滕毅康在《公開試當真》宣傳期間被停止工作。
今年7月上映的電影紀錄片《公開試當真》男主角滕毅康(阿康),8月19日於觀塘裁判法院承認盜竊Donki超市合計近700元貨品,被判罰 3,000元,案情指滕在警誡下承認貪心犯案。
![《公開試當真》男主角滕毅康(左)盜竊被捕。](https://image.bastillepost.com/704x/wp-content/uploads/hongkong/2024/08/20240821_EN_Hong_source-web_1-e1724234270946.jpeg.webp)
《公開試當真》男主角滕毅康(左)盜竊被捕。
![滕毅康承認出於貪念盜竊。](https://image.bastillepost.com/704x/wp-content/uploads/hongkong/2024/08/20240821_EN_Hong_source-web_2-e1724234378930.jpeg.webp)
滕毅康承認出於貪念盜竊。
阿康是YouTube頻道「試當真」成員,早前電影上映期間,多次有人關注他為何缺席首映禮、謝票等場合,有傳他被雪藏。事反許賢回應傳媒查詢時,以阿康有些「私人問題」要先處理才會出來,在適當時候會交代。事後阿康也在IG公開交代事件,稱因為自己一時貪心犯下過錯,後悔莫及,他又向家人、公司及《公開試當真》團隊致歉。
![滕毅康在IG以黑圖向各界致歉:「因為自己一時貪心犯下過錯,後悔莫及。」](https://image.bastillepost.com/1170x/wp-content/uploads/hongkong/2024/08/20240821_EN_Hong_source-web_4-e1724234400855.jpeg.webp)
滕毅康在IG以黑圖向各界致歉:「因為自己一時貪心犯下過錯,後悔莫及。」
昨晚(20日)「試當真」也在IG回應事件:「因為事情牽涉阿康個人私隱,我哋冇權公開案情,否則變相由公司未審先判,亦唔應該左右法律程序上嘅決定,甚至影響判決。過程中我哋一直有同佢同家人溝通,並提供適當支援。至於公眾層面,亦喺得知消息後立時停止佢所有工作同宣傳。我哋亦有同電影相關單位緊密溝通,辛苦各位同事揹起額外嘅工作。經過認真考慮同討論,團隊上下都相信案件並冇違背或者推翻《公開試當真》所帶出嘅信息及思考。阿康今年19歲,身為成年人有責任對自己負責,咩理由都好,做咗就要承擔。至於佢值唔值得有改過嘅機會,就要靠佢自己爭取。多謝你哋,繼續陪我哋度過每次風浪。#公關試當真」
![「試當真」回應事件。](https://image.bastillepost.com/704x/wp-content/uploads/hongkong/2024/08/20240821_EN_Hong_source-web_5-e1724234517760.jpeg.webp)
「試當真」回應事件。
![](https://image.bastillepost.com/1200x/wp-content/uploads/hongkong/2024/08/20240821_EN_Hong_source-web_3.jpeg.webp)