蔡一傑身體不適缺席三藩市站巡唱 草蜢約定歌迷美國再見

雖然三缺一，但未有影響蔡一智與蘇志威的發揮，二人繼續出盡200%力盡情演唱！

香港殿堂級天團草蜢日前於美國三藩市舉行一連兩場「草蜢RE：GRASSHOPPER演唱會2024三藩市站」，全場座無虛席，氣氛High爆。雖然蔡一傑因身體不適未能參與今次演出，不過未有影響蔡一智與蘇志威的發揮，出盡200%力盡情演唱，贏盡觀眾掌聲更承諾草蜢將齊人與大家見面。阿智說：「雖然我哋三缺一，不過美國嘅朋友一樣咁支持我哋。相信傑仔知道咗一定舒服晒，等佢休養完，下次再返嚟美國同大家見面，到時一定會玩得更開心。」

團草蜢日前於美國三藩市舉行一連兩場「草蜢RE：GRASSHOPPER演唱會2024三藩市站」。

蔡一傑雖然因身體不適未能參與今次演出，但蔡一智與蘇志威依然出盡200%力盡情演唱。

演唱會以多首快歌揭開序幕，阿智與蘇老闆一口氣跳唱《好戲在後頭》、《華麗舞台》、《三分鐘放縱》、《紅唇的吻》、《今晚停了電》、《失戀》和《ABC》。全場觀眾拍手尖叫，在台下跟着音樂又唱又跳，氣氛高漲。二人唱《暫停．開始過》時更秉承草蜢演唱會「傳統」，與全場觀眾大玩人浪，非常開心。

蔡一智

蘇志威

二人一口氣跳唱出多人為人熟悉的歌曲。

演出去到尾聲，觀眾意猶未盡不斷大叫「Encore」，他們返回舞台感恩說：「就算我哋少咗一位成員，你哋都係咁支持我哋，我哋今晚竭盡所能、唱到最好，永遠愛着你。」最後獻唱梅艷芳經典作品《冰山大火》為演唱會劃上句號。

Encore時，二人獻唱梅艷芳經典作品《冰山大火》為演唱會劃上句號。

完騷後阿智與蘇老闆接受訪問，二人興奮表示：「感覺好正呀！」觀眾的熱情更令他們戰勝時差，阿智說：「原本我哋Jet Lag暈下暈下，但聽到佢哋啲掌聲同歡呼聲，即刻成個人精神晒，4倍能量返番嚟。好多謝大家支持我哋，就算少咗一位成員，佢哋嘅掌聲冇少到，將傑仔嗰份平均分畀我哋兩個。」他繼續大讚說：「第二場嘅氣氛更加Hot，好瘋狂。第一晚嘅觀眾斯文啲，冇玩到人浪，今日終於秉承到我哋玩人浪嘅文化，人浪聲仲要好大聲。」蘇老闆聲沙沙笑說：「你聽我把聲就知我出盡力，完全冇留力！」

蔡一智

蘇志威

阿智透露第二場的歌單加插了小驚喜，就是首唱梅艷芳的《冰山大火》。他說：「向我師傅梅艷芳致敬，知道好多美國朋友都好掛住佢，除咗《緋聞中的女人》，我哋仲揀咗呢隻，希望美國朋友永遠都記住阿梅啲經典歌。如果唔係場館有時間限制，我哋會係咁唱落去。」蘇老闆說：「唔緊要，我哋出年40周年喺香港見。三藩市嘅朋友，你哋應承咗過嚟探我哋！」

蔡一智

蘇志威

由於今次演出三缺一，阿智和蘇老闆到埗後便爭取時間綵排，未有外出遊覽。蘇老闆說：「到咗酒店就困自己喺房唔出去，養精蓄銳。始終三缺一，走位同埋啲歌要重新編排，一落機就喺酒店備戰，冇出過去，唯有落去跑步同健身。」阿智笑說：「去咗酒店房、酒店房廁所，我間房望出去風景好靚。」

由於今次三缺一，所以阿智和蘇老闆到埗後便爭取時間綵排，未有外出遊覽。

阿智指等傑仔休養完，下次再返嚟美國同大家見面，到時一定會玩得更開心。

網民表示：「誠意滿滿的一場演唱會，加起來170多歲的三個人，足足唱了170多分鐘！」

出道邁向40周年的香港殿堂級男團草蜢，上周末（8月17）在佛山國際體育文化演藝中心舉行「RE:GRASSHOPPER 草蜢演唱會2024佛山站」，全場爆滿。草蜢台上勁歌熱舞，觀眾就在台下跟住又唱又跳、玩人浪和大合唱，兩度encore，草蜢盡情演唱，蔡一傑（傑少）更解開衫鈕露出結實胸肌和腹肌，大派福利。

