炙手可熱的小鮮肉新人王。
陳毅燊（ANSONBEAN）小時候已是學校的風頭躉，出名喜歡四出搗蛋，活潑的個性經常被指「過度活躍」，不過這個性卻偏偏惹人喜愛，難怪出道短短日子的他，已工作不斷，更成為各品牌的新寵兒。
點擊看圖輯
陳毅燊（ANSONBEAN）最近獲邀接拍環保鞋履宣傳照。
ANSONBEAN是今年出道新人，短時間內已成為品牌新寵，拍攝不少廣告，他更涉足歌影視三棲。
為了做出跳躍的效果，製作組特意安排了一張小彈床給ANSONBEAN。
陳毅燊（ANSONBEAN）最近獲邀接拍環保鞋履宣傳照。
ANSONBEAN是今年出道新人，短時間內已成為品牌新寵，拍攝不少廣告，他更涉足歌影視三棲。
最近ANSONBEAN獲邀接拍了hogan的3R系列全新宣傳照，全新系列靈感來自人們對地球及生活的關愛，採用回收物料來製造優質3R系列鞋履。ANSONBEAN雖然年紀輕輕，但也關心全球環境污染的問題，今次能夠開心拍攝之餘同時能夠宣揚關心地球的訊息，他直指何樂而不為呢！
日前ANSONBEAN在影樓拍攝宣傳照，為了做出跳躍的效果，品牌安排了一張小彈床給ANSONBEAN，他看見即大感興奮，未埋位前先練習兼喪跳，但突然「啪」的一聲，原來彈床被他跳爛了！ANSONBEAN一臉內疚說：「今次為一個鞋嘅品牌拍攝，係要跳彈床嘅，跳起嘅時候可以擺出唔同嘅甫士，都好好玩。不過因為拍攝當日係有啲攰，一心諗住早啲到做吓warm up等自己醒啲，嚟到見到有彈床，就諗住跳吓先，可以令自己消水腫同埋促進血液循環，但跳得太大力，未開始拍攝就整爛咗張彈床，因為之後仲有其他人要影，自己都覺得好唔好意思。」幸好工作人員立刻將小彈床修好，拍攝未受影響。
為了做出跳躍的效果，製作組特意安排了一張小彈床給ANSONBEAN。
點知一跳就出事喇！
未知ANSONBEAN是否知道自己活躍性格經常「闖禍」，所以也期望日後多接觸靜態的工作，他笑說：「都係做靜態嘅工作好啲，因為我一郁、郁得多就返唔到轉頭，個人會太high，就會神不守舍，哈哈。」
ANSONBEAN正準備新歌，而平日的工作接踵而來，故經常睡眠不足，但ANSONBEAN每逢在拍攝前也會做足準備，這天，他未埋位前便先到牆邊倒立，他解釋說：「其實係Alina（李炘頤）教嘅，佢話倒立一分鐘，就可以代替三個鐘嘅睡眠，不過我頭先有啲腦血，所以倒咗30秒，都可以補到一個半鐘睡眠。」
跳爛埋張彈床！
工作人員努力搶修彈床。
大方晒愛！
遊樂園是大家心中的夢幻之地，不論年齡和國界，它都滿載着一段段動人回憶。聖誕將至，ELEMENTS圓方呈獻「DELIGHT-GO-ROUND」聖誕遊樂園，讓大家在濃厚聖誕氣氛包圍下，感受美好歡樂時光。由即日起至2025年1月1日，燈火閃亮五光十色的聖誕遊樂園在ELEMENTS圓方登場，誠邀大家約定身邊人前來 -- 與友人重拾兒時無拘無束的簡單歡樂；與戀人重溫在旋轉木馬上的甜言蜜語；與家人重編天倫之樂的難忘片段。在流連忘返的旋轉木馬及閃耀奪目的摩天輪下，盡情投入醉人的聖誕氣氛，寫下一段又一段的美好回憶，祝願大家既感受聖誕的溫暖，更不忘與摯愛一起刻畫愉悅回憶「ELEMENTS. Always A Delight」。
