一名屯門居民近日在社交平台發文，指自己陪同不適父親就醫時遭遇的士司機惡劣對待的經歷，引發網友熱烈討論！
指定地方落車遭拒 司機反嗆：白車都無咁快到啦！
該網民在Facebook專頁「屯門友」發帖，指日前上午得知年老的父親不適頭暈，於是趕忙叮囑家人叫救護車，同時趕忙坐的士從屯門龍門居到新圍苑以便陪同。據他描述，在接近目的地時，他禮貌請求司機駛入屋苑內部便於下車，卻遭司機斷然拒絕。司機不僅以「要兜大圈」為由推託，更反嗆「急咩呀！白車都無咁快到啦」。
示意圖。資料圖片
樓主嬲爆質疑司機無同理心
此話一出，立即激怒當事人，他表示：「我老豆見暈，可以唔急咩？」並質疑司機已是父輩之齡理應明白，「如果你有事，你啲仔女可以唔急咩？咁都唔叫急，個人死了先叫急呀？」，又指「你揸車入去點都快過我係迴旋處落車跑過去啦」。
FB圖片
網友批司機「無人性」
貼文發出後引發熱烈迴響，多數網友批評司機「毫無人性」、「言語惡毒」，認為在緊急情況下應體諒乘客需求。有網友建議樓主投訴司機，「個司機理得我咩原因，我唔想行，喺邊度落咪邊度落」、「影低佢行車證投訴佢」，亦有的士行家留言指「所以呢啲師兄累死大家畀人鬧，我通常都會一邊安撫乘客一邊盡量趕畀人⋯⋯大吉利是，人哋老豆有乜嘢事，你個心都唔舒服啦」。
示意圖。巴士的報記者攝
不是個個的士司機都這樣
不過也有網友分享正面經驗，表示曾遇過暖心司機，「司機全程都安慰我，所以睇人㗎啫，唔係個個司機都衰」、「我幸好遇過兩次好好的士司機，都係見老人家最後一面，一面安慰我唔好喊，一路開快少少，所以唔係個個司機都咁衰」。
示意圖。巴士的報記者攝
