網傳影片，稱有乘客於凌晨搭乘港鐵正想出閘卻發現港鐵已「拉閘」，疑事主及同行友人見被困站內，無奈自嘲「睇嚟要喺度過夜」。
凌晨乘港鐵疑被困彩虹站內
有網民於facebook群組「香港突發事故報料區及討論區」轉載1條threads影片，現場為港鐵彩虹站的A2出口，出口處亦已拉上鐵閘，疑有乘客深夜被困在站內。可以聽到影片中，有人疑對被困一事感到無措，用了普通話說了句「我X」。
threads截圖
若翻查threads，可以找到疑似當事人拍的影片，影片上傳時間為凌晨1時24分，帖文中還有疑似事主「睇嚟要喺度過夜」的自嘲。
threads截圖
網民質疑事件真偽：唔識打3條9？
影片惹來熱議，有網民笑稱「成就解鎖」、「港鐵是我家」，但更多人感到匪夷所思，並質疑事主是否為拍片故意藏匿站內，「特登匿埋唔走咋？」、「被困？唔會打3條9？」、「扮晒嘢啦，落去搵站長就出到去啦」、「就算落咗閘，地鐵都仲有工作人員喺裏面」、「地鐵夜晚施工都有夜間出口，就算無，去到按電話公仔一定有人應機」。
threads截圖
後續咁處理
港鐵後續指，當時尾班車已於彩虹站開出，車站職員正陸續關閉車站各出入口。期間，職員留意到有2位乘客仍在A2出入口逗留，已即時安排他們離開車站。
彩虹站（資料圖片）
近年不時有本港餐廳疑因使用「預製菜」而備受爭議，亦掀起港人對「預製菜」的熱烈討論。
示意圖片，非涉事蛋
日前一位網友就在網上撰文公審一間在本港有不少分店的台灣餐廳，指自己的肉燥便當中有一隻呈「三尖八角」形狀的雞蛋，質疑店舖直接用零食蛋取代真蛋。據其分享的相片可見，涉事的雞蛋確實比正常雞蛋小，而且蛋的邊緣部分不平整，宛如一隻六角形雞蛋。
網上圖片
事主認為，該枚雞蛋之所以會呈現這個形狀，是因店舖未有用真蛋入饌，而是用即開即食的「零食蛋」取而代之，令他嬲爆在網上公審店家：「真係燥，連隻蛋都係零食嘅就咪X學人開餐廳啦」。
網上圖片
網上圖片
網上圖片
貼文曝光掀起網友熱議，不少人留言呼籲事主「開名」，以便抵制罷食，而疑似店家亦有現身親身回應事件，指「多謝你嘅意見同反映，明白相中滷蛋會令你擔心食安問題」，並附圖進一步解釋指「我地嘅滷蛋名叫 『五香滷蛋』，原產地台灣，經進口商送到香港」、「滷蛋係packing過程中，會用真空包裝形式以保持食物品質，但同時亦可能經真空過程，令滷蛋變型，賣相醜左」，店家最後又指，「我地會搜尋其他台灣供應商，希望可以搵到有更好嘅滷蛋帶俾大家」。
不過大部分網民仍然一面倒抵制「零食蛋」：「唔係食安問題喎，係客人expect 係餐廳食到嘅滷蛋唔會係7仔買到果啲滷蛋呀！連隻滷蛋都要嗌貨，不如唔好做啦。」、「自己買啲蛋返嚟滷好過啦 滷水又唔係難整 呢啲咁多化學劑嘅嘢 盡量少用啦」、「連隻蛋都要預製，仲夠膽收70蚊..」
