《東張西望》156萬觀眾捧場重佔首位 《中年好聲音3》22.1點創開播以來最高收視一集

《東張西望》跨平台直播收視最高24.1點！

無綫公布上周（10月28日至11月03日）翡翠台收視，資訊節目《東張西望》跨平台直播收視最高24.1點（156萬觀眾），重奪收視榜首位置；黎耀祥、胡定欣主演台慶劇《健絡通25周年呈獻：巾幗梟雄之懸崖》最高收視23.1點（150萬觀眾）收視保持平穩，登上周收視榜亞軍；楊茜堯、王浩信主演台慶劇《K Cash業主私人貸款呈獻：黑色月光》上周首播，最高收視19.7點（128萬觀眾）；處境劇《恒生保險呈獻：愛‧回家之開心速遞》最高收視21.2點（138萬觀眾）；台慶綜藝節目《環聯個人資料防護服務特約：呃錢》最高收視14.6點（95萬觀眾）。

《東張西望》

《健絡通25周年呈獻：巾幗梟雄之懸崖》

《K Cash業主私人貸款呈獻：黑色月光》

周六晚黎諾懿、陳懿德及郭珮文主持《大灣區航空日本四國德島航線呈獻︰自駕德島》最高收視17.6點（114萬觀眾）；《澳門特別行政區政府呈獻︰澳門25個第一》最高收視14.9點（97萬觀眾）；《一條麻甩在東莞》最高收視13.7點（89萬觀眾）；《TVB同行創新節目巡禮2025》介紹來年TVB猛片，最高收視12.2點（80萬觀眾）。

《大灣區航空日本四國德島航線呈獻︰自駕德島》

《澳門特別行政區政府呈獻︰澳門25個第一》

《一條麻甩在東莞》

周日晚 《香港李衆勝堂保濟丸呈獻：中年好聲音3》最高收視22.1點（143萬觀眾），創開播以來最高收視一集；陳貝兒主持《華潤集團呈獻：無窮之路IV - 一帶一路》最高收視16.8點（109萬觀眾）。

《香港李衆勝堂保濟丸呈獻：中年好聲音3》

《華潤集團呈獻：無窮之路IV - 一帶一路》

選秀綜藝節目《中年好聲音3》香港區四十五強日前順利產生，作為節目開播以來最年輕的評審、「音樂女神」海兒（Hedy）亦在自己的社交平台上總結感受。

《中年好聲音3》香港賽區45強誕生！

終極60強名單曝光！

海兒

原來這是Hedy首次擔任流行曲音樂比賽的評審，「之前有做過古典音樂比賽嘅評審，今次流行音樂加上少少綜藝元素係第一次。」由於古典音樂跟流行音樂大不同，所以Hedy事前做足準備功夫，特別在專業用詞的中英翻譯上，「因為自己學咗八年嘅Classical Singing都係用英文教學，好多關於唱歌技巧、用詞都只用英文，所以上節目前，我會喺一啲重要嘅詞彙、常用嘅字睇返中文詞語，唔想過分中英夾雜。」

今次是Hedy首次擔任流行曲音樂比賽的評審。

除此之外，Hedy又重看《中年好聲音》及《中年好聲音2》、聽流行經典歌曲做功課，「自己模擬番個拍攝情況，到第一次聽完參賽者表演，即刻根據自己寫嘅notes、搵出每個表演者好同可以改善嘅地方。」

Hedy更為節目重看《中年好聲音》及《中年好聲音2》。

首次拍攝選秀綜藝節目感覺十分新鮮，亦有不少趣事發生，Hedy表示：「海選嘅時候要認真聽、分析參賽者嘅聲音，我會瞌埋對眼，因為我覺得瞌埋對眼可以shut off咗一啲感官，我嘅聽覺會敏感少少，所以我好多時間都會瞌埋眼。到中場休息，我經理人走過嚟同我講啱啱嚇死佢，因為佢見到我瞌埋眼以為我瞓咗，佢勁驚，哈哈，滴晒汗，點解我可以瞌埋眼咁耐，呢件事真係好好笑。」

Hedy分享拍攝選秀綜藝節目的趣事。

透過這次當評審，Hedy自言有各方面的得着，當中對一位失去雙手的參賽者印象特別深刻，「佢好勇敢咁企喺台上面，唱得非常之好、好震撼。最令我印象深刻係佢超級正面，正當好多人為佢嘅遭遇感到傷心嘅時候，其實佢係非常之positive，佢令我感受咗好多，特別係音樂、做人處世同埋面對難關方面，亦都係對大家一個好好嘅Inspiration。」

李金凱年幼時因5千伏高壓電致失去雙臂，但樂觀面對人生。

除此之外，Hedy謂最重要是懂得感恩，「自己由細到大學音樂，之後順理成章將音樂變成事業。其實幸福非必然，好多人細個想學音樂，但冇機會或者冇人鼓勵，長大之後自己未必有信心、又或冇時間，又可能係經濟問題，冇辦法實踐自己嘅夢想。所以我好珍惜自己每一次可以上台表演、可以分享唱歌、可以分享我嘅聲音嘅機會。」同時亦鼓勵大家不要放棄，「只要俾自己一個機會，表演不單止係一個展現自我嘅平台，更加係一段認識自己、接納自己，並影響身邊所有人嘅旅程。希望大家都可以繼續唱歌，體驗更多然後分享下去，加油！」

Hedy希望大家都可以繼續唱歌，體驗更多然後分享下去。