Gigi「閃現」為師弟妹打氣
《聲夢傳奇2》昨晚（11日）首播，上屆畢業生炎明熹、姚焯菲、鍾柔美、詹天文、張馳豪及何晉樂，與今季共23名學員攜手演出開場長約六分鐘的一鏡到底歌舞《波希米亞狂想曲》，其中「閃現」的Gigi、更是百忙中抽空為師弟妹打氣，相當有心。
點擊看圖輯
Gigi閃現撐師弟師妹。
Yumi帶領一班師妹跳勁舞。
XiX獻唱《命硬》，經舒文指導後，XiX即時感情大躍進。
陷入興奮指導狀態的舒文，更一度仆倒，好彩無大礙。
Sabrina年紀細細、但感染力驚人。
Jasmine獻唱《一加一》時原本冇乜表情。
Johnny Yim提佢要笑之餘，再建議佢升多個Key。
Jasmine都有喊，不過佢極力否認，仲話只係對眼喺度流汗，好搞笑好可愛。
「折骨Ben」趙祥誠嘅妹妹Maggie獻唱《呼吸有害》顯得很緊張。
Nicole因自覺表現失準哭成淚人，森美見到都忍唔住再三安慰。
16歲Jasmine有Chantel甜美影子 靠升Key脫胎換骨
Gigi閃現撐師弟師妹。
Yumi帶領一班師妹跳勁舞。
之後，一眾學員分成四組「拜會」評審舒文、張佳添、陳潔靈及音樂總監Johnny Yim。已有《聲夢JUNIOR》參賽經驗的六人組合XiX表演唱側田的《命硬》，他們選擇以Acapella模式獻唱，可惜卻遭出名要求高的舒文狠批：「我唔係嚟聽音準，而係你點令首歌感動到人。隻歌講咩？全世界都反對吖嘛，呢個位要係好唔服嘅。」經指導後，XiX果真小宇宙大爆發唱出「不服輸」的不甘情緒，舒文更因過份投入仆倒。
XiX獻唱《命硬》，經舒文指導後，XiX即時感情大躍進。
陷入興奮指導狀態的舒文，更一度仆倒，好彩無大礙。
Sabrina年紀細細、但感染力驚人。
除了舒文，Johnny Yim亦成功將學員點石成金，事緣3歲已開始學唱古典歌曲、今年16歲的任暟晴（Jasmine），獻唱《一加一》時未知是否過份緊張，竟像機械人般零感情，Johnny Yim忍不住批評：「我見你唔笑，我覺得好似冇乜希望咁。」Johnny Yim建議Jasmine笑住升Key再試唱，成功令Jasmine脫胎換骨，並吸引網民留言讚好，笑指Jasmine有師姐Chantel甜美影子，並大讚她有冠軍相。
Jasmine獻唱《一加一》時原本冇乜表情。
Johnny Yim提佢要笑之餘，再建議佢升多個Key。
Jasmine都有喊，不過佢極力否認，仲話只係對眼喺度流汗，好搞笑好可愛。
雖然本集只是讓學員「初試啼聲」熱身，還未進入比賽階段，但已出現不少「緊張大師」及喊包。開播前已備受關注的「折骨Ben」（趙祥誠）妹妹趙頌宜（Maggie），雖然聲線獨特吸引，但由於太緊張，表現生硬兼數度忘詞，遭張佳添狠批「一碌木」兼「沒有存在感」，但看得出Maggie有實力的張佳添，還是以爛Gag打圓場謂：「你緊張就等於一個男仔終於成功約咗一個女仔食燭光晚餐，諗住好豪、好型咁請食飯，點知發覺唔記得帶銀包。」淚灑情況最嚴重的、則是Johnny Yim組別，獻唱《Over The Rainbow》的蕭呈謙（Nicole），因表現不似預期失望爆喊，更由錄影廠喊到出走廊，令見慣大場面的森美亦嚇一跳，柔聲予以安慰，獲網民大讚「暖男」。Jasmine則因被Johnny Yim指最有機會早出局淚灑當場，但未知是否害羞，Jasmine一再否認落淚，並指自己只是「眼睛流汗」，讓森美及不少網民笑破肚皮。
「折骨Ben」趙祥誠嘅妹妹Maggie獻唱《呼吸有害》顯得很緊張。
Nicole因自覺表現失準哭成淚人，森美見到都忍唔住再三安慰。
16歲Jasmine有Chantel甜美影子 靠升Key脫胎換骨
