俄仔Ansheles近日因急病送院，正接受治療，情況嚴重。
在港發展多年的「俄仔」Ansheles（Anshele Artem），昨日（5月22日）被經理人Neo在其IG上出限時動態公布因急病送院，由於暫時未知詳情，故令到不少網民及好友紛紛表示關心。
「俄仔」Ansheles急病送院。
Ansheles經理人Neo發布黑底白字的限時動態，通知Ansheles的朋友和粉絲，表示：「Ansheles近日因急病送院，正接受治療，情況嚴重。故暫時停止所有工作及社交媒體更新。希望他早日康復、平安。多謝大家的支持。謝謝」。
理人Neo透露Ansheles目前病情嚴重。
29歲的俄裔KOL Ansheles 18歲時在港進修及加入模特兒行業，為了繼續留港發展，修讀一年粵語課程，因操一口流利廣東話，以及出眾的外貌受到不少網民關注。Ansheles早期拍攝影片《請阿媽飲涼茶》中，與母親的有趣互動令他立即爆紅。Ansheles之後由網絡紅到公仔箱，於2016年起多次出演ViuTV的劇集及旅遊節目，深受廣告商歡迎的他，更曾經與視后佘詩曼合作拍攝廣告。
Ansheles用一口流利廣東話拍攝短片《請阿媽飲涼茶》爆紅！
曾同「三料視后」佘詩曼拍廣告。
俄仔詳細交代病情。
在港發展多年的「俄仔」Ansheles（Anshele Artem），早前被經理人Neo在其IG上出限時動態公布因急病送院，令不少網民及好友十分擔心！經理人Neo回覆傳媒查詢，透露Ansheles因肺炎致胸腔積液，危及心臟，幸好及時救治。日前（5月26日) ，仍然留院的Ansheles於社交平台報平安，形容「This was a very scary moment but it 's now behind.」
「俄仔」Ansheles病床報平安 。
Ansheles於IG上載病榻近照，撰文感謝各方關心，讓他在這段身心困難時期得到力量。
昨日（5月30日）Ansheles公開臥病在床的近照，詳細交代病情，他透露約一個月前開始感覺胸口痛，情況持續個數星期，病因是肺炎致胸腔積液，危及至心臟，好彩及時送院治理。發病一星期後，Ansheles感覺胸痛減輕，比前易累，於是加操做gym，迫自己提起番精神，；經過兩星期，Ansheles膚色變黃，他還幽自己一默說：「雖然我好鍾意睇Simpson，但我覺得有啲唔對路，所以去驗下血。驗血報告話我一個叫C-Reactive Protein（CRP，C-反應蛋白，由肝臟產生的特殊蛋白，亦是發炎指標之一）嘅嘢過高，之後我知道咗呢樣嘢係代表身體發炎，但我當刻又唔特別覺得有咩大痛或症狀，所以我再一次不以為意繼續扮Simpson。」
29歲的俄裔KOL Ansheles 18歲來港進修及後加入模特兒行業，因操一口流利廣東話，以及出眾的外貌受到不少關注！
再過了一星期，Ansheles開始發高燒，胸痛加劇，形容「痛到好似心口有隻角要生出嚟咁」，半夜痛醒，之後從迷糊中醒來，發現自己身在洗手間睡著了，忍痛3晚，終於決定去「照肺」，發現原來這段期間一直有肺炎，因沒有及時治理，致胸腔積液由肺部流向心臟。Ansheles還稱：「我即時被照肺嗰間診所call白車送去醫院，但送到去個間醫院唔收我，因為佢哋話我有心包填塞嘅風險，而嗰間醫院無醫生可以處理呢種case，但其他醫院亦唔願意接收...」心包填塞即心包腔內血液積存，因心包彈力有限，急性心包積血引致使心室舒張受阻，心排血量降低，引致急性循環衰竭，甚至心跳驟停。
Ansheles早前急病送院，經理人Neo在IG限時動態上指其情況嚴重，幸好Ansheles已大步檻過。
Ansheles表示：「當醫生同我講我心臟有可能停頓嗰刻，我個心已經嚇到停咗。呢一段時間我都覺得好震驚、困惑、難以置信。我自問唔煙唔酒、一個星期做6日運動、嚴格控制飲食，點解都會搞成咁？究竟係邊到（度）出錯呢？」留院接受治療，Ansheles已好轉不少：「而我學識咗『放鬆啲啦，香港人』對自己嘅身體唔好迫得太緊，同埋『病向淺中E』~」
最後Ansheles感謝各方關心，讓他在這段身心困難時期得到力量：「令我好感動嘅係，近乎所有我認識嘅朋友同粉絲，都真切關心我嘅情況，抱歉令大家擔心。而家我嘅心唔係被肺積液包圍，而係俾大家嘅愛同支持包圍（我係咪唔可以咁快講呢啲笑？😂) 但認識我嘅你都知道，我相信治療創傷嘅最好方法就係攞嚟講笑，所以你哋要期待我會拍好多關於健康嘅funny video俾大家❤🩹期待吧～」
Ansheles深受廣告商歡迎，曾與「三料視后」佘詩曼合作拍廣告。
