楊洛婷孖餅印媽媽賣廣告 母女比堅尼上陣熱舞

楊媽媽好青春。

前港姐亞軍楊洛婷，2014年與Dear Jane主音黃天翱Tim結婚誕下一對子女後，仍然非常活躍於主持工作，更不時接廣告賺錢兼大晒好身材，今日（4日）楊洛婷在IG貼上修身廣告，仲孖住媽咪著比堅尼跳舞。

楊洛婷主力接主持工作

身材火辣的她是不少美容廣告商的寵兒

42歲的楊洛婷雖已為人母，但身材仍然火辣，原來靚樣同好身材均遺傳自楊媽媽。廣告影片中，見二人穿上相同服裝，包括火辣紅色比堅尼上衣及牛仔熱褲、黑仔緊身運動裝及白色長裙，同一時間跳出一模一樣的舞步，雖然舞姿有點古怪，但焦點卻落在年過60歲的楊媽媽身上，因她樣子十分年輕，身材亦保養得非常好，與楊洛婷似足兩姊妹。

孖年過60歲的媽媽賣廣告

楊媽媽身材保持得好好

著比堅尼晒古怪舞姿

楊洛婷同媽媽餅印一樣

楊媽媽好玩得

原來係賣緊母親節優惠

網民都留言大讚：「嘩！真係似兩姊妹」、「媽媽也太年輕和太好身材了吧！」、「伯母好玩得」、「好難得有阿媽肯陪你癲」、「媽媽好勁呀！好青春啊」！

兩人大放閃光彈

楊洛婷（Rabeea）與Dear Jane主音黃天翱（Tim）於2014年結婚，今年是他們結婚10周年，早前兩人一同到巴黎拍攝寫真慶祝，日前洛婷再晒出在香港登上傳統中式帆船「張保仔號」，兩人大放閃光彈。

一家四口

與老公好恩愛

楊洛婷透露這艘張保仔號對他們而言別具意義，因為在18年前二人在此相識：「老公，結婚10周年快樂!十年前今日，我哋講咗『I do』  ，但其實我哋嘅愛情故事喺更早之前就已經開始咗。一切都係18年前，我第一次擔任司儀，喺『張保仔號』」開幕活動上緊張到不得了。我記得，嗰陣我喺幾百人面前心跳得好快，突然見到你嘅熟悉面孔。你嘅溫暖笑容同平靜令我覺得安心，你仲不斷同我傾計，令我放鬆咗好多。我哋跳咗一陣舞，仲交換咗MSN。」

楊洛婷與老公慶祝結婚10周年

拍攝靚相

分享兩人愛情故事

與老公深情對望

這艘張保仔號對他們而言別具意義

二人在此相識

兩人共同分享歡樂

望餘生繼續有對方相伴

她續指：「我哋嘅生活就咁交織埋一齊，超出我想像。後來我聽到你朋友講，原來你喺2003年香港小姐比賽時就已經留意到我! 每一日都係我哋故事嘅新篇章，愛同挑戰令每一刻都更加珍貴。」最後洛婷表白老公在其人生佔有好重要的地位，希望餘生繼續有對方相伴：「估唔到我哋嘅愛係由『張保仔號』啟航開始，走到今日我真係非常感恩。已經共度咗近半生，你喺我人生中佔有好重要嘅地位，希望『永遠共你去抱緊』，同你一齊走得更遠！Love you! 」