中年好聲音2｜古淖文譚輝智慶祝要獲食熱氣嘢 顏米羔冇賄選風波影表現

再一次恭喜三位！

TVB選秀節目《中年好聲音2》圓滿結束，最終由古淖文奪得冠軍，譚輝智、顏米羔則分別得到亞軍及季軍。古淖文對奪冠表示仍未接受到，更表示見到評判紛紛給予的20分，「我真係抖唔到氣㗎嗰一刻」，眼淚更幾乎落下，而當刻腦中亦一片空白，只在想：「吓？真係我咩？」，所以非常感恩。

譚輝智、古淖文、顏米羔（本網記者攝）

本網記者攝

提到當年在《亞洲星光大道》落敗，古淖文表示：「其實和今次諗過要贏定係輸嘅，因為我由108強開始，希望嘅只有一路一路去唱，咁我去到聽到自己係三甲嘅時候：嘩！爽啦，可以唱英文歌啦，可以真係係個台度做自己咁樣唱一首歌，做一次，咁唱完之後和我好爽，即係腎上腺爆登嗰啲咁樣，然之後就唔理冠亞季㗎啦， 唱咗我已經好興奮。」

本網記者攝

古淖文、周吉佩（本網記者攝）

譚輝智對於得到亞軍亦好開心，坦言比賽過程很漫長，到唱到最後一首時就覺得有些感動。問到對他來說跳舞是否一大難題，譚輝智表示：「跳舞其實係難嘅對我嚟講本身，但係如果多啲練習都係有可能㗎。」而他對自己快歌環節的表現都很滿意，笑着跳不是在笑自己，而且特登，「我無理由苦瓜乾咁跳。」

本網記者攝

譚輝智與爸爸（本網記者攝）

至於季軍顏米羔對自己殺入三甲表示：「興奮到爆！」他表示本身只希望爭取晉約再多唱一首歌，所以最感動不是得到的名次，而是公布三甲的一刻，因為可以多唱一首歌。提到黃劍文本身是票選三甲，但最終卻是他躋身三甲，顏米羔坦言不太理解計分方法，而當刻腦中亦一片空白，所以只是聽宣布，亦不擔心不能躋身三甲，因為當時分數仍未公布。

本網記者攝

問到三人會甚樣慶祝？古淖文馬上回答：「梗係食薯片啦、炸嘢啦、辣嘢啦，全部隊晒落口。」一直表現比較文靜的譚輝智都斬釘截鐵地說：「一樣！同上......我要食炸嘢，炸爆佢！」而顏米羔就表示想舒服地食一餐邊爐。

本網記者攝

提到早前有粉絲作出利誘拉票，顏米羔直言事件並沒有影響他，「上得台就唔諗呢啲嘢啦，上台係對觀眾、聽眾嘅負責，我自己個人嘅嘢唔關個演出事。」他亦表示自己干擾不到投票結果，比賽對他來說是歌手和評判。

古淖文與顏米羔好老友。（本網記者攝）

問到之後的發展，古淖文表示會以唱歌為主，有機會都會再做主持，亦打算長駐香港；本身做幕後製作的顏米羔亦打算往幕前發展；至於譚輝智則表示想先休息一下，之後再作打算。

本網記者攝

《ZONE D FUNtas4ic 音樂會》於麥花臣場館圓滿完成

由《中年好聲音2》的顏米羔、劉威煌、梁浩賢和甘永傑一起參與的《ZONE D FUNtas4ic 音樂會》昨晚(16日) 於麥花臣場館圓滿完成，台下星光熠熠，包括蔡卓妍 (阿Sa)、譚俊彥、丁子高、周國豐、張佳添、「中2生」譚輝智、陳譽文 (陳燕娜)、陳芊芸(陳蒨葶)、林思彤 (林若盈)、王玥、陳俞霏等，非常熱鬧。四子先以包括多首黎明快歌的 90 年代廣東歌 Dance Medley 炒熱全場氣氛，觀眾即時站起來陪他們又唱又跳。

中年好聲音2》的顏米羔、劉威煌、梁浩賢和甘永傑一起參與的《ZONE D FUNtas4ic 音樂會》

譚俊彥

台下星光熠熠

阿sa

四子先以包括多首黎明快歌的 90 年代廣東歌 Dance Medley 炒熱全場氣氛

之後便是他們四子各自的獨唱時間，劉威煌唱出「2001太空漫遊」、「 哪裡只得我共你」、「擦身情緣」和他自己的個人歌曲 Time；接着的梁浩賢先唱出他 01 年時的華星出道作「含蓄」，緊接的是「重新長大」、「你的男人」、「致明日的舞」，演繹「燕尾蝶」時劉威煌更和他一起合唱； 甘永傑則以一段夫子自道的棟篤唱去介紹自己，他先問大家會否知道他的花名是什麼？「那就係《乜水》，因為很多人經常在留言板上話我係《乜水》，我係參加「全球華人新秀歌曲大賽」後， 曾花了一段時間係娛樂圈工作，拍過廣告又係電影中客串，但風頭只係「一時」，但「無兩」，雖然係《中年好聲音2》嘅比賽中冇贏到任何獎項，但就贏咗今晚呢個演出機會。」；顏米羔在特設的燈光效果下先唱出「你的答案」、「娛樂人生」、「我的歌」，而最後他唱出名為「一首歌」的作品是米羔於樂隊時期的創作，首次在公開場合演繹。天氣點啊？thank之後又回復四子合體演出，有感性的「幸福之歌」，充滿動感的「龍珠二世」和「愛情當入樽」，他們唱「叮噹」時更走到台下和觀眾握手合照，接着四人各自說了一段非常感性的內心話，最後以一曲「我們」為全晚演出畫上完美句號。

顏米羔

甘永傑

劉威煌

最後以一曲「我們」為全晚演出畫上完美句號。

在接受媒體訪問時甘永傑說：「我13、4 歲嗰陣已經認識阿 Sa ，佢係我同學個朋友嘅同學，我返嚟參加《新秀》時，佢畀咗好多意見我，同埋其實我冇近視，都係佢叫我戴眼鏡畀啲造型大家睇，多謝佢為我改機票，其實佢今晚要飛，但怕個
騷睇得夜，又唔想咁趕，所以索性改第日嘅早機走。仲有要多謝丁生(丁子高)，係佢逼我參加《中2》比賽，否則我都唔會有機會做到呢個 show。」而梁浩然表示和譚俊彥一齊成長，一起度過人生高山低谷，他說：「我見證佢攞視帝，今晚我開騷佢梗係要嚟捧場。」劉威煌希望可以再開Part 2 ：「今次音樂會和一班兄弟玩，所以玩得特別開心，至於可會集合更多人齊開騷？」威煌笑言：「咁大家係個騷講嘢都講半日，唱歌都要唱8個鐘。」米羔則說：「今晚我們玩得開心，觀眾看得開心，真的很多謝大家入場對我們的支持。」

合照

完滿結束