業。

Arthur行到去第五日，唔小心跌親整損手，好彩佢都仲係笑笑口。

撇除辛苦嘅地方，其實旅程都有唔少得著嘅！

有樂多新體驗同學到唔少新嘢。

不斷挑戰自己極限。

節目行程望落好豐富喎。