Sally笑言要還原經典舞蹈動作其實係考起佢!
欣逢香港回歸25年及TVB 55周年台慶,無綫電視(TVB)獲芒果TV邀請協製《聲生不息》,一同為25年回歸添上音樂色彩;召集香港及內地殿堂級歌手與新生代唱將,重新演繹港樂經典並予以推廣,打造港樂時代唱片。
![首輪1人獨唱PK,係由Sally對李玟。](https://image.bastillepost.com/1024x/wp-content/uploads/hongkong/2022/07/20220703_EN_聲生不息_11-1024x580.png.webp)
首輪1人獨唱PK,係由Sally對李玟。
![李玟演唱《愛的根源》,佢話首歌代表住佢媽咪同已離世爸爸嘅愛情故事。](https://image.bastillepost.com/1024x/wp-content/uploads/hongkong/2022/07/20220703_EN_聲生不息_12-1024x580.png.webp)
李玟演唱《愛的根源》,佢話首歌代表住佢媽咪同已離世爸爸嘅愛情故事。
![李玟話同時亦代表住爸爸一直喺天上面照亮住佢。](https://image.bastillepost.com/1024x/wp-content/uploads/hongkong/2022/07/20220703_EN_聲生不息_13-1024x580.png.webp)
李玟話同時亦代表住爸爸一直喺天上面照亮住佢。
![呢句歌詞,李玟話正正代表到佢爸爸同媽媽嘅愛情。](https://image.bastillepost.com/1024x/wp-content/uploads/hongkong/2022/07/20220703_EN_聲生不息_14-1024x580.png.webp)
呢句歌詞,李玟話正正代表到佢爸爸同媽媽嘅愛情。
於今晚(3日)八點半翡翠台播放的2小時香港版《聲生不息》,主題為「勁歌金曲衝刺夜」,千嬅與克勤隊將分四輪PK演唱《十大勁歌金曲頒獎典禮》得獎金曲,4輪分別為1人獨唱、2人合唱X2 及3人合唱,歌曲名單為:葉蒨文(Sally)《瀟灑走一回》VS李玟《愛的根源》;周筆暢(筆筆)、安崎《醒醒》VS林曉峰、馬賽克樂隊《朋友》;林子祥、單依純《千億個夜晚》VS楊千嬅、毛不易《可惜我是水瓶座》;曾比特、炎明熹、劉惜君《失戀》VS李克勤、李健、魔動閃霸《雨夜的浪漫》+《護花使者》, 本集勝出一方方可於最後一集的「金曲盛典」中全員上陣。
![葉蒨文唱番自己嘅首本名曲《瀟灑走一回》,佢話首歌到依家都依然可以四周圍咁聽到,佢覺得好感恩。](https://image.bastillepost.com/716x/wp-content/uploads/hongkong/2022/07/20220703_EN_聲生不息_16-716x1024.jpg.webp)
葉蒨文唱番自己嘅首本名曲《瀟灑走一回》,佢話首歌到依家都依然可以四周圍咁聽到,佢覺得好感恩。
![Sally笑言要還原經典舞蹈動作其實係考起佢,仲賣萌指指自己嘅白髮,可愛!](https://image.bastillepost.com/1024x/wp-content/uploads/hongkong/2022/07/20220703_EN_聲生不息_17-1024x576.png.webp)
Sally笑言要還原經典舞蹈動作其實係考起佢,仲賣萌指指自己嘅白髮,可愛!
