「聲夢四小花」合體！
TVB歌唱節目《聲夢傳奇》三料冠軍炎明熹（Gigi），近日與姚焯菲（Chantel）、鍾柔美（Yumi）和詹天文（Windy）密密接廣告、商演又拍劇，非常忙綠。日前拍竣主演劇《青春本我》後，四小花趁不用開工即相約到商場玩吓、輕鬆一吓。甫上到7樓空中花園，看到現場以炫目耀眼的聖誕裝置，打造出充滿浪漫氣息的「紫色空中花園」，平均年齡僅得15歲的她們即少女心大爆發，興奮到齊齊「嘩嘩」聲驚嘆！眾人率先跑到逾5米高的巨型聖誕扭蛋樹前打卡，童星出身的Yumi舞台經驗十足，面對鏡頭秒速「超模」上身，連環擺出多個靚Pose，之後又親自操刀幫大家影相，仲化身「小導師」教Windy擺出顯瘦及長腿Pose。
點擊看圖輯
左起：姚焯菲（Chantel）、炎明熹（Gigi）、鍾柔美（Yumi）、詹天文（Windy）
左起：姚焯菲（Chantel）、炎明熹（Gigi）、鍾柔美（Yumi）、詹天文（Windy）
Chantel表現雀躍，盡顯可愛少女味！
一向行型格路線的Gigi則表示，最愛掛滿紫色燈飾的20米長光影隧道，皆因充滿神祕感又帶點夢幻，戀愛零經驗的她說：「呢度最啱情侶打卡，雖然我仲未搵到男朋友，但好在有3個『聲夢』姊妹陪伴，仲幫我影咗好多靚相𠻹。」至於人稱「國民初戀」的Chantel，抱著「『紫』想同你過聖誕」霓虹燈牌，甜美笑容散發出陣陣「仙氣」；得悉現場設有DIY夢幻糖果吧，為食的她更即嚷着要夾糖，Chantel解釋：「我想整嚟聖誕送畀朋友啫，相信見到咁多色彩繽紛嘅糖果，加埋我設計嘅包裝，收到嘅人都會特別開心！」
Gigi 同Chantel不停打卡！
Gigi最愛掛滿紫色燈飾的長光影隧道。
由今個周末至2022年1月9日，慈雲山中心將呈獻「『紫』想同你過聖誕」主題活動，商場的7樓空中花園搖身一變成為紫色夢幻空中花園，逾5米高的巨型聖誕扭蛋樹及逾20米長的光影隧道，締造浪漫氛圍，配以充滿聖誕祝福語的霓虹燈牌，打卡一流！還有一連串「『紫』想同你過聖誕」主題活動，讓大家留下溫馨的心甜回憶！
Yumi同Windy即場DIY糖果！
Yumi面對鏡頭「超模」上身。
TVB處境劇《愛．回家之開心速遞》昨晚（4月29日）播出一集的《給我一口水》，劇情講述熊家所住大廈因爆食水喉暫停供水，眾人逼於無奈下到街喉取水；由於起初是由朱凌凌（吳偉豪飾）及艾頓莊（焦浩軒飾）負責取水，「坐享其成」的風少（陳浚霆飾）遂盡情「揮霍」食水，受到眾人指責的風少，及後更被爆出大堆浪費食水壞習慣！為挽聲譽，風少打賭在未恢復供應食水前，每天自己取水之餘更不會使用超過兩桶水，豈料方才下了戰書，大廈管理員便宣布延長停水供應多7天；人算不如天算的風少，最終經歷了超過七日的「限水期」，莫講話未能每天沖涼洗頭，就連口渴想飲啖水也變成奢侈，遂令他終極明白到珍惜食水的重要性…
《愛．回家》重現香港1963年制水苦況。
《愛．回家》重現香港1963年制水苦況。
《愛．回家》重現香港1963年制水苦況。
《愛．回家》重現香港1963年制水苦況。
