與天地對話｜林盛斌讀書時期曾因扮惡 得罪惡霸被「接放學」兼毆打

Bob最終靠三大改變與惡霸化敵為友！

台慶月全新綜藝節目《森下仁丹Bifina Si益生菌呈獻：與天地對話》，由鍾鎮濤聲音導航，一共十四集，逢周一至周五晚十點半翡翠台播映。

Bob坐直昇機欣賞巨型紅色岩石。

走進澳洲北領地，探索烏魯魯、卡塔丘塔對阿南古族的「命運」。

第三位登場嘉賓是林盛斌（Bob），今、明（29日）兩晚將踏足澳洲北領地，尋找原住民的起源聖地，探索烏魯魯、卡塔丘塔對阿南古族的「命運」。Bob乘坐直昇機從高空欣賞巨型岩石，由於岩石座落於澳洲中間偏左位置，烏魯魯原住民阿南古族人形容似紅色心臟，視為文化起源，Bob見到後感嘆猶如人生：「搵自己最叻、最出色嘅嘢，好好做好佢、好好做到極致，自然有人欣賞。」由電台DJ、金牌司儀，到自設公司做老闆，進駐豪宅、名利雙收；其實Bob人生上半場曾經歷無數失敗，尤其疫情數年間，無論個人抑或製作公司均工作量大減甚至零收入，Bob坦言曾一度「怨社會、怨疫情、怨經濟」，但深明命運掌握手中，思想和行為必須改變，終放下老闆尊嚴求變，才成功渡過難關。

Bob透露疫情數年間零收入，曾一度怨社會、怨疫情、怨經濟。

Bob自爆讀書時期以裝惡保護脆弱內心，曾得罪惡霸被「接放學」毆打！

10年前曾錯失當主角機會 Bob感慨娛樂圈猶如鱷魚潭：危機四伏

在荒漠立足體現原住民堅強意志，Bob憶起讀書時期曾扮惡企圖保護脆弱心靈，有次Bob與學校內惡霸起衝突，結果被「接放學」兼遭毆打，Bob坦言該次痛楚過後換來醒覺：「之後開始笑多啲，願意同人交往多啲同冇咁寸，最後同呢班同學仔反而變成朋友，到依家仲有keep住聯絡。」Bob另外到了澳洲東北面的卡卡杜國家公園，坐船穿梭居住了9千隻鱷魚的鱷魚潭，席間Bob感嘆演藝圈像鱷魚潭一樣危機四伏：「表面歌舞昇平，個個笑笑口，其實都係危機四伏，好多人想你死！」Bob透露約10年到8年前，曾經有一次當男主角的機會，但因有不同聲音指他「未夠班」，最終易角，令他錯失當男主機會：「唔夠勁、唔夠強就冇架喇，所以我同自己講，每日一定要有進步，逐少逐少咁累積，幾年成就已經可以好大。」

Bob自爆讀書時期以裝惡保護脆弱內心，曾得罪惡霸被「接放學」毆打！

Bob回想做電台節目主持時被人睇唔起，背後聽過好多難聽說話。

製作組帶咗Bob當年同電台DJ合作出嘅CD，昔日回憶湧上心頭。

製作組帶咗Bob當年同電台DJ合作出嘅CD，昔日回憶湧上心頭。

難忘大女Faye代向網民平反：My Dad Is Not Rubbish

網絡拉近人與人之間距離，卻造就更多惡意攻擊，對於連續多年登上「十大我最討厭藝人榜」，面對酸民奚落及嘲笑，Bob均一笑置之，但只要牽涉到家人他就無法容忍！Bob指曾有網民在大女Faye社交網站留言：「你爸爸是垃圾」，但感恩當時只有12、13歲大的Faye相當懂事，沒有被打擊之餘，更勇敢為爸爸平反，Bob憶述指：「我個女回覆『No, my dad is not rubbish！he is my hero』，係好感動，個女好生性識得維護爸爸、保護爸爸聲譽。」Bob另外還談及了數年前心臟病發「通波仔」的經歷，直言是最接近死亡一次，到底曾經面臨死亡的Bob，現在對生老病死有何睇法？密切留意今、明兩晚播出的《與天地對話》。