![第2輪2人合唱PK,係由林曉峰+馬賽克樂隊 VS 周筆暢+安崎](https://image.bastillepost.com/1024x/wp-content/uploads/hongkong/2022/07/20220703_EN_聲生不息_18-1024x574.png.webp)
第2輪2人合唱PK,係由林曉峰+馬賽克樂隊 VS 周筆暢+安崎
![《醒醒》係憶蓮嘅經典快歌之一,筆筆話佢之所以揀呢隻歌,係想向喺跳唱方面別具代表性嘅憶蓮、同埋作曲嘅倫永亮先生致敬。](https://image.bastillepost.com/1024x/wp-content/uploads/hongkong/2022/07/20220703_EN_聲生不息_19-1024x574.png.webp)
《醒醒》係憶蓮嘅經典快歌之一,筆筆話佢之所以揀呢隻歌,係想向喺跳唱方面別具代表性嘅憶蓮、同埋作曲嘅倫永亮先生致敬。
![許願話憶蓮確係帶領咗女歌手跳唱風潮嘅代表人物。](https://image.bastillepost.com/1024x/wp-content/uploads/hongkong/2022/07/20220703_EN_聲生不息_111-1024x583.png.webp)
許願話憶蓮確係帶領咗女歌手跳唱風潮嘅代表人物。
是集首輪PK相當精彩,60歲的Sally演唱的《瀟灑》還原經典,除了有鮮紅色布幕作背景,Sally更還原了歌曲的經典舞蹈動作。Sally事後笑言是「被逼」:「導演打來要求說:『不做動作很可惜』,我回他:『你搞不清楚我頭髮都白了嗎?(動作)都忘記了。』」Sally又透露曾為《瀟灑》改編了好幾個版本,但今次決定選唱原版:「我想向番原本嘅編曲致敬,多謝佢行得咁前!呢排網絡好多人依然用緊隻歌嚟做廣場舞或者劇集歌,好開心可以跨年代依然有人記得首歌。我希望有一日我離開地球之前,望番轉頭會係行咗好瀟灑嘅一生。」克勤亦大讚《瀟灑》百聽不厭:「前奏一嚟,加上動作簡直係絕殺,好彩我今日唔使同Sally對。 」
![筆筆同安崎綵排片段,筆筆仲教安崎點樣可以飆高音。](https://image.bastillepost.com/1024x/wp-content/uploads/hongkong/2022/07/20220703_EN_聲生不息_112-1024x583.png.webp)
筆筆同安崎綵排片段,筆筆仲教安崎點樣可以飆高音。
![真性情!](https://image.bastillepost.com/1024x/wp-content/uploads/hongkong/2022/07/20220703_EN_聲生不息_113-1024x583.png.webp)
真性情!
![官方照已經好型!](https://image.bastillepost.com/705x/wp-content/uploads/hongkong/2022/07/20220703_EN_聲生不息_114-705x1024.jpg.webp)
官方照已經好型!
![睇埋成條片仲型,台風無得頂,仲有埋向米高積遜致敬嘅舞步。](https://image.bastillepost.com/1024x/wp-content/uploads/hongkong/2022/07/20220703_EN_聲生不息_115-1024x578.png.webp)
睇埋成條片仲型,台風無得頂,仲有埋向米高積遜致敬嘅舞步。
李玟選唱的《愛的根源》則暗藏洋蔥,原來是李媽媽親自要求愛女選唱,李玟又補充指《愛的》還代表了父母的愛情故事:「我爸爸喺我出世前已經過身,但我覺得佢哋嘅愛仲喺心入面。我媽媽有間房畀爸爸,爸爸嘅骨灰擺喺屋企,媽咪每隔幾日就會買新鮮嘅花畀爸爸,同埋同爸爸講嘢。媽媽成日話爸爸雖然唔喺度,但你望向天最大粒嘅星星就係你爸爸……呢首歌亦代表住我爸爸一直照亮住我。」
第二輪的PK則是動感VS感動!向來揀歌別具心思的筆筆,選唱90年代林憶蓮經典金曲《醒醒》,夥拍安崎齊齊以中性+Sexy的型格打扮舞動全場,藉此向憶蓮致敬,筆筆說:「九十年代很多勁歌熱舞歌曲,我揀《醒醒》係因為佢係本地音樂人寫嘅歌,屬於當時大家覺得相當前衛嘅林憶蓮。」雖然筆筆抱病上陣,但依然勁度十足,與安崎齊向米高積遜致敬的舞步吸睛非常。筆筆綵排時有教授安崎如何飊高音,獲安崎大讚是好拍檔:「她讓我變得更好。」至於克勤隊則大玩感動牌,除了全員上台力撐林曉峰及馬賽克樂隊外,克勤更建議在舞台播放眾人昔日的溫馨互動片段,以帶出「好朋友」及「團結」感覺。
![睇吓Mike同Gigi睇到咁High,就知現場氣氛有幾咁熱熾。](https://image.bastillepost.com/1024x/wp-content/uploads/hongkong/2022/07/20220703_EN_聲生不息_116-1024x578.png.webp)
睇吓Mike同Gigi睇到咁High,就知現場氣氛有幾咁熱熾。
![安崎個眼神不得了。](https://image.bastillepost.com/1024x/wp-content/uploads/hongkong/2022/07/20220703_EN_聲生不息_117-1024x578.png.webp)
安崎個眼神不得了。
![李克勤同李玟上台幫林曉峰同馬賽克樂隊和音。](https://image.bastillepost.com/1024x/wp-content/uploads/hongkong/2022/07/20220703_EN_聲生不息_118-1024x578.png.webp)
李克勤同李玟上台幫林曉峰同馬賽克樂隊和音。