「灣仔地膽」C君帶行仔食盡好西!
由黃婉曼、蔡雪瑩擔任主播,夥拍「試食員」倪嘉雯(Carmen)、黃嘉雯(Carmaney)、廖慧儀(Jessica)、伍倩彤(Gillian),吳兆麟(Alan)及胡敏芝(Karen)主持的飲食節目《鄰住買好嘢至抵食特約 :美食新聞報道》,逢周四晚9點35分及周五晚9點半於TVB Plus(82台)播映。25日播出的第25集, 「星級情報員」是「灣仔地膽」C君,他帶着蔡景行(行仔)食盡好西!C君首站帶大家去到大坑幫襯連歌神陳奕迅(Eason)都大讚的大牌檔,C君說:「 呢檔喺大坑好出名,Eason仲話:『冇食過呢間嘢就等於冇嚟過大坑!』」他們拍攝期間更遇著名籃球評述員及教練翁金驊。C君極力推薦該店的豬扒鹹牛肉炒蛋麵,而他的好拍檔陸永則喜歡雞翼麵,C君解釋:「陸永鍾意雞翼麵,主要係因為佢唔鍾意啲餸浸到湯,但我相反,我好鍾意啲餸浸到湯中,尤其係呢個豬扒,因為佢係黑椒汁,個味好濃烈。」這裏的奶茶同樣值得一試,期間行仔問到可否叫少甜,C君聞言即說:「呢度飲凍奶茶唔少甜得㗎,人哋呢度拎過全港4大奶茶王之一,即係佢沖嗰個係最啱數,你仲要改人哋條數!」
第25集嘅「星級情報員」係「灣仔地膽」C君。
第一站佢帶大家幫襯陳奕迅都激讚嘅大牌檔。
偶遇翁金驊。
偶遇翁金驊。
C君話一定要加麻油同埋菜脯。
呢度嘅奶茶係香港4大奶茶王之一,唔試唔得!
之後C君帶行仔重遊農夫的發跡地,C君說:「我哋以前錄音就係喺呢幢商業大廈度,你哋聽嗰啲 《456Wing》同《風山水起》都係喺呢度錄音。」C君指當時經常吃牛雜慶功,可惜該牛雜店現已結業,他透過節目呼籲:「當時賣牛雜嗰位朋友,如果你真係有睇,我懇求你再開番!」行仔即追問:「你係咪入股?」C君聞言即說:「入幾多都得,叫埋朋友嚟入都得,希望你再開番啦!」最後一站,C君推介一間主打厚切豬膶麵的麵店,C君透露喜歡吃豬膶是源於他小時候有貧血病:「屋企人覺得豬膶補血,會煮豬膶湯,食慣呢個味,大個見到豬膶都會叫嚟試,豬膶即食麵,可能係香港獨有!」
C君帶行仔重遊農夫發跡地。
C君呼籲牛雜店可以重新開業,自己入股都OK咁話。
呢間豬膶麵絕對值得一試,厚切到呢!
胡頌恆神父在廟街開設餐廳,招聘廣告標明「需有犯罪紀錄」。
吳宇森導演經典作品《英雄本色》中,有「堅叔」曾江專收留坐過監的更新人仕、《古惑仔》電影中已故阿叔林尚義飾演的神父,專向一班蠱惑仔傳播福音,現實中就有位外藉神父集兩者大成。《美食新聞報道》今晚(8月29日)「故事味緣」主角是在港傳道15年的胡頌恆神父,他在廟街開設餐廳主打點心,請人條件非常獨特,門口招聘廣告標明「Vacancy︰criminal record required」(空缺︰需有犯罪紀錄)他笑說︰「我哋開餐廳係想服務出監獄嘅人,畀機會佢哋有工作。所以請人唯一條件就係要有案底、坐過監先至會請。」
今晚《美食新聞報道》主持(左)伍倩彤、王嘉慧。
胡頌恆神父選擇在廟街開店,是認為這區有更多需要幫助的人仕。
胡頌恆神父選擇在廟街開店,是認為這區有更多需要幫助的人仕。
據統計,更新人仕的標籤很難磨滅,難找工作難被人接納,好多釋囚寧願重回監獄,所以再犯事比率接近一半,神父說︰「想服務出監獄嘅人,畀機會佢哋有工作,冇工作佢哋好快會再有問題。」他透露經營點心店的原因,是方便大家溝通,坐埋一枱傾偈。
位於廟街的餐廳主打點心,店內貼出聖經經文。
位於廟街的餐廳主打點心,店內貼出聖經經文。
位於廟街的餐廳主打點心,店內貼出聖經經文。
胡頌恆神父表示經營點心店的原因,是方便坐埋一枱傾偈。
不少食客都身體力行支持神父的餐廳。
在餐廳負責廚房工作的阿樑,以過來人身份講感受,他說︰「其實呢度真係畀咗機會我,重新喺社會立足。我入過戒毒所,喺度工作開心嘅,有同事一齊守望、有傾有講。」阿樑直言有份工作是其次,窩心的地方是得到關懷,他感動的表示︰「第二度地方唔會畀到。」
負責廚房的阿樑自言在餐廳工作尋回自尊。
負責廚房的阿樑自言在餐廳工作尋回自尊。
另一位出鏡的Billy自言19歲開始吸食「白粉」,入過喜靈州戒毒所,她說︰「最近嗰次係衰販運毒品,喺度負責洗碗工作咗幾個月,有刑事紀錄搵嘢做係好難,好多係唔願請,多謝神父畀我喺度工作,好開心有免費住宿。」
員工Billy 19歲便開始吸毒。
餐廳經理兼社工Lucia笑言為了「報答」神父,他們獨創了一味「吞拿魚粟米煎餃」,相信是全港獨有,她笑說︰「神父鍾意食吞拿魚,所以做成餡料加入餃子,加粟米係增加口感。」神父笑言在重慶教英文那幾年愛上餃子,形容是「最好的美食」。他每日都會巡經廟街大街小巷,他說︰「廟街係最多人要幫手嘅地方,出監獄嘅人、吸毒者、露宿者。好開心香港係我屋企,之外只有一處地方想去就係天國。」
社工兼餐廳經理Lucia替神父工作了7年有多。
餐廳出售號稱全港獨家炮製的吞拿魚粟米煎餃。
餐廳出售號稱全港獨家炮製的吞拿魚粟米煎餃。
餃子每3日包一趟,保持新鮮。
多年前胡頌恆神父曾在重慶教英文。
胡頌恆神父每日巡經廟街大街小巷,為需要的人提供幫助。
胡頌恆神父每日巡經廟街大街小巷,為需要的人提供幫助。
胡頌恆神父視香港為家,笑言另一個想去的地方是「天國」。