草蜢上周末在佛山國際體育文化演藝中心舉行「RE:GRASSHOPPER 草蜢演唱會2024佛山站」。

蔡一傑解開衫鈕露出結實胸肌和腹肌，大派福利。

好Fit啊！

觀眾完騷後意猶未盡，繼續網上洗版大讚：「誠意滿滿的一場演唱會，加起來170多歲的三個人，足足唱了170多分鐘」、「接近三小時的演出有三分二都是跳唱，體力扛扛的全程沒有太多talking，而且銜接得相當緊湊，讓觀眾真的可以沉浸式體驗草蜢的魅力」、「超級港樂風的一晚！近60的三個老”baby”真的太牛了」、「本年度看過最正的一場演唱會！」有觀眾更表示連三歲小朋友都跟住跳《好戲在後頭》、跟住唱「hey hey我陣容強大」，在旁的叔叔阿姨讚歎草蜢魔力，異口同聲期待明年草蜢40周年演唱會。

觀眾留言

觀眾留言

觀眾留言

觀眾留言

觀眾留言

觀眾留言

觀眾留言

演唱會準時開騷，音樂響起，全場觀眾都興奮尖叫，亮起手上燈棒，草蜢出場一口氣跳唱《好戲在後頭》、《華麗舞台》、《三分鐘放蹤》、《紅唇的吻》、《今晚停了電》、《失戀》和《ABC》，全場氣氛高漲。草蜢滿頭大汗，蔡一智（阿智）說：「終於嚟到佛山開騷，多謝你哋一聽到草蜢要嚟開演唱會就即刻搶飛，真係抵錫。」傑少揚言將草蜢三個人的心都送給歌迷，蘇志威（蘇老闆）表示歌迷熱情反應令他熱到滿頭大汗。

草蜢出場一口氣跳唱多首歌。

全場觀眾都興奮尖叫，亮起手上燈棒！

然後一如草蜢演唱會「傳統」，他們一邊唱《黃昏都市人》和《舊唱片》，一邊與全場觀眾玩人浪，非常開心。今次演唱會首次加入《夜了》到歌單，全場大合唱。草蜢在台上向觀眾公布好消息，傑少說：「仲有幾個月，草蜢踏入40周年，希望申請到喺香港開演唱會，到時你哋會唔會嚟捧場？」全場觀眾大叫「會」。

草蜢

草蜢

草蜢

草蜢

完騷後草蜢接受訪問，傑少興奮地說：「感覺好正，當第一場騷咁做，唱得好爽，好投入，好盡興。」阿智笑言：「熱情到我連under（內褲）都濕晒！」蘇老闆說：「今日觀眾嘅反應為我哋打咗支強心針，其他場數更有信心，好抵讚，七點零五分坐齊人，準時開騷就可以唱多啲歌。」阿智說：「今次特別為咗佛山站唱《夜了》，之前巡唱咁多場都未唱過，嘩，頭先我見到台下觀眾同我哋大合唱。」

蔡一傑

蔡一傑

傑少表示很多歌迷騷前留言點唱，他說：「之前我哋嚟做宣傳嘅時候，好多歌迷留言，草蜢好多經典歌，呢首我自己都好鍾意。」阿智笑說：「估唔到呢粒滄海遺珠畀歌迷摷到出嚟，依家成為大熱！」阿智說：「今日觀眾嘅燈海好靚，好似香港睇黃昏日落景色，一片金黃色好靚，我唱《Framily》嘅時候睇到好warm，好感動！」傑少說：「今次好多歌迷來自不同地方，北京、上海、汕頭、廣州、南京等，好多謝大家嚟支持草蜢。」

蔡一智

蔡一智

提到佛山美食，阿智在外賣app狂點餐，笑言太多選擇感困惑，蘇老闆與友人大排檔品嚐地道小炒，大讚好鑊氣，而傑少為保持弗爆身材忍口。他們透露下月中將巡唱到美國，同時忙於籌備新碟和草蜢40周年演唱會，敬請歌迷期待三子為大家準備的一連串驚喜。

蘇志威

蘇志威