吃貨橫掃港深珠丨梁凱晴歎特色Spa用食材按摩晒玉背廖慧儀開班教瑜伽畫面唯美

娛圈事

吃貨橫掃港深珠丨梁凱晴歎特色Spa用食材按摩晒玉背廖慧儀開班教瑜伽畫面唯美

2024年10月10日 12:30 最後更新：13:08

彭慧中、林秀怡、梁凱晴、梁超怡及廖慧儀繼續帶大家吃喝玩樂。

旅遊飲食節目《吃貨橫掃港深珠》昨晚（10月9日）一集焦點，絕對是梁凱晴大歎Spa！凱晴去到珠海一間水療中心體驗特色Spa，她挑擇了用食材和食用香料做的草藥球來按摩，非常紓壓，難怪凱晴事後大嗌好舒服：「我最鍾意按完摩之後，佢準備咗茶點畀我，令我嘅Treatment畫上完圓滿句號！」

點擊看圖輯

梁凱晴歎Spa大晒玉背，畫面唯美。

喺石景山大玩滑道。

梁超怡食住麵包玩，咁Chill得唔得㗎？

呢個海鮮餐，又平又抵食！

齊齊做瑜伽，靚人靚景。

無人機嗌外賣，大家試過未呢？

梁超怡一次過辣着兩位師姐，有啲料到！

呢間火鍋店打卡一流，食物都係一流。

呢啲糕點究竟好食定好伏？

之後，林秀怡、梁超怡和梁凱晴去到珠海的著名景點石景山，大玩滑道體驗速度與激情，期間林秀怡、梁凱晴嗌到拆天，相反為食妹梁超怡拿着麵包邊玩邊吃，Chill爆程度可以改名叫梁「Chill」怡。

今晚（10月10日）一集繼續有食神，林秀怡、梁凱晴和廖慧儀去到珠海的白藤頭水產批發市場掃海鮮，當中俄羅斯長腳蟹只要235元人民幣一斤，台山生蠔只要8元人民幣，價錢相當便宜，之後她們拿着海鮮去到附近的酒樓加工，實行大歎海鮮餐，清蒸長腳蟹、蒸方利、酥炸生蠔、蒸海蝦和雜魚湯等七道菜，食材＋加工費只要1,127 元人民幣，十分抵食！

之後彭慧中、林秀怡、梁超怡及廖慧儀轉戰深圳人才公園親親大自然，身為運動達人的廖慧儀開班教瑜伽，畫面唯美，之後她們還體驗了無人機叫外賣，落完單10多分鐘後便收到外賣，十分方便。本集吃貨試「伏」器，彭慧中、林秀怡和梁超怡實測騎呢零食，包括黑芝麻丸、鹵香菇、凍乾芒果腰果，梁超怡試吃鹵香菇時竟然大膽說：「呢個畀阿婆食，啱晒你哋。」一次過辣着彭慧中和林秀怡，場面搞笑。

至於明晚（10月11日）播出最後一集，彭慧中、梁凱晴和廖慧儀為大家介紹一間位於銅鑼灣的火鍋店，該店以50年代香港為裝修主題，店內還設有靚爆打卡位，啱晒女士們打卡，食物方面同樣出色，三人品嚐了原價948港元的午市套餐，套餐包了一個重量牛圈、招牌牛乳鍋底、兩杯特飲等，現在只要368港元（另加收醬料費），認真划算。

吃貨試「伏」器環節，彭慧中、林秀怡和梁超怡試吃港人最愛買的C字頭超市糕點，一次過試齊芋泥麻糬可頌、肉鬆貝貝蛋糕、抹茶泡芙和藍莓慕絲蛋糕，想知道試得過還是「伏」？密切留意《吃貨橫掃港深珠》。此外，欲知更多密切留意節目，記得掃瞄QR Code留意「吃貨優惠情報」！

往下看更多文章

獎門人｜「復仇女王」楊茜堯玩遊戲勁奸賴獎門人為林秀怡公開招「親」

2024年11月17日 15:00 最後更新：16:33

鏡頭後的楊茜堯同角色「余滿月」反差甚大！

特備節目《鄰住買特約：獎門人台慶感謝祭》昨晚（11月16日）播出，獎門人曾志偉率領「獎老」錢嘉樂、阮兆祥、金剛、麥美恩、林秀怡和林正峰齊齊以藝術人物造型亮相，金剛更再度使出看家本領—講鬼故，不過由於內容太過無厘頭，遭獎門人瘋狂掌嘴。

為迎接台慶，今集嘉賓陣容相當鼎盛，有「黑色月光隊」的楊茜堯、林夏薇、王浩信、楊卓娜、葉蒨文、馬貫東、何廣沛、黃建東，及自封「奬門人鐵腳隊，依家有仔又有女」的「苗僑偉隊」，成員有苗僑偉、湯盈盈、洪天明、姚樂怡、梁靖琪、周家蔚。

抱病上陣的楊茜堯（阿怡），雖然聲音沙啞又虛弱，但玩起遊戲上嚟卻相當狼死，遭錢嘉樂搞笑寸爆：「唔好畀人知道子溢喺屋企咁慘。」事緣阿怡玩「開心無敵啜乒乓」時，除了甫出場即以「黑色月光style」眼神掃射全場，又出手將對手洪天明不斷推開，令洪天明亦忍不住大嗌：「做咩啫」。搞笑的是，縱然阿怡咁奸賴，但可惜「戰績」認真麻麻，不斷玩輸遊戲，而在「開心無敵開口中」環節，阿怡更露出「蛇𠺌膽小」一面，與角色余滿月反差甚大。

本集另一焦點落在「猴擒代表」林秀怡身上，難得獎門人「回歸」，林秀怡把握良機要求與全場男嘉賓玩「傳紫菜」，向來奀皮的獎門人聞言，即加碼為林秀怡公開招「親」，邀請現場男觀眾上台玩埋一份，場面勁級混亂又搞笑。愈玩愈失控的林秀怡，面對對手何廣沛出招飛撲兼喪啜，何廣沛亦「反飛撲」禮尚往來；馬貫東及王浩信則分別拉著林秀怡大擺「gone with the wind」經典甫及公主抱搞氣氛。