製作組帶咗Bob當年同電台DJ合作出嘅CD，昔日回憶湧上心頭。

Bob坐船穿越鱷魚潭，不諱言直指演藝圈都係鱷魚潭：「表面個個笑笑口，其實好多人想你死！」

Bob感恩大女Faye面對酸民好懂事，冇唔開心之餘仲識維護爸爸。

蔡思貝擔任第二位嘉賓， 自認從小個性孤僻

台慶月全新綜藝節目《森下仁丹Bifina Si益生菌呈獻：與天地對話》，由鍾鎮濤聲音導航，一共十四集，逢周一至周五晚十點半翡翠台播映。2013年香港小姐亞軍、視后蔡思貝擔任第二位嘉賓，昨晚（25日）起一連三集踏足神秘孤島—索科特拉島，讓她勾起不少孤獨回憶。思貝自認從小個性孤僻，孤僻程度試過全家人出門落街後，才發覺「漏咗個女喺屋企」。思貝於13歲隻身遠赴新西蘭升學，由於就讀寄宿學校，需要排隊打長途電話回港給父母，說到此不禁眼濕濕：「有時傾得耐會畀人鬧，好掛住咪傾耐啲…」

第二位嘉賓係蔡思貝，踏足神秘孤島—索科特拉島。

思貝自認從小個性孤僻，孤僻程度就連全家人出門，落街後先發覺「漏咗個女喺屋企」！

13歲起遠赴新西蘭讀書。

13歲起遠赴新西蘭讀書。

講起家人，思貝不禁眼濕濕。

思貝與天地對話。

直到22歲回流香港，思貝參選港姐並展開演藝事業，她直言初時選港姐「唔識驚」，後來對自己有目標、有追求後，開始擔心自己會失敗和失望。她主動重提入行兩年便在劇集《衝線》擔正女主角，惟演出負評如潮，思貝曾一度擔心未能滿足觀眾要求…思貝又透露已有一整年時間沒有拍劇，並坦言懷疑人生：「呢一年我冇休息過，希望喺各方面有進步，我好深信會有好正嘅角色等緊我。」

思貝於2013年選港姐奪得亞軍入行，曾歷高低起跌。

《衝線》為其首部擔正女主角的劇集。

台慶過後崩潰爆喊

昨晚和今晚（26日）播出兩集，思貝不但體驗在詭秘的「龍血樹森林」露營看日出，又試塗龍血樹的天然汁液，原來不但有護膚用途，內服更有調理腸胃功效。之後思貝跟披著神秘面紗的原住民參觀居住環境，並對當地女性原住民披著面紗仍能遇到真愛大表驚歎，並認同愛情靠心靈交流建立更能維繫：「大家都會老、有皺紋，唔靚仔靚女嘅一日。無論我或對方變成點，到at the end of the day只要大家心連心，靈魂係相連就OK。」思貝亦自揭有容貌及身形焦慮，莫講鏡頭後素顏穿T恤，有時連full make up造型也會有類似感受：「係咪少少瑕疵都唔容許（自己好）呢？下下都會挑剔自己唔夠好…」她直言初入行曾一度壓力大至出現幻聽及幻覺，瞓上床後竟然會聽到「Roll機，3、2、1，action」；亦指曾有一年台慶過後，她準備駕車回家時在停車場內崩潰爆喊：「好攰，見到好多人嗰種心理壓力好大，嗰次好似失咗控咁，都幾深刻！」

喺龍血樹森林露營睇日出。

龍血樹汁液，原來可以護膚同埋調理腸胃，外敷內服！

思貝同原住民打成一片，體驗索科特拉島人生活。

思貝同原住民打成一片，體驗索科特拉島人生活。

思貝同原住民打成一片，體驗索科特拉島人生活。

思貝自揭有容貌及身形焦慮，亦曾壓力大致出現幻聽、幻覺。

思貝自揭有容貌及身形焦慮，亦曾壓力大致出現幻聽、幻覺。