【TVB台慶】撞風格同愛跳唱鍾柔美詹天文唔怕被做比較

HotTV

【TVB台慶】撞風格同愛跳唱鍾柔美詹天文唔怕被做比較

2023年11月19日 20:26 最後更新：20:53

鍾柔美及詹天文在《萬千星輝賀台慶》中將與《聲夢傳奇》第一季及第二季的學員一同表演。

詹天文（Windy）早前推出新歌《大雕刻家》，她表示非常開心，「因為呢一首歌，一直以嚟都好想出一首咁嘅風格嘅歌，係屬於自己嘅。因為一直以嚟都好鍾意唱呢一類型嘅快歌，但都係唱人哋嘅歌，同埋係表達緊人哋嘅態度，咁所以我覺得今次出到一首屬於自己同埋講緊自己嘅一首快歌，同埋有rap係入面，我自己覺得非常開心！」

點擊看圖輯

詹天文、鍾柔美（本網記者攝）

本網記者攝

對於與鍾柔美（Yumi）同樣是跳唱風格，網民難免會對二人作出比較，二人都認為無需去比較，因為每位藝人都會有自己獨有風格、唱法，最重要是做好自己，亦會為對方推出新歌感到開心。

提到到《聲夢》戰友黃奕斌（Hugo）及冼靖峰（Archie）參加選透節目《亞洲超星團》，Windy笑指他們造型變化好大，性格亦變得成熟、沉穩，所以非常期待節目的播出；而Yumi亦覺得Hugo和Archie參加節目後成長了，特別是Archie，在跳舞方面願意作出大膽的嘗試，比以前跳得更好。

往下看更多文章

張馳豪詹天文勁歌熱舞渾身解數 Michael C將偶像方大同紋上手臂

新城廣播劇《現在就愛》已於上周五晚（4月25日）搬上舞台，在海洋公園怡慶坊舉行《新城唱好海洋公園現在就愛音樂會》，演出歌手包括張馳豪(Aska)、力臻、詹天文(Windy)、Beanies及Michael C，TVB高層張仲恒與林智樂及龔嘉欣、何晉樂及郭佩文等拉隊捧場，而馬天佑甫下飛機便趕到現場探Aska和班，並送上鮮花給Aska和Jaime＠Beanies班。

五人在台上逐一揭曉他們早前為宣傳舞台劇《現在就愛》而寫下的時間錦囊，Aska盼增磅至77公斤，然後大曬肌肉，即被台下粉絲起哄叫除衫；Michael C則希望更加珍惜身邊人，並露出手上紋身，自爆將已故歌手方大同紋在手臂，繼續陪他走音樂路，他稱：「我好鍾意方大同，佢嘅音樂好好聽，因為佢所以開始我音樂之路。」

Beanies以校園Look亮相，並各自solo演出，惟成員黃健怡（Winky）因失聲未能獻唱個人新歌《小人國》，只與隊友們合唱《最佳女團友》及《公主抱》，其他隊友異口同聲表示不擔心被Winky傳染，她們笑言：「佢啲菌都係有愛嘅，因為『現在就愛』嘛！」眾人施展混身解數，在音樂會上又唱又跳，引來台下觀眾尖叫聲不絕。Jaime與Aska合唱完《勾手指尾》後還即場勾手指尾，即引起Beanies其餘4位成員妬忌，在接受訪問時笑言：「我哋有８隻手，可以勾８隻手指尾，多過佢哋兩個。」

事後，Michael C提到偶像方大同的去世讓他傷心不已，他透露：「我記得當日我開緊車，喺社交媒體上睇到佢嘅消息，我一邊開車一邊默默流眼淚。」他又指早年曾跟方大同約定過，希望有朝一日可以和對方合作，「佢好nice，話佢會等我，但呢個合作永遠都實現唔到，真係好難過，依家都好唔開心，後尾選擇紋身方式，將佢擺喺我心入面。（佢邊方面影響你最深？）係佢嘅善良，佢唔只愛音樂，亦好愛佢身邊每個人。」