朱千雪狀態極勇！
香港乳癌基金會（基金會）年度慈善步行籌款活動「乳健同行2024」已於10月20日在港島山頂圓滿舉行，近二千位粉紅健兒和寵物齊心邁步為乳健，以喚起大眾關注乳癌在香港的威脅，同時籌款支持基金會透過教育及檢查服務推廣乳健、支援乳癌患者，以及乳癌研究及倡議等工作。基金會亦呼籲，各界人士保持恆常運動的習慣，守護自己的健康。
點擊看圖輯
廖碧兒與李樂詩以香港乳癌基金會大使身份進行開幕儀式。
左起：李樂詩、林愷鈴、龔慈恩、泳兒、廖碧兒、朱千雪
「乳健同行2024」 出席嘉賓大合照。
一眾演藝界與嘉賓們進行起步禮。
由香港乳癌基金會主辦、大會指定廣播機構新城廣播有限公司攜手的「乳健同行2024」，主題是「齊心邁步為乳健」。新城廣播有限公司董事總經理宋文禧先生、新城廣播有限公司首席營運總監馬浚偉先生身體力行親自率領新城廣播管理層及員工、新城義工隊拉隊出席，陣容浩蕩。大會亦十分感謝一眾演藝界紅星及歌手齊齊現身支持，包括基金會大使李樂詩小姐、廖碧兒小姐、朱千雪小姐、龔慈恩小姐與林愷鈴小姐到場打氣，以及藝人嘉賓泳兒、力臻、何榛綦、黃筠兒、陳伊霖亦現身鼎力支持；而思敏、何基佑則擔任大會主持，場面相當熱鬧。
廖碧兒與李樂詩以香港乳癌基金會大使身份進行開幕儀式。
左起：李樂詩、林愷鈴、龔慈恩、泳兒、廖碧兒、朱千雪
香港乳癌基金會主席霍何綺華博士致歡迎辭時表示，「在今個粉紅十月，基金會喜獲逾20個機構攜手對抗乳癌，推出一連串慈善籌款活動，支持基金會的工作。」霍博士表示，感謝各大贊助商、支持機構、媒體夥伙、義工隊，令「乳健同行2024」得以順利舉行，籌得的善款將成為基金會的動力，展望未來大家繼續與基金會攜手，支持乳癌患者、康復者及其家人。
朱千雪產後首次現身活動。
廖碧兒全力支持「乳健同行2024」。
新城首席營運總監馬浚偉率領新城義工隊出席支持。
早前特意抽空為「乳健同行2024」拍攝宣傳片的李樂詩小姐，在台上提到自己曾罹患乳癌，所以希望以自身經歷，呼籲更多人關注乳健資訊，定期接受乳健檢查。泳兒表示，見到近二千粉紅健兒共聚山頂，推廣乳健資訊，場面令人感動。連續19年以香港乳癌基金會大使身份出席「乳健同行」的廖碧兒興奮表示：「由第一年開始，每年無論身在何方，我都一定特登飛回來出席，今年已經第19年，下年係20周年紀念，到時一定出席。」她並解釋一直支持香港乳癌基金會慈善步行籌款活動「乳健同行」原因，既可以做運動，又可以做善事，幫助乳癌社群，並提醒大家在活動過後，要繼續支持基金會的工作。而朱千雪更是產後首次現身活動，對「乳健同行2024」全力支持。
泳兒
左起：思敏、陳伊霖、泳兒、力臻、何榛綦、何基佑
榮升媽媽的麥明詩大談陀B感受！
「十優港姐」麥明詩（Louisa）於懷孕後首度出席公開活動，榮升媽媽的她接受傳媒訪問，分享不少感受。
本網記者攝
本網記者攝
本網記者攝
本網記者攝
本網記者攝
本網記者攝
本網記者攝
本網記者攝
本網記者攝
本網記者攝
本網記者攝
本網記者攝
本網記者攝
麥明詩宣布懷孕喜訊，「其實都好幾個月啦，一直同老公嘅共識都係順其自然。我𠵱家都係日常返工，今日亦好開心可以出席活動，提早少少賺奶粉錢。」其身體曾出現不適，「都一段時間喇，同埋之前自己都唔係好舒服，身體一直都適應緊，想心理、身體各方面都適應好啲先面對其他嘢。家庭都非常支持，老公、爸媽、老爺、奶奶即刻非常關注我嘅健康，令我有少少呷醋，因為佢係關注BB多過關注我。都有啲孕吐，發覺頭嗰3個月好攰，自己亦有工作。原來其實一個準媽媽要兼顧工作、身體、心理上，即係Physical方面都會有幾大嘅挑戰，所以好多香港嘅媽媽都好厲害。身體上最大嘅轉變就係好攰，體能都會下降，經歷咗大慨兩、三個月嘅孕吐，進食、運動各方面都有影響，步入咗另一個階段，身體適應咗，同埋都做返運動會游水、做Gym，變咗𠵱家係開心。」
本網記者攝
