「Babyface哥」向東張女神公開示愛 誓要30日追到梁敏巧 女神咁回應

又有花生。

TVB綜藝節目《呃錢》懷疑誤墮婚姻介紹公司騙局的苦主黃先生，因於節目中一句「其實我有baby face，點會冇市場呢？」而紅爆網絡。昨日（27日）「Baby face」日與林作一齊拍片，公開向《東張西望》女神梁敏巧示愛，更決定要30日內約到女神。

黃先生因一句「我有Baby face點會無市場」而熱爆網絡

亦因呢次訪問而決定要追Maggie

「Baby face」在片中重複說：「我要媾Maggie（梁敏巧），我要媾《東張》Maggie。我唔理，我要媾《東張》Maggie」而林作則問，「為何只見過梁敏巧一次就要追求對方﹖」，「Baby face」則說：「我鍾意佢夠高，鍾意佢教瑜伽，多姿勢。」

影川截圖

影片截圖

之後林作提議「Baby face」不如先減肥，而「Baby face」即拒絕，表示「鍾意挑戰難度」，而且怕自己減肥後有好多人鍾意。

「東張+」早前在《呃錢》節目播出後再上載「Baby face」未曝光訪問片段，片中見「Baby face」與梁敏巧在天橋做訪問時，已口花花撩梁敏巧：「嗯，好似主持咁靚囉」，令梁敏巧無所適從，只能尷尬笑。

梁敏巧得知事件後，在IG Story 回應：「邊襯得起你，你都係搵返個比我更優秀嘅女仔把(吧)啦」。又話﹕「不過，我都好多謝佢嘅欣賞，其實如果佢更努力做好自己，提升自己，一定會有好多女仔鍾意。」

Maggie 亦在自己IG story回應

似乎女神派了好人卡俾baby face

梁敏巧多謝「Baby Face事件」令她多了很多工作，又多了很多認識她。

一年一度盛事《萬千星輝賀台慶》圓滿結束，「東張女神」梁敏巧（Maggie）在「福祿壽年度娛樂風雲人物」環節中與王祖藍扮演的Baby Face「有情人終成眷屬」，她笑言表演順利，又幾成功！

王祖藍扮演的Baby Face。（本網記者攝）

與梁敏巧在台慶中「有情人終成眷屬」。（本網記者攝）

梁敏巧大讚王祖藍的「Baby Face」造型非常逼真，「第一日佢試個造型出嚟，我地全部，服裝間、梳化姐姐，全部都笑到碌地，佢係『神還原』！」她又指二人在街上拍攝片段時，王祖藍都被途人誤認做真．Baby Face，「真係完全一模一樣，佢連身嗰撻水都『神還原』！好犀利！真係好犀利！」

梁敏巧讚王祖藍神還原「Baby Face」造型。（本網記者攝）

問到有否想過「Baby Face事件」會發酵到上台慶？梁敏巧笑言：「真係無諗過，本身都以為只係一個普通嘅苦主，但估唔到原來觀眾都幾留意，同埋個效果都幾好，啱啱啲反應都幾好，好開心！同埋祖藍真係，佢啲表情、講嘢真係好好笑！」

本網記者攝

本網記者攝

提到被拍到被Baby Face求婚，梁敏巧表示：「其實嗰日就係我落去諗住call車，咁之後，我專心㩒緊電話嘅時候，咁就有人嗌我啦，之後原來係佢，有少少嚇親，咁都追咗一陣嘅，但我見佢都善意啦，所以就接受咗佢嘅花束，同佢寫嘅卡。」她又解釋之後將花和卡丟掉，是因為接下來要出席活動，不想帶太多東西，而水晶戒指則因為來不及還給對方，所以最後都被她「放到」垃圾桶。被指做得絲，梁敏巧就直言：「唔好比假希望人地嘛！」

本網記者攝

雖然被拒絕，但Baby Face依然堅持對梁敏巧的追求，梁敏巧亦讚賞對方的堅持，「佢仲好有自信添，都係好事嚟，我希望佢追求第二個嘅時候都咁有自信，啲人會接受佢啦。」梁敏巧又指如果對方之後舉動令她感到是善意，她都會和對方接觸，但如果是突然抱她或選吻她就不行，並透露今次不是第一次遇到如此瘋狂的追求者，「日日係我公司門口等我放工、一日打成百幾個電話比我，我都試過（遇到）啲好crazy嘅人。」

本網記者攝

梁敏巧表示某程度上都要多謝Baby Face，因為這件「Baby Face事件」令她多了很多工作，工作更已排到來年1月，「因為呢件事，街上真係多咗好多人識我，尋日已話，有人笑我，叫我做『Baby嫂』，今日係街度啲人都已經叫我做『Baby嫂』，其實都真係幾多人關注呢件事！」她又指就算被叫「Baby嫂」，她都會輕鬆面對，還會笑說「夠30日就拍拖」，就好像和所有人都是朋友，是件有趣好玩的事！

本網記者攝

本網記者攝