This is a modal window.
娛圈事
阿Bob分享小鮮肉中間分界濃密髮型Look！
TVB綜藝節目《呃錢》首集中，自稱被婚介公司欺騙的黃先生，因信心十足自誇有「Baby face，點會無市場」，後來更揚言要在30日內成功追求到《東張西望》女神梁敏巧，旋即成為網絡紅人！林盛斌（阿Bob）日前（11月1日）在IG上載年少時與大班朋友的合照，並笑言：「我呢啲就真係叫Baby Face啦」。
林盛斌（阿Bob）分享小鮮肉舊照。
阿Bob說：「我呢啲真係叫Baby Face啦！」
相中見他當年只有17、18歲，以中分髮型示人，兩邊頭髮長到遮眼，十分濃密。阿Bob寫道︰「用雙氧水染啡啲頭髮再留兩條曱甴鬚去遮少少眼，上身綠色Polo，再整條紅色燈芯絨牛仔褲，呢個look嗰期真係咩女都俾我溝晒...... 嗱嗱嗱，我呢啲就真係叫Baby Face啦，到了這一刻我終於望通透，其實愛情真係冇嚟過！」好友區永權留言即大讚他︰「既有Baby face，又有健談能力，咁有市場，你玩晒啦！」
阿Bob當時大把頭髮。
中間分界。
45歲的「金牌司儀」林盛斌（Bob）靠接各大小司儀的工作賺到盆滿缽滿，最近他就飛到越南峴港，為一位老闆娘的生日派對主持。去到越南，當然要體驗一下當地出名的洗頭洗面服務，結果一直以光頭造型示人的Bob就被笑足30秒，「去得越南，臨走前唔係唔洗個頭，洗個面呀嘛。當我同經理人同助手入到去話我想洗頭嘅時候，成間舖頭嘅姐姐，喪笑咗30秒，唔知佢哋笑乜….」
林盛斌有「金牌司儀」之稱，早前登上紅館舉行個人棟篤笑《The Bobfather Finale 2025》。
最近飛到越南峴港，為一位老闆娘的生日派對主持。
並體驗了當地出名的洗頭洗面服務。
影片中可見，雖然Bob沒有頭髮，但幫他洗頭的姐姐依然展現出專業的服務態度，先幫他洗面、敷mask，之後幫他進行頭部按摩，令Bob都忍不住大讚：「成件事玩足成個鐘，除咗洗面洗頭之外，佢係連個耳仔、條頸、心口都幫你洗埋，唔單止洗，仲包埋按摩，手臂同手掌都有按，你見到佢又敷面膜又盛咁，搞咁多嘢，埋單25萬越南盾，即係70幾蚊港紙，之後我俾咗10萬貼士佢，佢一收到嘅時候，好開心，好大聲咁『嘩』咗出嚟，嗰一刻突然之間覺得自己好霸氣土豪。」
影片截圖
影片截圖
影片截圖
影片截圖
影片截圖
此外，一向熱衷創業做生意的Bob又表示：「其實我真心覺得，成件事拎返嚟香港係有得做，一間專門做『正宗越式洗面同洗頭』嘅舖頭，全套服務45分鐘，做完送多個越南椰青俾你啜。大家覺得，有冇得諗？香港應該收幾多錢？」
View this post on Instagram
