王菀之音樂會帶給歌迷零距離震憾體驗 歌迷跪求這個騷必需出碟紀念

歌曲重編經一班音樂人一齊演奏 ，王菀之坦言震憾到自己也想哭

《The Heart Canvas》Exhibition Concert 昨晚於西九文化區，自由空間大盒劇場展開，共演8場。觀眾幾乎是零距離觀看音樂會，巨形T字舞台及3D大營幕，還有超級樂手之演出，粒粒音符都直打現場每位觀眾心裡， 給予大家非一般音樂會的另一種震憾及體驗。

《The Heart Canvas》Exhibition Concert 於西九文化區，自由空間大盒劇場展開，共演8場。

觀眾幾乎是零距離觀看音樂會，巨形T字舞台及3D大營幕，還有超級樂手之演出

粒粒音符都直打現場每位觀眾心裡， 給予大家非一般音樂會的另一種震憾及體驗。

舞台上 Ivana表示，「好多謝大家出席我演出，咁多年出席我嘅演出，同支持我音樂作品。肥波兔係代表我嘅內在小孩，每個人嘅內在小孩無論幾多歲都係到㗎。喺大家成長過程之中，你可能會迷失，好驚，或者不知所措點處理問題，或者會覺得好失望 ，但係內心小孩係好純靜，係原本嘅你， 佢一路發光，一路等待你之中，大家可以隨時call 佢出來 ，陪你行你想行嘅路 。 喺到祝福大家，想做嘅事都可以做得到，同我一樣，呢個旅程，有好多人陪伴，好多謝大家。」

歌迷不單可以零距離觀賞，亦變為演唱會的一部份

是次音樂會，分了兩部份，歌迷不單可以零距離觀賞，亦變為演唱會的一部份，更可以拿著飲品，與Ivana一齊chill。Ivana今次把演出曲目大部份重新編曲，整晚大家都被她的音樂感動及震憾，觀眾除了拍爛手掌還是拍爛手掌，亦有歌迷不時大叫「你好型啊」「好靚」「瘦左」，Ivana 就搞笑話，「我都覺得好型，哈哈。 好靚…我估係咪燈光效果好啊？好果燈光再暗啲我重靚，哈哈。」她又跟觀眾分享，跟一班音樂家聚一起，原來是好震憾同感動，「有一日總採排，我排排下真係想喊，因為佢地(現場樂手)彈得實在太好，自己都比自己音樂震憾到。」

大家都被她的音樂感動及震憾，觀眾除了拍爛手掌還是拍爛手掌，亦有歌迷不時大叫「你好型啊」「好靚」「瘦左」

更可以拿著飲品，與Ivana一齊chill。

騷後，Ivana直言自己的內心小孩是非常強大，一直帶領她完成今次音樂會的夢想，「今次8成歌曲都要重新編曲，得我一個....又要身兼多職，連剪片、藝術製作同裝置等等，都係自己搞埋，今次音樂會有種做學生交功課的感覺囉，每一日都好多人催我問交得未啊.... 但係過程都開心嘅....」昨晚重新編曲的《水百合》讓全場驚艷， Ivana指這個《水百合》這個版本是在京都旅行時編曲，工作人員第一次聽到她演出都大感震撼，提到有觀眾讚她瘦了，她就笑言，「其實係冇瘦，因為氣管問題，反而因為食藥導致最近反增了10多磅。」不少歌迷更留言希望她這個騷，一定要出碟，因為歌曲非常之好聽， Ivana就表示，完成之後七場演出，再決定。

Ivana直言自己的內心小孩是非常強大

一直帶領她完成今次音樂會的夢想

不少歌迷更留言希望她這個騷，一定要出碟，因為歌曲非常之好聽

Ivana就表示，完成之後七場演出，再決定。

太不想離開歌迷，或預演舞台造形服裝，演出當晚或不再換衫！

睽違11年王菀之終於宣佈，2025年2月22.23日踏上紅館舉行保誠保險呈獻《合體 – 王菀之演唱會2025》。優先訂購將於11月20日展開，公開發售日期為12月2日，歌迷撲飛要密切留意啦。 

睽違11年王菀之終於宣佈踏上紅館舉行保誠保險呈獻《合體 – 王菀之演唱會2025》

是次演唱會，名為《合體》， Ivana (王菀之)表示，這是入行20年的一個紀念騷，合體是二十年來的創作路上的合體，也是表演者與觀眾的合體，這個世界孤獨一人很難成就夢想，「諗呢個名個陣，我會諗到好多合體，機械人合體啦，自我世界的合體，一個人奮鬥路上，第一件事就係要同自己嘅內在小孩合體，再同身邊嘅人合體，再同世界合體，由小的力量變大力量！ 合體，一個交流，一個同理心都係合體，二十年來創作路上，我少不了歌迷的支持，我可以開一個演唱會唱嘅歌全部由自己作曲，好幸福，全因有大家嘅支持。 舞台上表演者沒有觀眾，也形成不到一個成功演出，所以今次邀請大家入場，再一次嚟同我合體，成就呢個二十年的紀念日。」

是次演唱會，名為《合體》

Ivana (王菀之)表示，這是入行20年的一個紀念騷，合體是二十年來的創作路上的合體，也是表演者與觀眾的合體

是次演唱會海報，不再在影樓拍攝，選景香港區某角落以非常純綷、直接、真實的呈現一個開心笑著的Ivana，「靈感係嚟自佢地覺得我最近愛上攝影，重要係鐘意左影黑白相，一個好簡單直接冇花巧嘅我。二十年來我都試過好多唔同造形，唔同角色呈現係觀眾面前，有唱歌嘅我，電影嘅我，舞台劇嘅我，或者卡通配音嘅我，全部合體其實就係一個簡簡單單，同大家一樣生活喺同一個城市入面嘅王菀之，同各dreamer 一齊努力奮鬥。依家咁多朋友仔鐘意打卡，我哋諗緊係咪玩個合體遊戲，你搵到我喺邊度影呢張海報，影番同一個位，IG上面tag返我，我或者送份禮物俾你。哈哈。」

是次演唱會海報，不再在影樓拍攝，選景香港區某角落

是次演唱會海報，不再在影樓拍攝，選景香港區某角落

呈現一個開心笑著的Ivana

呈現一個同大家一樣生活喺同一個城市入面嘅王菀之

今次演唱會， Ivana表示，自己即將會有非常多突破，「通常演唱會都會準備最少6-8套衫，由於我好想專注送好多歌同大家分享，咁珍貴兩個幾鐘，終於可以紅館見面，我唔想有一刻唔係同大家一齊，所以今次想突破唔換衫！如果喺演唱會之前，俾大家見晒啲衫，好唔好？入場之後就「合體」！  不如等歌迷揀啦，寧願我唱多幾首歌定係想我去換衫？哈哈。」

Ivana表示，自己即將會有非常多突破

而當務之急，Ivana謂第一件事要突破係團隊爭要佢唱咩歌嘅鬥爭，「原來我不經不覺創作左二百幾首歌。而好多歌都唔想放棄，好想唱。所以開左十次會都未揀到歌，依家一共50幾首係大家都唔想放棄，音樂總監就反問，咁係咪呢個不可抗力之下， 我地要提早喺六點就要開場，哈哈。」

Ivana謂第一件事要突破係團隊爭要佢唱咩歌嘅鬥爭