羅毓儀話好開心可以從鄭則仕身上偷師！
藝人羅毓儀（Yuki）今日（7月12日）接受新城廣播知訊台《原來生活好快樂》節目「快樂紅人」主持麥卓華（小麥）的訪問，演而優則唱的Yuki，小時候已熱愛夾Band彈電結他及四出表演，問她最愛音樂還是演戲？Yuki表示：「好難答，演戲我係手到拿來，但唱歌經驗尚淺，所以都幾有壓力。」
無綫小花羅毓儀（Yuki Law）除了拍劇之外還進軍樂壇。
近日Yuki推出新歌《日落時》，歌詞帶出成長過程每分每秒都在面對改變，希望大家面對改變時，可以用積極態度，珍惜當下。「我嘅NBTI 16型人格係I行先，獨處時可以好自己，同時又係好慢熱內向，初入行時一入到化粧間就心跳好快，個心好亂，用咗兩、三年時間先開始習慣。」
Yuki接受《原來生活好快樂》麥卓華訪問。
Yuki為新歌《日落時》宣傳。
Yuki在處境劇《愛．回家之開心速遞》中飾演「路小小」，她直言很喜歡這個角色，「呢個角色好得意，我好鍾意睇討論區啲人講咩，前期啲人唔鍾意我呢個角色，覺得佢搞呢搞路，又拜金又港女，但慢慢都有啲正評，覺得衰得嚟又搞笑，一睇呢啲回應就好有成功感，所以都幾開心。」
感謝鄭則仕派定心丸。
而在劇集《神耆小子》中演繹鄭則仕孫女「金多多」的Yuki，面對老前輩對手毫不怯場，反而可以開心從鄭則仕身上偷師，「我哋成套劇演員好似一家人咁，拍得好開心。（鄭則仕對你哋會唔會好惡？）佢對演戲好有要求，見我哋做得唔好佢會有少少火，但都冇乜嘢，同埋佢唔介意演員NG，佢話冇演員係唔NG，派咗定心丸畀我哋，唔會覺得NG有好大影響。」
江美儀難忘孖劉穎鏇合作拍《隱形戰隊》。
綜藝節目《森下仁丹 Bifina Si 益生菌呈獻：一個香港．十種玩法 過節篇》，由主持江美儀夥拍不同藝人好友或美食旅遊達人捐窿捐罅，以十種不同玩樂模式，鼓勵香港人在過節期間留港消費。
江美儀及劉穎鏇去旺角歎地道臘味煲仔飯。
江美儀和羅毓儀去油麻地果欄買新鮮生果。
「三母女」麻雀館深度遊。
今晚（13日）播映的第五集，江美儀聯同曾於劇集中飾演母女的劉穎鏇（Tiffany）及羅毓儀，以「貼地．夜遊香港」為主題，重拾香港「消失的」夜生活，包括到旺角茶餐廳歎地道臘味煲仔飯，及油麻地果欄買新鮮生果等。其中意想不到的一站，是三位勇闖麻雀館深度遊、學習麻雀歷史及文化，羅毓儀在了解麻雀館職位時，誤把「戥腳」說錯成「坐枱」；而在外國長大的Tiffany，即使經過速成班訓練仍手忙腳亂：「我唔記得可以點match埋一齊，我只係諗緊點樣砌到愈多愈好」，笑料百出。
仲要有埋證書。
Tiffany貼心佈置送美儀姐驚喜。
江美儀難忘孖劉穎鏇合作。
兩母女盡訴心中情。
夜遊香港最後一站，Tiffany帶了美儀姐前往一間可讓客人自行佈置環境的糖水舖，貼心的Tiffany更將昔日與美儀姐合作拍攝劇集《隱形戰隊》的照片放滿店內，令美儀姐好驚喜。「母女」在店內盡訴心中情，Tiffany坦言難忘美儀姐精湛演技：「記得有一場戲，我要（演）昏迷緊（嘅人），因為我只係聽到聲，又要盡量唔好郁隻眼，跟住佢哋（工作人員）就話『大家唔好出聲，美儀姐入戲喇』，然後我係feel到你嗰啲眼淚滴落我度。」美儀姐則大讚Tiffany聰敏乖巧：「拍之前我唔識呢個女仔，咁我就問（陳）山聰『你同劉穎鏇拍過，你覺得佢點呀？如果我要同佢傾關於劇本嘢，佢會唔會覺得我好多事、好麻煩？』」想知美儀姐和Tiffany更多心底話，記住留意節目播映。
兩母女盡訴心中情。
第二集「一日環遊世界」。
邵初與林俊其模擬去日本、土耳其影婚照。
《一個香港．十種玩法 過節篇》本周節目內容確實精彩，第二集袁文傑和邵初精彩展現本地式「一日環遊世界」，去齊富有中國、英國、土耳其、日本等特色的景點；第三集鄺潔楹、黃美棋及糖妹黃山怡的「HK$100 掃街自助餐食到飽」，教觀眾如何以相宜價錢歎到高cp值美食；而第四集冼靖峰與潘靜文的「遊港廟．嚐美食」更令大家可以深度了解廟宇文化，內容多元。
邵初與林俊其模擬去日本、土耳其影婚照。
第三集「HK$100 掃街自助餐食到飽」。
第四集「遊港廟．嚐美食」。
