張松枝後生時都好靚仔。
曾是TVB「綠葉王」張松枝近日轉型做YouTuber，聯同「泰臣」（翟凱泰）、羅雲龍師傅開Youtube Channel「男團澡堂」，並於首集分享入行經過，全集氣氛輕鬆。
張松枝參演不少TVB電視劇
轉攻YouTube 界
現年55歲、有「港版孔劉」之稱的張松枝自認年輕時係一名靚仔，坦言自細已經想做演員，張松枝表示：「我做model先，首先都要照吓塊鏡，真係有潛質喎！上吓個榜又幾標準喎！身材又唔錯喎！」之後16歲的張松枝到石澳游水後在酒樓用餐時，旁邊有廣告團隊派了張卡片給他，叫他去試鏡，就這樣就入行開始拍廣告，每次收3、400元。
後來到卡拉OK開始蓬勃時就接拍MV，他指﹕「淨係拍新歌，拍返廿年前嘅歌，要好多人去拍」，而他更指自己是御用MV演員，更大爆拍MV大部分時間都是自備衣服。張松枝透露20歲時已經成功賺到第一桶金：「係呀！嗰種虛榮感出咗嚟，因為出到街有人認到你，適逢過年擺年宵，我擺啲氣球，真係賣晒，原來名氣係咁梗要。」
之後張松枝就入了TVB新部門，「我入咗TVB第一個MV就係同陳慧琳拍《對你太在乎》，好多觀眾知。」而早前張松枝重遇陳慧琳，廿年後二人再合照，不少網民都大讚他們凍齡！
曾是御用MV男星
張松枝再分享與陳慧琳20年後的合照
View this post on Instagram