ELEMENTS圓方邀請到陳毅燊（ANSONBEAN）和張天穎（Jaime）以情侶檔身份甜蜜現身商場活動。
二人今次首度以情侶身份為商場活動拍攝宣傳短片，把握機會寓工作於娛樂，鏡頭前後均十分甜蜜！
今日ELEMENTS圓方邀請到ANSONBEAN 陳毅燊和張天穎（Jaime）以情侶檔身份甜蜜現身商場活動。一向愛得公開大方的ANSONBEAN與女友Jaime將迎來拍拖後的首個聖誕，拍攝時亦難掩開心笑容！二人今次首度以情侶身份為商場活動拍攝宣傳短片，把握機會寓工作於娛樂，鏡頭前後均十分甜蜜！在外國讀書的Jaime指一向喜歡充滿節日氣氛的聖誕節:「細細個開始就已經好鍾意聖誕節！呢個節日一直都帶到俾我好浪漫好甜蜜嘅感覺，周圍都會充滿住好靚嘅聖誕裝飾，特別係聖誕樹。今次ELEMENTS圓方嘅裝置周圍都有大大小小、唔同造型嘅聖誕樹，再配搭埋呢個咁夢幻嘅旋轉木馬，大家都記得去影吓相感受吓，許個聖誕願望。」ANSONBEAN聽到後表示十分同意：「頭先都己經同佢（Jaime）驚嘆咗好多次，真係未見過商場有旋轉木馬，聖誕過嚟影相打卡真係啱晒！仲有人生四格照相館，可以留低同另一半或者朋友嘅珍貴回憶，希望大家可以一齊支持吓！」二人續指十分高興能獲邀參與活動：「呢段時間大家都忙，所以好開心今次商場邀請一齊出席活動，都叫做一齊提早迎接聖誕節！」
ELEMENTS 圓方金區中庭內設有「TAKE A CHRISTMAS SNAP」照相館，到訪聖誕遊樂園之際，跟摯愛及親朋好友一同拍下趣味鬼馬的瞬間，留下今年聖誕專屬回憶。
兩位亦藉機鼓勵現場人士記得要趁住聖誕帶同另一半和小朋友來ELEMENTS圓方來一場甜蜜約會。
至於被問到是否有計劃如何度過聖誕佳節，Jaime就指為自己安排了「重要任務」：「就係斷捨離！每近年尾就好想留喺屋企，最好嘅活動就係執屋！同埋都想多啲時間陪屋企人、見吓外國返嚟嘅朋友。」ANSONBEAN就指自己未有特別計劃，但就會趁放假捉埋Jaime來ELEMENTS圓方睇戲二人世界。男方亦首度透露來年的工作計劃：「除咗固定嘅音樂工作，同時間嚟緊下年年頭會有部喜劇（集）播出街，同埋之前拍嘅動作戲都會即將喺下年上映，所以過咗2024年都會有好多刺激嘢發生，大家可以期待吓！」至於身為人氣唱作女團Beanies一份子的Jaime除了團隊工作，亦積極活躍於個人發展，最近推出全新音樂作品《唯獨我是不可取替》的她就希望大家可以多多支持：「由搵靈感、創作到推出已經用咗好長時間，嚟緊都會同朋友合作出一首聖誕歌，希望大家鍾意。」最後兩位亦藉機鼓勵現場人士記得要趁住聖誕帶同另一半和小朋友來ELEMENTS圓方來一場甜蜜約會，除了體驗今次以夢幻遊樂園為主題的特色裝置之外，亦可潮玩場內的「TAKE A CHRISTMAS SNAP」照相館，與摯愛親朋留下愉快回憶。
在外國讀書的Jaime指一向喜歡充滿節日氣氛的聖誕節。
