J2旅遊飲食節目《趁而家去大馬偷食...譜!》由J2er廖慧儀(Jessica)及伍韻婷(Juliana)主持,逢周一至五晚八點半J2(82台)播出。Jessica同Juliana繼續以超清涼裝束進行大馬偷食譜之旅,包括炭爐煲仔飯、板麵、雲吞麵、叉燒、福建炒麵及海南茶等,並找來《聲夢傳奇2(馬來西亞)》冠軍Xair,及大馬華裔女演員蕭麗玲擔任嘉賓。
![大馬天氣咁熱,(左)Juliana同Jessica打扮清涼都好合理啫。](https://image.bastillepost.com/1200x/wp-content/uploads/hongkong/2023/06/1-12.png.webp)
大馬天氣咁熱,(左)Juliana同Jessica打扮清涼都好合理啫。
![本周嘉賓有大馬華裔藝人蕭麗玲。](https://image.bastillepost.com/1200x/wp-content/uploads/hongkong/2023/06/18.png.webp)
本周嘉賓有大馬華裔藝人蕭麗玲。
![本周另一嘉賓係《聲夢傳奇2(馬來西亞)》冠軍Xair。](https://image.bastillepost.com/1200x/wp-content/uploads/hongkong/2023/06/28.png.webp)
本周另一嘉賓係《聲夢傳奇2(馬來西亞)》冠軍Xair。
6月5日播出的第三集,雙J挑戰高難度學煮炭爐煲仔飯,面對眼前熊熊炭火及炭屎四處亂彈,雙J雖然有點膽怯,更彈開數個身位才敢放下煲仔飯,但總算完成任務,Jessica更忍不住當場感嘆︰「真係用生命去煲呢個煲仔飯。」今晚二人將試偷板麵食譜,並貫徹遴迍(音:論盡)本色,先是Jessica不小心拿起了熱到燙手的湯杓,險些釀成「飛杓」事件;接住是Juliana淥菜時被升起的蒸氣焫親手之餘,打雞蛋時又甩手將蛋殼掉進食物內。
![佢哋入親廚房偷師,都好似好大陣仗咁。](https://image.bastillepost.com/1200x/wp-content/uploads/hongkong/2023/06/2.png.webp)
佢哋入親廚房偷師,都好似好大陣仗咁。
![Juliana對乾撈板麵讚不絕口。](https://image.bastillepost.com/1200x/wp-content/uploads/hongkong/2023/06/3.png.webp)
Juliana對乾撈板麵讚不絕口。
![Juliana打完雞蛋,連個殼都跌埋落煲度。](https://image.bastillepost.com/1200x/wp-content/uploads/hongkong/2023/06/5.png.webp)
Juliana打完雞蛋,連個殼都跌埋落煲度。
![Jessica同Juliana合力完成乾撈板麵。](https://image.bastillepost.com/1200x/wp-content/uploads/hongkong/2023/06/6.png.webp)
Jessica同Juliana合力完成乾撈板麵。
![Jessica同蕭麗玲試食瓦煲雞飯。](https://image.bastillepost.com/1200x/wp-content/uploads/hongkong/2023/06/19.png.webp)
Jessica同蕭麗玲試食瓦煲雞飯。
![大馬雲吞麵主打乾撈,仲會配上叉燒及燒肉。](https://image.bastillepost.com/1200x/wp-content/uploads/hongkong/2023/06/20.png.webp)
大馬雲吞麵主打乾撈,仲會配上叉燒及燒肉。
![Juliana斬燒肉斬到好似劈柴咁。](https://image.bastillepost.com/1200x/wp-content/uploads/hongkong/2023/06/21.png.webp)
Juliana斬燒肉斬到好似劈柴咁。
![可以跟80多歲的店主姑媽學包雲吞,雙J可謂不枉此行。](https://image.bastillepost.com/1200x/wp-content/uploads/hongkong/2023/06/23a.jpg.webp)
可以跟80多歲的店主姑媽學包雲吞,雙J可謂不枉此行。
![學煮福建炒麵。](https://image.bastillepost.com/1200x/wp-content/uploads/hongkong/2023/06/25.png.webp)
學煮福建炒麵。
![同埋廣府炒,即係喺脆麵底加上芡汁。](https://image.bastillepost.com/1200x/wp-content/uploads/hongkong/2023/06/27.png.webp)
同埋廣府炒,即係喺脆麵底加上芡汁。
![Juliana同Xair學煮海南茶。](https://image.bastillepost.com/1200x/wp-content/uploads/hongkong/2023/06/29.png.webp)
Juliana同Xair學煮海南茶。
![之後Xair再同Jessica跟另一位師傅學整海南茶。](https://image.bastillepost.com/1200x/wp-content/uploads/hongkong/2023/06/30.png.webp)
之後Xair再同Jessica跟另一位師傅學整海南茶。
Juliana自嘲:淥個麵都爆炸
Jessica事後受訪時,笑指學煮煲仔飯期間確是「危機四伏」︰「嗰時面前有10幾個燒緊、好高溫嘅炭火爐,啲煙會吹埋塊面度;加上真係好熱,搞到成身都係汗。煮緊嗰陣都有畀啲火屎彈到隻手,加上煮嘅時候要不時要調較唔同火喉,包括要幫個煲換位同埋要加炭,都有唔小心焫親手。」她又笑指雖然在當地吃盡「邪惡」食物,但每日拍攝完畢均會抽空做gym或游水「還債」。除了偷食譜,雙J亦會繼續於酒店房試食各式各樣即食宵夜,二人除像上兩集般以吸睛造型亮相,亦繼續「錯漏百出」,單是煮即食麵也「險象環生」,Juliana亦忍不住「自嘲」︰「點解我哋次次整親嘢都好似爆炸咁,淥個麵都爆炸……」
![Jessica同Juliana拍攝行程相當緊密。](https://image.bastillepost.com/1200x/wp-content/uploads/hongkong/2023/06/11.png.webp)
Jessica同Juliana拍攝行程相當緊密。
![偷炭燒煲仔飯食譜過程辛苦。](https://image.bastillepost.com/1200x/wp-content/uploads/hongkong/2023/06/12.png.webp)
偷炭燒煲仔飯食譜過程辛苦。
![係咪好大火吖?Jessica都講笑話係以「生命」換取食譜。](https://image.bastillepost.com/1200x/wp-content/uploads/hongkong/2023/06/15.png.webp)
係咪好大火吖?Jessica都講笑話係以「生命」換取食譜。
![攞到食譜](https://image.bastillepost.com/1200x/wp-content/uploads/hongkong/2023/06/17.png.webp)
攞到食譜
![Jessica同Juliana點食宵夜都唔肥,除咗因為得天獨厚,都因為後天努力架。](https://image.bastillepost.com/1200x/wp-content/uploads/hongkong/2023/06/8.png.webp)
Jessica同Juliana點食宵夜都唔肥,除咗因為得天獨厚,都因為後天努力架。
![煮個麵都滾瀉水,佩服。](https://image.bastillepost.com/1200x/wp-content/uploads/hongkong/2023/06/10.png.webp)
煮個麵都滾瀉水,佩服。
![而佢哋畀出嚟嘅,絕對係誠實食後感,睇吓佢哋嘅表情都感受到佢哋呢一餐中咗伏。](https://image.bastillepost.com/1200x/wp-content/uploads/hongkong/2023/06/10a.jpg.webp)
而佢哋畀出嚟嘅,絕對係誠實食後感,睇吓佢哋嘅表情都感受到佢哋呢一餐中咗伏。