屯門單車位都要新年大掃除!屯門輕鐵站附近本來泊滿單車的大型單車泊場,被網民發現疑有政府部門現身執法,大部分逾期停泊的單車被清走,現場僅兩部單車。
屯門單車位新年「大掃除」
有網民近日在「屯門公路塞車關注組」表示:「屯門站嘅車友,你哋嘅愛驅已被轉移到安全地方」。照片可見,屯門輕鐵站附近的單車停泊場已被清空,而旁邊有一輛被多架單車塞滿的貨車。同時有警員在場維持秩序,相信是相關政府部門執法,清走逾期停泊的單車。

FB截圖
網民撐「清得好」:區區大把單車墳場
針對今次單車「大掃除」,網民都表示支持,「有去過呢度都知有八成以上單車都係甩頭甩骨棄用單車,真正想泊既人想泊都冇位泊,清得好丫,唔明點解咁多人反對清理棄車?」、「長期泊係度,生晒銹都唔扔,終於處理」;亦有人表示單車泊位規定只可泊24小時,逾期清空實為合理做法,「單車泊位只准泊24小時,提前通知也不移走這樣責任自然自負」。

FB圖片
與此同時,有網民趁機指香港「單車墳場」問題嚴重,幾乎每區都有相同情況,如東涌、大圍、元朗等,並希望政府部門處理,「加油清咁d棄置單車,區區大把單車墳場」。
清空後易被偷車?
不過都有網民表示清空後,單車反而更易被人偷,「其實清唔清都係咁,清左你擺又比人偷野,唔清又阻住哂」、「我泊屋企樓下,泊一部被偷一部,偷咗3部,唔係貴野都偷,反而呢度咁多都無事,奇怪」。

FB圖片
運輸署已貼通告提醒清車
運輸署已於1月22日張貼通告,提醒市民有關清車行動:「為配合清理行動,由2025年1月22日上午9時至2025年1月24日下午5時,杯渡路近輕鐵屯門站的單車泊車處將暫停使用」;惟有網民不滿張貼通告期限太短,「而家出通告兩日就清車真係黐線」、「得兩日通告又過份左少少, 起碼都一星期」。

unsplash示意圖