《愛．回家》重現香港1963年制水苦況。
風少原本係「嘥水怪」。
但當經歷過制水嘅痛苦，佢即刻學識咗珍惜食水嘅真理。
但當經歷過制水嘅痛苦，佢即刻學識咗珍惜食水嘅真理。
但當經歷過制水嘅痛苦，佢即刻學識咗珍惜食水嘅真理。
為了突顯食水得來不易，劇集重現香港1963年的經典制水情況，四日供水一次之餘、每次更只供水四小時！劇中「回到1963」的呂慧儀、滕麗名、姚焯菲Chantel、古佩玲、莊思明等各出奇謀爭水，雖然只是短短的場口，但愛扮鬼扮馬的《愛．回家》演員仍認真地變裝上陣，呂慧儀的孭仔師奶Look、阿滕的馬姐Look抑或Chantel的旗袍學生Look均相當靚女又搶鏡，加上眾人的「懷舊演技」，為場口增添不少喜感。
每次《愛．回家》有「造型」場口都係話題十足。
每次《愛．回家》有「造型」場口都係話題十足。
每次《愛．回家》有「造型」場口都係話題十足。
每次《愛．回家》有「造型」場口都係話題十足。
Chantel年紀少少自然沒有經歷過1963的制水苦況，她接受TVB.COM訪問時，透露因自小父母已教她要惜水，所以她絕不隨便浪費：「無論我沖涼或者洗手都唔會開大個水喉，呢個世界有好多人需要用水。」
每次《愛．回家》有「造型」場口都係話題十足。
每次《愛．回家》有「造型」場口都係話題十足。
至於經歷過1963年旱災的劉丹及羅樂林，接受TVB.COM訪問時談到這段往事時異口同聲表示要「珍惜食水」，劉丹透露當時每家每戶都會放置兩個大桶裝水，並謂當時住得較高的街坊取水相對困難：「我當時住嘅樓層唔高，水嘅源頭就猛啲，所以一有水嗰日，一開水喉好快就可以裝滿水。但住唐樓嘅街坊，因為大家一齊開水（啲水）會唔夠力，令到住樓上嘅水壓升唔到上去， 所以好多時就會大叫『樓下閂水喉』， 因為要閂咗個水喉先可谷到個水壓，如果唔係4日都接唔到水，就好陰功。」
劉丹
劉丹對於當年到街喉排隊取水場面，至今仍歷歷在目，並謂經常出現插隊打架情況：「啲人一知道有水車嚟 ，就會擺晒啲桶喺度，但又要搵人睇住，有時就會搵啲小朋友睇；當大人返到嚟個小朋友就喺度喊，個桶又唔見咗，因為有啲衰人會蝦啲小朋友；又有人會踢開其他人嘅桶，所以好多時會打交收場，後尾要警方派人睇住先有改善。又有時啲男人返晒工，得番婦孺喺屋企，見到佢哋挽住兩桶水又要拖住啲細路，落樓下擔水再上番樓，嗰種痛苦真係好慘。」劉丹坦言當時用每滴水都「諗過度過」：「有時天氣熱，但邊有咁多水可以沖涼，所以就拎一盤水嚟抹身，嗰盤水抹完都變晒色。洗米亦唔會話洗幾次，嗰時只係洗一次就算，再留番啲水嚟抹嘢。」劉丹又謂自小已教導子女和孫女要節約用水：「就算依家有東江水，都係得來不易，唔係用之不盡。」
劉丹
羅樂林則最難忘當年排隊攞水及節約用水的日子：「每一殼水都會盡量用盡佢，例如諗吓洗完面或沖完涼嘅水可以用嚟淋邊度，會計清計楚，唔可以一用完就倒咗去。就算依家有東江水亦嚟得不易，都要經歷好多嘢先可以送到嚟香港。其實唔單止用水，大家要記得任何嘢都係唔容易， 要學識唔好浪費。」
