大熊貓「樂樂」三父子隔空同賀哈囉喂 「家姐」討糖食「細佬」眼仔碌碌初試揸奶樽

每年萬聖節「哈囉喂」都是海洋公園的年度旗艦項目，而安居於海洋公園的大熊貓盈盈樂樂「家姐」與「細佬」，今年亦迎來一家四口的第一個「哈囉喂」，當然要好好慶祝一番。

IG圖片

海洋公園星期四在社交網站一次過發放多條關於「家姐細佬」同爸爸「樂樂」的影片，「家姐」與「細佬」熊貓生初次「哈囉喂」體驗，海洋公園小編搞笑的為二人製作「哈囉喂」造型合影。人人都知「哈囉喂」是小朋友狂歡的日子，可「攞正牌」大歎糖果朱古力，而暴風式成長中的「細佬」與「家姐」當然也少不了要同大家討糖食！

IG圖片

IG圖片

相片中的「細佬」雙眼張開，頭戴萬聖節裝扮黃色帽，而下方的「家姐」則望定定鏡頭，並伸出肥壯小手，撒嬌要「Trick-Or-Treat」討糖食。

IG圖片

IG圖片

IG圖片

至於大家都關心的靚仔爸爸「樂樂」，今次亦有同兩子女一齊現身，原來「樂樂」今日都有慶祝「哈囉喂」，一邊食靚竹一邊望鏡頭的「樂樂」，祝福大家Happy Halloween，而牠身邊亦擺放 了一黃一綠兩個萬聖節南瓜，簡直是又靚又好味！

IG圖片

海洋公園又再接再厲，再公開一段「細佬」飲奶的影片，眼眸全開的牠在「奶媽」懷中飲奶，據「Mo 奶媽」現身說法，「原來細佬隻手仔已經咁有力！不如我哋試吓自己扶住個奶樽呀」，然而未知是否因「細佬」手腳太短，奶媽經過數度嘗試幾乎都未能成功，最終「細佬」嗲住出聲：「我要奶媽親自喂我！」

眼見盈盈樂樂一家四口的生活愈發歡樂，一眾網友亦湧入海洋公園社交平台留言：「大個仔啦！開始學自己捧奶樽，個樣勁可愛」、「細佬好得意丫，遟下細佬會否懂廣東話丫」、「好似BB飲奶奶，好得意」、「細佬第一次開雙眼仔啦！好可愛啊」、「手仔太短」

IG圖片

IG圖片

IG圖片

IG圖片

海洋公園再發布大熊貓盈盈與「細佬」的影片，小編笑言「盈媽同細佬又放閃啦！」

影片中只見「細佬」與媽媽「盈盈」原本各自獨處，下一秒母子二人走向對方，「盈盈」首先聞了聞「細佬」，然後便一把將「細佬」攬入懷中，細心的幫「細佬」舔屁股，幫助「細佬」排便。

盈盈與「細佬」。IG圖片

盈盈與「細佬」。IG圖片

見到呢一幕，連海洋公園小編亦忍不住感歎：「盈媽嘅母愛真係汎濫到好似洪海咁，Sweet到小編都一邊睇片一邊甜笑~」

影片曝光後很快引來網友們的關注，一眾契爸契媽紛紛留言：「盈盈用口輕輕銜住細佬，再用右前肢兜住細佬的心口位置，將囝囝抱到自己懷中。好溫柔啊！」、「好sweet 呀…唔知幾時可以睇到盈盈同家姐細佬一齊嘅場面呢」、「我偏心覺得細佬and 家姐係比其他熊貓BB 粉紅，因為盈盈媽錫細路錫唔停」、「所以家姐細佬長期都咁粉紅色」、「甜到漏」、「盈盈真係好錫對仔女」

盈盈與「細佬」。IG圖片

盈盈與「細佬」。IG圖片

盈盈與「細佬」。IG圖片

盈盈與「細佬」。IG圖片

盈盈與「細佬」。IG圖片

盈盈與「細佬」。IG圖片