對於上圍升Cup，她表示：「有好多變化，當然有好嘅地方，有令我擔憂嘅地方，好嘅地方係原來都可以靚嘅，好似今日出席活動咁，有好多人幫我Keep住靚啦，都開心。有時其實見到自己個肚愈嚟愈凸出嚟，有啲擔憂咁樣，之後會唔會回復到呢？呢啲都係諗得太多，盡量做多啲運動，保持一個開心嘅心境。老公都幾好，好似我今朝做緊孕婦操，有啲運動同拉筋，佢會一齊陪我做。」談到老公的服務，「佢會好關心我嘅飲食，Make Sure我飲得夠水、湯水、進補藥材，氹我食嘢，之前可能冇咩胃口。佢會幫我搽去妊娠紋嘅產品，提升我嘅心理健康。佢會特登帶我出去食，可能好食啲我胃口會好啲。𠵱家可能變咗少食多餐，有機會係我老公嘅體型比較大，我懷疑令我個胃相對......個胎較大，每次食少少。佢好好嘅，例如食完晚餐七、八點，夜晚約十點佢會問我係咪差唔多肚餓，可能炒隻蛋畀我，或者整啲乳酪，Make Sure我唔好有飢餓嘅感覺。佢（老公）都好健康，比較Organic，所以佢都會自己整，唔想我食太多出面可能唔太健康嘅食物。」
本網記者攝
穿上四吋高踭鞋現身的麥明詩獲老公力撐，「佢知（四吋高踭鞋）嘅，係佢車我過嚟，佢不嬲都好信任我，信任我嘅選擇同判斷，我都揀咗啲粗踭同穩陣嘅高踭鞋，佢都支持我。」二人暫時未有公布BB的性別，「我哋暫時想Keep一個Surprise，可能遲啲有機會再做Gender Review。BB應該係蛇B，之前都嚮往同老公一齊組織一個家庭，都知道唔係話想計劃到就計劃到，我覺得我哋都係好有祝福，好感恩。過去嗰9個月都互相監察對方嘅健康，叫對方唔好飲酒，大家會食Supplements，提早由結婚之後開始食，但做好準備之餘都要放鬆心情，平常心，心態先係最緊要。會覺得好Lucky，呢半年暫時都好順利，當然仲有幾個月，再努力，同埋希望一切都順利。」被問到之後會否再生B，她回應：「目標嚟講，當然我嘅願望係自己嘅小朋友第時有個伴，但我覺得𠵱家就言之過早，每一個媽媽嘅經歷都唔一樣，都有佢辛苦嘅地方，都要睇自己嘅彩數，如果一切比較順利嘅當然就會比突順利啲，如果冇咁順利就到時再決定。冇話好大嘅Plan，可能每個階段每人嘅反應都唔一樣，到時睇自己嘅狀態，我都已經卜定咗12月去旅行，會同埋爸媽、老公，因為我都想一家人享受埋寧靜嘅時光。我哋應該都會去啲渡假嘅地方，都唔係話適合太走動，都好想趁最後機會有多啲時間相處，都相信有咗之後，即係下年可能就翻天覆地。老爺、奶奶已經有3個孫，唔係話好緊張，都係好事，變咗都教到我哋點樣放鬆心情，我媽媽𠵱家就超級開心，佢超鍾意小朋友，會有好多準備同計劃，例如請工人姐姐。」
本網記者攝
談到BB的名字，她笑言：「我哋有傾嘅，但我哋暫時傾嘅都係搞笑，唔出得街，你哋諗吓啦，佢姓盛㗎。我好簡單咋，驗孕後就話畀佢（老公）聽，我冇搞驚喜。我哋都係好實際嘅人，唔想自己提早開心，提醒自己都係平常心，一直保持健康，好快就同埋爸媽講。佢（老公）知道後處之泰然，因為我哋都係Plan咗，就冇太驚訝，佢都開心自己係得嘅。時間上，佢覺得下年呢個時間請到假，成件事就配合得幾好。因為工作性質方面，佢請假都要提早啲請，有啲季節係比較難請，如聖誕節。預產期係3、4個月，佢都知道我心靈比較脆弱，所以都申請飛多啲唔係留喺外地咁多日子嘅Trip，都關顧我感受。佢飛咗去外地之後就唔出去玩咁多，佢話佢想善用時間溫習佢工作上嘅嘢，佢份工係需要持續進修、溫故知新，佢希望𠵱家有時間，工作上準備得好啲，BB出世後就可以Focus喺BB嘅成長上。唔好做啲幫唔到手嘅嘢，多啲氹下我開心，畀我多啲精神上嘅支持。」順產還是開刀？她認為：「冇需要太早諗，自己或BB嘅身體已經幫你決定咗。想順其自然，即係醫生到時覺得需要咩就咩，費事太多計劃，唔想當趕唔上計劃時，自己會不知所措或失望。」她向好友朱千雪取經：「早幾日啱啱同咗Tracy（朱千雪），我都跟佢學咗好多嘢，佢分享咗好多，成個過程，佢啱啱行咗成個過程，仲係記憶猶新，畀咗我好多貼士，小朋友嘅物資點樣安排，點樣應付四大長老嘅關係，同埋自己嘅心理健康，我都好開心佢早我一段時間，幫到我好多。」
